បើគ្រាន់តែស្រមើលស្រមៃពីតម្លៃថ្លៃបំផុតរបស់ទូរស័ព្ទiPhone 6ក៏លោកអ្នកមិននឹកស្មានដល់ថាវាថ្លៃរហូតដល់ទៅជាង២,៧លានដុល្លារនោះដែរ ប៉ុន្តែភាពអស្ចារ្យដ៏មិនគួរឱ្យជឿបានកើតឡើងរួចមកហើយរវាងFerrari 250 GTO Berlinette ដែលមានតម្លៃកប់ពពកក្នុងការលក់ដេញថ្លៃដែលមិនធ្លាប់មាននិងទូរស័ព្ទស្មាតហ្វូនដ៏ទំនើបរបស់ក្រុមហ៊ុនApple ។
គួរបញ្ជាក់ថា iPhone 6 ដ៏ប្រណីតនេះត្រូវបានរចនាឡើងដោយក្រុមហ៊ុនផលិតគ្រឿងអលង្ការAlexander Amosu របស់ចក្រភពអង់គ្លេស ។ តាមការតុបតែងលម្អដោយគ្រឿងអលង្ការមានតម្លៃដើម្បីបង្កើនសោភ័ណភាពដ៏ល្អឯកនោះបានធ្វើឱ្យiPhone 6នោះមានតម្លៃរហូតដល់ទៅ២,៧លានដុល្លារដែលប្រហាក់ប្រហែលទៅនឹងតម្លៃហាងឆេងកំពូលរថយន្តស្ព័រទំនើបៗនិងមានកិត្តិនាមល្បីៗលើពិភពលោកដូចជា LaFerrari,Porsche 918 Spyder និងMclaren P1 ។ រហូតមកទល់ពេលនេះគេមិនទាន់ឃើញទូរស័ព្ទស្មាតណាមួយមានតម្លៃថ្លៃជាងiPhone 6របស់ក្រុមហ៊ុនApple ដែលរចនាឡើងដោយស្រោបពីប្លាទីននិងពេជ្ររបស់ក្រុមហ៊ុនផលិតគ្រឿងអលង្ការខាងលើឡើយ ។
បរិមាណទឹកប្រាក់នៃការចំណាយក្នុងការផលិតវាឡើងគឺផ្ដោតទៅលើទូរស័ព្ទដែលធ្វើពីប្លាទីននិងត្បូងមរកតដែលត្រូវបានកាត់បញ្ចុះឬដាំពេជ្រនៅលើតួផ្នែកខាងក្រោយ ។ ទោះជាយ៉ាងណាក៏ដោយទូរស័ព្ទផលិតពីមាសនិងដាំត្បូងមរកតដ៏ប្រណីតនេះមានតាមតម្លៃខណៈដែលតម្លៃលំដាប់កំពូលគឺ៤៨,៥លានដុល្លារដែលថ្លៃជាងរថយន្តស្ព័រFerrari 250 GTO Berlinetta សេ៊រី១៩៦២ ដែលទើបតែជាលំដាប់កំពូលថ្លៃបំផុតក្នុងការដេញថ្លៃនៅរដ្ឋកាលីហ្វ័រនីញ៉ាកាលពីពេលថ្មីៗនេះ ។ ម្យ៉ាងទៀតFerrari 250 GTO គឺជាអ្នកជំនួសតំណែងMercedesr-Benz W196R Formula 1ស៊េរី១៩៥៤ ដែលបានទិញពីអង់គ្លេសក្នុងតម្លៃ៣០លានដុល្លារ ៕
ចែករំលែកព័តមាននេះ