រាជធានីភ្នំពេញ ៖ ម៉ូតូ២គ្រឿងត្រូវចោរធ្វើសកម្មភាពលួចបានសម្រេច ខណៈម្ចាស់កំពុងចូលប្រជុំក្នុងពិធីផ្សព្វផ្សាយពិគ្រោះយោបល់របស់ក្រុមប្រឹក្សាខណ្ឌពោធិ៍សែនជ័យអាណត្តិទី២ បង្កឱ្យមានការភ្ញាក់ផ្អើលកាលពីវេលាម៉ោង១១ និង១០នាទីព្រឹកថ្ងៃទី៣១ តុលា ២០១៤ នេះ ស្ថិតនៅក្នុងភូមិវត្តកំបូល សង្កាត់កំបូល ខណ្ឌពោធិ៍សែនជ័យ ។
ប្រភពបានឱ្យដឹងថា ជនរងគ្រោះជាម្ចាស់ម៉ូតូទាំង២នាក់ត្រូវបានស្គាល់ ១-ឈ្មោះស៊ឹុម គន្ធា ភេទស្រី អាយុ៣៥ឆ្នាំ ជាប្រធានភូមិត្រពាំងអញ្ចាញ៣ សង្កាត់ត្រពាំងក្រសាំង ខណ្ឌពោធិ៍សែនជ័យ ជិះម៉ូតូម៉ាកស្គូពី ពាក់ស្លាកលេខភ្នំពេញ 1CH-0174 និង២-ឈ្មោះអ៊ឹម ស៊ីវន អាយុ៤៥ឆ្នាំ ជាជំនួយការមេភូមិចម្ការឪឡឹក មានទីលំនៅក្នុងសង្កាត់កាកាប ជិះម៉ូតូសង់ C125 ពាក់ស្លាកលេខ 1CH- 1595 ។
ប្រភពបន្តថា មុនពេលកើតហេតុ ម្ចាស់ម៉ូតូទាំង២នាក់ខាងលើ បានចូលរួមក្នុងពិធីប្រជុំនៅក្នុងវត្តកំបូលនោះ លុះពេលជិតចប់ពិធីក៏ចេញមកក្រៅ ដើម្បីយកម៉ូតូជិះត្រឡប់ទៅផ្ទះវិញ ស្រាប់តែមិនឃើញក៏មានការភ្ញាក់ផ្អើលថាបាត់ម៉ូតូតែម្តង ។ គួរបញ្ជាក់ថា ក្នុងកម្ម វិធីប្រជុំនោះ មានមនុស្សចូលរួមប្រមាណ៥០០នាក់ ហើយក៏គ្មានសន្តិសុខយាមម៉ូតូដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ