រាជធានីភ្នំពេញ ៖ កាលពីថ្ងៃទី២២ តុលា ២០១៤ នៅស្ថានទូតជប៉ុនប្រចាំកម្ពុជាលោក គូម៉ាម៉ារ៉ូ យូជិ ឯកអគ្គរាជទូតវិសាមញ្ញ និងពេញសមត្ថភាពប្រចាំព្រះរាជាណាចក្រកម្ពុជាបានប្រគល់ប័ណ្ណសសើរដល់លោក កាន់ សាគី ដែលបានចំណាយពេលស្ទើរតែមួយជីវិតទៅហើយ មកលើទឹកដីនៃព្រះរាជណាចក្រកម្ពុជា គឺអស់រយៈពេល ប្រមាណជា៤៥ឆ្នាំ សម្រេចបាននូវសមិទ្ធិផលជាច្រើននៅប្រទេសកម្ពុជា រួមមានការជួសជុល និងការស្ដារឡើងវិញនូវហេដ្ឋារចនាសម្ព័ន្ធក្នុងប្រទេសកម្ពុជា ។
លោក គូម៉ាម៉ារ៉ូ យូជិ បានថ្លែងថា ការប្រគល់ជូននេះ គឺជាការទទួលស្គាល់ពីរាជរដ្ឋាភិបាលជប៉ុនចំពោះការខិតខំប្រឹងប្រែងរបស់លោក កាន់ សាគី ក្នុងរយៈពេល៤៥ឆ្នាំកន្លងមកនេះ លោកសម្រេចបាននូវសមិទ្ធិផលជាច្រើននៅប្រទេសកម្ពុជា រួមមានការជួសជុល និងការស្ដារឡើងវិញនូវហេដ្ឋារចនាសម្ព័ន្ធក្នុងប្រទេសកម្ពុជា ដូចជា ការជួសជុលផ្លូវថ្នល់ ការកសាងទំនប់ទឹក និងការផ្ដល់ឱកាសសិក្សាដល់កុមារកម្ពុជា ដែលមានជីវភាពក្រីក្រពុំមានឱកាសបានសិក្សារៀនសូត្រ ក្រោយពីលោកបានលាចេញពីតំណែងជាអាជីវករ ព្រមទាំងការចូលរួមចំណែកវឌ្ឍនាភាពនានានៃទំនាក់ទំនងកម្ពុជា-ជប៉ុន៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ