រដ្ឋាភិបាលជប៉ុន បានផ្តល់ជំនួយឥតសំណងនូវថវិកាចំនួន១៤១.២៣២ ដុល្លារអាមេរិក សម្រាប់គម្រោងពង្រឹងប្រព័ន្ធថែទាំសុខភាពមាតា និងទារក នៅខេត្តកំពង់ចាម។
ពិធីចុះហត្ថលេខាកិច្ចសន្យាផ្តល់ជំនួយឥតសំណងនោះ បានធ្វើឡើងនៅថ្ងៃទី២០ តុលា ឆ្នាំ២០១៤ នៅសាលប្រជុំធំស្ថានទូជប៉ុន។ ក្រោមគ្រោងការនៃជំនួយ ឧបត្ថម្ភឥតសំណង សម្រាប់គម្រោងរបស់អង្គការក្រៅរដ្ឋាភិបាលជប៉ុន រដ្ឋាភិបាលជប៉ុននឹងផ្តល់ទឹកប្រាក់សរុបចំនួន ១៤១.២៣២ ដុល្លារអាមេរិកដល់អង្គការមូលនិធិជប៉ុន ភី-អេជ-ជេ(PHJ) សម្រាប់គម្រោងពង្រឹងប្រព័ន្ធថែទាំសុខភាពមាតានិងទារកនៅខេត្តកំពង់ចាម។
លោក គូម៉ាម៉ារ៉ូ យូជិ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុន ប្រចាំព្រះរាជាណាចក្រកម្ពុជា បានមានប្រសាសន៍ថា រាជរដ្ឋាភិបាលកម្ពុជា បានខិតខំប្រឹងប្រែងយា់ងខ្លាំង ដើម្បីកែលំអធ្វើឲ្យប្រសើរឡើងនូវស្ថានភាព សុខភាព មាតា និងទារក ដោយសម្រេចបាននូវគោលដៅអភិវឌ្ឍន៍សហសវត្សក្នុងវិស័យសុខភាព មាតានិងទារក។ ទោះជាយ៉ាងណាក៏ដោយ បើប្រៀបធៀបទៅនឹងបណ្តាប្រទេសជិតខាងដែលនៅជុំវិញនេះអត្រាមរណភាពនៅប្រទេសកម្ពុជានៅតែមានកំរិតខ្ពស់ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ