ខេត្តប៉ៃលិន ៖ ប្រភពពីអ្នកឆ្លើយឆ្លងព័ត៌មានខេត្តប៉ៃលិនបានឱ្យដឹងថា ឪពុក ម្តាយ និងកូនស្រី៣នាក់ត្រូវជនមិនស្គាល់មុខចងផ្អោបគ្នា ហើយចាក់សាំងដុតសម្លា.ប់ក្នុងផ្ទះបណ្តាលឱ្យឆេះទាំងផ្ទះ ទាំងមនុស្សស្លា.ប់យ៉ាងអាណោចអាធ័មកាលពី
ខេត្តប៉ៃលិន ៖ ប្រភពពីអ្នកឆ្លើយឆ្លងព័ត៌មានខេត្តប៉ៃលិនបានឱ្យដឹងថា ឪពុក ម្តាយ និងកូនស្រី៣នាក់ត្រូវជនមិនស្គាល់មុខចងផ្អោបគ្នា ហើយចាក់សាំងដុតសម្លាប់ក្នុងផ្ទះបណ្តាលឱ្យឆេះទាំងផ្ទះ ទាំងមនុស្សស្លាប់យ៉ាងអាណោចអាធ័មកាលពីវេលាម៉ោង១២ និង៣០នាទីរំលងអធ្រាត្រឈានចូលថ្ងៃទី២១ វិច្ឆិកា ២០១៤ នៅភូមិកូនដំរី ឃុំអូរអណ្តូង ស្រុកសាលាក្រៅ។
ជនរងគ្រោះត្រូវគេស្គាល់ឈ្មោះហេង រ៉ាវី ភេទប្រុស អាយុ២៧ឆ្នាំ ជាស្មៀនឃុំសាលាក្រៅ ប្រពន្ធឈ្មោះធី ផលឡៃ អាយុ២៤ឆ្នាំ ជាអ្នករកស៊ីលក់ដំឡូង និងកូនស្រីឈ្មោះហេង ម៉េងជូ អាយុ៦ខែ ។
ប្រភពបានឱ្យដឹងទៀតថា មុនពេលកើតហេតុអ្នកជិតខាងបានឮសម្លេងក្ឌុងក្ឌាំងក្នុងផ្ទះកើតហេតុ ហើយមួយសន្ទុះក្រោយមកស្រាប់តែឃើញភ្លើងឆេះសន្ធោសន្ធៅឡើង ហើយឃើញជនសង្ស័យជិះម៉ូតូ២គ្រឿងចេញពីកន្លែងកើតហេតុឆ្ពោះទៅទិសខាងជើងបាត់ស្រមោល។ ក្នុងហេតុការណ៍នេះគេមិនបានដឹងថា តើជនសង្ស័យសម្លាប់ជនរងគ្រោះរួច ទើបចងចាក់សាំងដុត ឬក៏ដុតទាំងរស់នោះទេ ព្រោះនៅពេលភ្លើងឆាបឆេះឡើងគេអត់ឮសម្លេងជនរងគ្រោះស្រែកឱ្យជួយឡើយ។
ប្រភពបានបន្តថា ស្ត្រីរងគ្រោះខាងលើទើបតែយកលុយពីថៅកែដំឡូងបាន៤ម៉ឺនដុល្លារ និងលុយបាតជាច្រើនទៀតមកផ្ទះដើម្បីទុកឱ្យថ្លៃដំឡូងគេ តែមិនទាន់បានឱ្យគេផងក៏កើតមានហេតុការណ៍នេះឡើងតែម្តង តែតាមការពិនិត្យនៅកន្លែងកើតហេតុគេឃើញលុយនោះត្រូវភ្លើងឆេះសល់តែកម្ទេច ដោយមិនមានបាត់បង់ទៅណាទេ ដូច្នេះករណីនេះត្រូវគេសង្ស័យថា អាចជាករណីគំនុំ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ