រាជធានីភ្នំពេញ ៖ យុវជនម្នាក់ជាជនអនាថាចុះចោលផ្ទះសម្បែងត្រូវបាននគរបាលខណ្ឌ៧មករា ឃាត់ខ្លួនកាលពីថ្ងៃទី១៥ កញ្ញា កន្លងមក នៅពេលយកប្រាក់ដុល្លារខ្មោចទៅទិញម៉ូតូ។ យុវជននោះឈ្មោះ ឡិន តែម អាយុ២៤ឆ្នាំជនជាតិខ្មែរ.អ៊ិស្លាម រស់នៅភូមិក្បាលខ្ទិះ ឃុំបោះស្បូវ ស្រុកសិរីសោភ័ណ ខេត្តបន្ទាយមានជ័យ បានមកស្នាក់នៅផ្ទះជួលម្តុំភ្លើងស្តុបបូកគោ សង្កាត់បឹងកេងកង៣ ខណ្ឌចំការមន ។
រាជធានីភ្នំពេញ ៖ យុវជនម្នាក់ជាជនអនាថាចុះចោលផ្ទះសម្បែងត្រូវបាននគរបាលខណ្ឌ៧មករា ឃាត់ខ្លួនកាលពីថ្ងៃទី១៥ កញ្ញា កន្លងមក នៅពេលយកប្រាក់ដុល្លារខ្មោចទៅទិញម៉ូតូ។ យុវជននោះឈ្មោះ ឡិន តែម អាយុ២៤ឆ្នាំជនជាតិខ្មែរ.អ៊ិស្លាម រស់នៅភូមិក្បាលខ្ទិះ ឃុំបោះស្បូវ ស្រុកសិរីសោភ័ណ ខេត្តបន្ទាយមានជ័យ បានមកស្នាក់នៅផ្ទះជួលម្តុំភ្លើងស្តុបបូកគោ សង្កាត់បឹងកេងកង៣ ខណ្ឌចំការមន ។
ការឃាត់ខ្លួនយុវជនខាងលើនោះត្រូវបានលោកអនុសេនីយ៍ទោ រស់ ស៊ីណា ប្រធានផ្នែកនគរបាលព្រហ្មទណ្ឌខណ្ឌ៧មករាឲ្យដឹងថា កាលពីវេលាម៉ោង២រសៀលថ្ងៃទី១៥ កញ្ញា នគរបាលប៉ុស្តិ៍រដ្ឋបាលបឹងព្រលឹត បានឃាត់ខ្លួនយុវជនឈ្មោះ ឡិន តែម នៅផ្លូវលេខ២៣២កែងផ្លូវលេខ៩៣ និងដកហូតប្រាក់ដុល្លារខ្មោចមួយថង់ចំនួន៧.៥០០ដុល្លារ ។ លោក រស់ ស៊ីណា បានបន្តថា បានជាមានការឃាត់ខ្លួនយុវជនរូបនោះ គឺយោងលើបណ្តឹងប្រជាពលរដ្ឋតាមទូរស័ព្ទថា ជនសង្សយ័បានដើរចូលក្រុមហ៊ុន(OMC) ដែលមានអាសយដ្ឋានជិតផ្លូវកាច់ជ្រុងភ្លើងស្តុបអតីតពេទ្យចិន ដោយបានសួររកទិញម៉ូតូ១គ្រឿងម៉ាកនិក ពណ៌ផ្កាឈូកលាយក្រហម សេ៊រី២០១៣ ដែលមានតម្លៃ១.៣៩០ដុល្លារ ។
ពេលយុវជននោះមើលម៉ូតូត្រូវហើយ គេបានដកប្រាក់ពីស្បោងយួរមួយរាប់ឲ្យក្រុមហ៊ុន ពេលពិនិត្យទៅឃើញថា ប្រាក់ទាំងអស់នោះសុទ្ធតែជាក្រដាសដុល្លារខ្មោច ទើបក្រុមហ៊ុនមិនលក់ម៉ូតូឲ្យហើយប្រគល់ប្រាក់ក្លែងក្លាយនោះឲ្យជនសង្ស័យវិញ ថែមទាំងដេញឲ្យចេញពីក្រុមហ៊ុនទៀតផង ។ ពេលយុវជននោះចេញផុតបានបន្តិចមានកម្លាំងនគរបាលប៉ុស្តិ៍រដ្ឋបាលបឹងព្រលឹត ដែលដឹកនាំដោយលោកអនុសេនីយ៍ទោប៉ាត សំណាត នាយប៉ុស្តិ៍ក្របួចភ្លាម ។ នៅចំពោះមុខនគរបាលប៉ុស្តិ៍ យុវជនឈ្មោះឡិន តែម បានសារភាពថា ប្រាក់ដុល្លារខ្មោចទាំងនោះត្រូវបានជនមិនស្គាល់មុខយកទៅទុកនៅលើប៉ៅអ៊ីរបស់ខ្លួន ហើយពេលខ្លួនភ្ញាក់ពីដំណេកស្មានតែលុយមែនទែនក៏បានយកទៅទិញម៉ូតូ ត្រូវសមត្ថកិច្ចចាប់ខ្លួនតែម្តង ។
យុវជនរូបនេះត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ ក្រោមការចោទប្រកាន់ថាបានចរាចរដុល្លារក្លែងក្លាយ ៕
ចែករំលែកព័តមាននេះ