រាជធានីភ្នំពេញ ៖ យុវជនស្ទាវម្នាក់ត្រូវកម្លាំងអាវុធហត្ថខណ្ឌដូនពេញក្របួចបាននៅចំណុចមហាវិថីព្រះនរោត្តមកែងផ្លូវលេខ១៣០ ស្ថិតក្នុងសង្កាត់ផ្សារចាស់ ខណ្ឌដូនពេញ កាលពីវេលាម៉ោង ១និង១០នាទី ថ្ងៃទី២៩ ខែសីហា ឆ្នាំ២០១៤ ក្រោយពីជិះម៉ូតូម្នាក់ឯងហើយធ្វើសកម្មភាពឆក់ខ្សែកពីស្ត្រីម្នាក់បានសម្រេចរួចព្យាយាម
រាជធានីភ្នំពេញ ៖ យុវជនស្ទាវម្នាក់ត្រូវកម្លាំងអាវុធហត្ថខណ្ឌដូនពេញក្របួចបាននៅចំណុចមហាវិថីព្រះនរោត្តមកែងផ្លូវលេខ១៣០ ស្ថិតក្នុងសង្កាត់ផ្សារចាស់ ខណ្ឌដូនពេញ កាលពីវេលាម៉ោង ១និង១០នាទី ថ្ងៃទី២៩ ខែសីហា ឆ្នាំ២០១៤ ក្រោយពីជិះម៉ូតូម្នាក់ឯងហើយធ្វើសកម្មភាពឆក់ខ្សែកពីស្ត្រីម្នាក់បានសម្រេចរួចព្យាយាមគេចខ្លួន ។
មន្ត្រីអាវុធហត្ថខណ្ឌដូនពេញបានឲ្យដឹងថា ជនសង្ស័យដែលឆក់ខ្សែ.ក ប៉ះចំថ្ងៃស៊យហើយត្រូវអាវុធហត្ថឃាត់ខ្លួនមានឈ្មោះ ផល សកណា ហៅជ្រូក ភេទប្រុស អាយុ២២ឆ្នាំ មុខរបររត់ម៉ូតូឌុប ស្នាក់នៅផ្ទះជួល ផ្លូវជាតិលេខ៥ ភូមិផ្សារតូច សង្កាត់ទួលសង្កែ ខណ្ឌឫស្សីកែវ ។ យោងតាមបណ្តឹងជនរងគ្រោះ ឈ្មោះវុាំង គឹមអឿន ភេទស្រី អាយុ៣០ឆ្នាំ មុខរបរលក់នំបុ័ង ស្នាក់នៅផ្ទះលេខ២២បេ ផ្លូវណតប្រីត សង្កាត់ទឹកថ្លា ខណ្ឌសែនសុខបានឲ្យសមត្ថកិច្ចឲ្យដឹងថា នៅវេលាម៉ោងខាងលើស្ត្រីរងគ្រោះបានដើរមកដល់មហាវិថីព្រះនរោត្តមកែងផ្លូវលេខ១៣០ ស្ថិតក្នុងសង្កាត់ផ្សារចាស់ ខណ្ឌដូន ពេញ ស្រាប់តែមានយុវជនស្ទាវម្នាក់ជិះម៉ូតូមកអែបហើយធ្វើសកម្មភាពឆក់យកខ្សែ.កពីក្នុងអាវបានសម្រេចរួចបើកម៉ូតូគេចខ្លួនស្របពេលជនរងគ្រោះស្រែកឆោឡោដើម្បីឲ្យសមត្ថកិច្ចជួយអន្តរាគមន៍ដេញចាប់ជនសង្ស័យ ។
មន្ត្រីអាវុធហត្ថខណ្ឌដូនពេញបាននិយាយថា ខណះពេលកម្លាំងអាវុធហត្ថជិះម៉ូតូល្បាតដល់ចំណុចកើតហេតុខាងលើប្រទះឃើញជនសង្ស័យម្នាក់ជិះម៉ូតូស្មាសបើកគេចខ្លួនក៏ប្រដេញតាមពីក្រោយ ធ្វើឲ្យជនសង្ស័យភ័យបានផ្តួលម៉ូតូនៅកែងផ្លូវលេខ១៣០និង១៩ រត់ចូលផ្ទះហ្គេមហើយរត់ពួនក្នុងបន្ទប់ទឹកចំណែកខ្សែ.ក របស់ជនរងគ្រោះបោះចោលក្នុងលូ ។បច្ចុប្បន្នជនសង្ស័យនិងវត្ថុតាងមានខ្សែ.ក ព្រមទាំងម៉ូតូមួយគ្រឿងដែលជាម៉ូតូរបស់ជនសង្ស័យជិះធ្វើសកម្មភាពបានដកហូតបញ្ជូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ។
ចែករំលែកព័តមាននេះ