រាជធានីភ្នំពេញ ៖ ផ្ទះលក់កាហ្វេមួយកន្លែងស្ថិតនៅផ្ទះលេខ៥ ក្រុម៣៥ ភូមិ៧ ផ្លូវលេខ៥៩៨ សង្កាត់បឹងកក់ទី២ ខណ្ឌទួលគោក ត្រូវអគ្គិភ័យឆាបឆេះបង្កឲ្យមានការភ្ញាក់ផ្អើលកាលពីវេលាម៉ោង៤ និង៣០នាទីទៀបភ្លឺ ថ្ងៃទី២២ វិច្ឆិកា បណ្តាលឲ្យខូចខាតសម្ភារៈមួយចំនួន ។
រាជធានីភ្នំពេញ ៖ ផ្ទះលក់កាហ្វេមួយកន្លែងស្ថិតនៅផ្ទះលេខ៥ ក្រុម៣៥ ភូមិ៧ ផ្លូវលេខ៥៩៨ សង្កាត់បឹងកក់ទី២ ខណ្ឌទួលគោក ត្រូវអគ្គិភ័យឆាបឆេះបង្កឲ្យមានការភ្ញាក់ផ្អើលកាលពីវេលាម៉ោង៤ និង៣០នាទីទៀបភ្លឺ ថ្ងៃទី២២ វិច្ឆិកា បណ្តាលឲ្យខូចខាតសម្ភារៈមួយចំនួន ។
ម្ចាស់ផ្ទះដែលជួលលក់កាហ្វេមានឈ្មោះ ស៊ុន នារី ភេទប្រុស អាយុ២៤ឆ្នាំ មុខរបរលក់កាហ្វេ ស្នាក់នៅផ្ទះជួលកើតហេតុខាងលើ ជាផ្ទះឈើប្រក់សង្ក័សីមានទំហំ៤ម៉ែត្រគុណ១៦ម៉ែត្រ ។ ម្ចាស់ផ្ទះជួលដែលឆេះនេះបានឲ្យដឹងថា មុនពេលកើតហេតុពួកគេទើបនឹងលក់កាហ្វេរួចរាល់ហើយបានរៀបចំបិទទ្វារសម្រាក ស្រាប់តែមានអ្នកជិតខាងគោះទ្វារហៅប្រាប់ថា មានភ្លើងឆេះផ្ទះ ក៏ចេញមកបើកទ្វារផ្ទះស្រាប់តែមានផ្សែងហុយទ្រលោមចូលក្នុងផ្ទះទៅហើយ ព្រោះភ្លើងបានឆាបឆេះពីខាងក្រោមដែលមានទឹក ហើយគរគំនរឈើ និងសំរាម ។
ភ្លាមៗនោះប្រជាពលរដ្ឋបានយកបំពង់ពន្លត់អគ្គិភ័យបាញ់អស់៥បំពង់ភ្លើងបានរលត់ស្ងប់ស្ងាត់បន្តិចមានរថយន្តពន្លត់អគ្គិភ័យ២គ្រឿងទៅដល់បាញ់ទឹកអស់មួយគ្រឿងទៀតទើបរលត់អស់ទាំងស្រុង ។ សមត្ថកិច្ចបានឲ្យដឹងថា អគ្គិភ័យខាងលើនេះឆេះចេញពីគំនរសំរាម និងគំនរឈើដែលនៅក្រោមផ្ទះដែលជាបឹងមានទឹកអាចមកពីមានអ្នកចោលកន្ទុយបារីបោះចោលយូរទៅបង្កជាអណ្តាតភ្លើងបណ្តាលឲ្យឆាបឆេះ តែមិនបណ្តាលឲ្យខូចខាតសម្ភារៈនៅក្នុងផ្ទះ និងមានអ្នករងរបួសទេ ព្រោះទើបតែឆេះនៅខាងក្រោម ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ