រាជធានីភ្នំពេញ ៖ ក្រសួងសុខាភិបាល និងមូលនិធិ GE បានចុះហត្ថលេខាលើគម្រោង «កម្មវិធីអនាម័យទឹកស្អាតនៅតាមមន្ទីរពេទ្យបង្អែកក្នុងព្រះរាជាណាចក្រកម្ពុជា» និងប្រគល់ឧបករណ៍វេជ្ជសាស្ត្រ និងប្រគល់សម្ភារបរិក្ខារពេទ្យសម្រាប់អគារមជ្ឈមណ្ឌលវិទ្យាសាស្ត្រប្រព័ន្ធប្រសាទមន្ទីរពេទ្យកាល់ម៉ែត កាលពីរសៀលថ្ងៃទី១៨ កញ្ញា ២០១៤ នេះ ដែលរៀបចំនៅសាលប្រជុំមន្ទីរពេទ្យកាល់ម៉ែតក្រោមអធិបតីភាពលោកវេជ្ជបណ្ឌិតម៉ម ប៊ុនហេង រដ្ឋមន្ត្រីក្រសួងសុខាភិបាល ។
នាឱកាសនោះ ក៏មានការអញ្ជើញចូលរួមពីលោក Sean Callahhan តំណាងឯកអគ្គរដ្ឋទូតអាមេរិកនៅកម្ពុជា, លោកJonh G RICE អនុប្រធានជានាយកប្រតិបត្តិផ្នែកប្រតិបត្តិការ និងអភិវឌ្ឍន៍ជាសាកល និងជាសមាជិកក្រុមប្រឹក្សាភិបាលមូលនិធិ GE, លោក David Barash នាយកប្រតិបត្តិទទួលបន្ទុកផ្នែកសុខាភិបាលរបស់មូលនិធី GE និងលោកសាស្ត្រាចារ្យឈាង រ៉ា អគ្គនាយកមន្ទីរពេទ្យកាល់ម៉ែត ។
លោកសាស្ត្រាចារ្យឈាង រ៉ា អគ្គនាយកមន្ទីរកាល់ម៉ែតបានមានប្រសាសន៍ថា មន្ទីរពេទ្យកាល់ម៉ែតថ្ងៃនេះ មានសេចក្តីរីករាយយ៉ាងក្រៃលែងដោយបានទទួលឧបករណ៍វេជ្ជសាស្ត្រ និងបរិក្ខារពេទ្យគិតជាទឹកប្រាក់ចំនួន១០០៨៨៩៤,៣៤ដុល្លារ (មួយលានប្រាំបីពាន់ប្រាំបីរយកៅសិបបួនដុល្លារសហរដ្ឋអាមេរិក និងសាមសិបបួនសេន) ដែលជាអំណោយដ៏ថ្លៃថ្លារបស់មូលនិធីGE សម្រាប់អគារមជ្ឈមណ្ឌលវិទ្យាសាស្ត្រប្រព័ន្ធប្រសាទមន្ទីរពេទ្យកាល់ម៉ែត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ