ខេត្តតាកែវ ៖ មានពាក្យចចាមអារ៉ាមបាននិយាយពីមាត់មួយទៅមាត់មួយមិនចេះចប់ ដែលចោទប្រកាន់ទៅលើការប្រព្រឹត្តអំពើពុករលួយលួចលាក់ឈ្មោះខ្មោចទុកជាច្រើននាក់ដើម្បីបើកលុយដាក់ហោប៉ៅជារៀងរាល់ខែនាពេលកន្លងមក ។ បុ៉ន្តែបន្ទាប់ពីមន្ត្រី
ខេត្តតាកែវ ៖ មានពាក្យចចាមអារ៉ាមបាននិយាយពីមាត់មួយទៅមាត់មួយមិនចេះចប់ ដែលចោទប្រកាន់ទៅលើការប្រព្រឹត្តអំពើពុករលួយលួចលាក់ឈ្មោះខ្មោចទុកជាច្រើននាក់ដើម្បីបើកលុយដាក់ហោប៉ៅជារៀងរាល់ខែនាពេលកន្លងមក ។ បុ៉ន្តែបន្ទាប់ពីមន្ត្រីប៉ូលិសតម្រូវឱ្យធ្វើសំណុំបែបបទបើកប្រាក់បៀវត្សតាមធនាគារវិញនោះ ឃើញថាមានឈ្មោះខ្មោច៥០នាក់មិនបានមកបំពេញសំណុំលិខិតធ្វើកាត ATM ទេ ។
នៅរសៀលថ្ងៃទី២០ វិច្ឆិកា ជួបដាច់ដោយឡែកជាមួយកោះសន្តិភាពនៅស្នងការដ្ឋាននគរបាលខេត្ត លោកឧត្តមសេនីយ៍ត្រី អ៊ុក សំណាង ស្នងការនគរបាលខេត្តបានឱ្យដឹងថា ក្នុងនាមលោកជាស្នងការនគរបាលខេត្ត សុំបដិសេធទាំងស្រុងទៅនឹងការចោទប្រកាន់មកលើរូបលោក ព្រោះនៅសល់ឈ្មោះជាច្រើននាក់ទៀត អត់មានមុខមកធ្វើសំណុំបែបបទបើកប្រាក់តាមធនាគារទេ គឺមានតែឈ្មោះ ។ លោកឧត្តមសេនីយ៍ស្នងការនគរបាលខេត្តបានបន្តទៀតថា ចំពោះការធ្វើសំណុំបែបបទបើកប្រាក់បៀវត្សតាមធនាគារនោះ ប៉ូលិសនៅតាមអធិការដ្ឋាននគរបាលចំនួន៩ស្រុក មានមន្ត្រីចំនួន១.០៩៩នាក់ (ស្រី១២នាក់) ត្រូវធ្វើសំណុំបែបបទបើកប្រាក់បៀវត្សនៅធនាគារអេស៊ីលីដា ។ ចំណែកប៉ូលិសនៅអធិការដ្ឋាននគរបាលក្រុងដែនកែវ និងប៉ូលិសនៅស្នងការដ្ឋាននគរបាលខេត្តចំនួន៥១៥នាក់ (ស្រី២០នាក់) បានធ្វើកាត ATM បើកប្រាក់បៀវត្សនៅធនាគារកាណាឌីយ៉ា ។
លោកស្នងការនគរបាលខេត្តបានបញ្ជាក់ថា នៅតាមបណ្តាស្រុកទាំង៩នោះអត់មានមុខប៉ូលិសមកបំពេញសំណុំបែបបទចំនួន២៩នាក់ ដែលឈ្មោះទាំងនោះខ្លះទៅរៀន ខ្លះឈឺ ខ្លះស្លាប់ និងចូលនិវត្តន៍ ។ សរុបបូ៉លិសទាំង៩ស្រុក និងក្រុង១ ដែលមានមុខមកបំពេញសំណុំបែបបទធ្វើកាត ATM បើកប្រាក់តាមធនាគាររួចមានចំនួន១.៦១៤នាក់ (ស្រី៣២នាក់) អវត្តមានចំនួន៥០នាក់ ក្នុងនោះស្រីម្នាក់ចូលនិវត្តន៍, ៦នាក់ស្លាប់, ១៤នាក់ផ្ទេរការងារ, ៤នាក់ទៅរៀន, ៦នាក់ព្យួរការងារ, ២នាក់បញ្ឈប់ពីក្របខ័ណ្ឌ, សុំច្បាប់១២នាក់ និងឈឺ៤នាក់ ។
លោកស្នងការបានបញ្ជាក់បន្ថែមថា ចំពោះមន្ត្រីនគរបាលដែលអវត្តមាន លោកនឹងបញ្ជូនឈ្មោះទៅអគ្គស្នងការដ្ឋាននគរបាលជាតិដើម្បីកាត់ឈ្មោះចេញពីក្របខ័ណ្ឌ ដោយលោកមិនទុកឈ្មោះទាំងអស់នោះទេ ខ្លាចគេចោទថា លោកកេងឈ្មោះខ្មោច ៕
ចែករំលែកព័តមាននេះ