រាជធានីភ្នំពេញ ៖ ដើម្បីអបអរសាទរខួបលើកទី 50ឆ្នាំ ក្រុមហ៊ុន Vinamilk បានប្រារព្ធព្រឹត្តិការណ៍តាំងពិព័រណ៍ដ៏គួរឱ្យចាប់អារម្មណ៍មួយនៅទីក្រុងហូជីមីញ (Ho Chi Minh) ប្រទេសវៀតណាម ដើម្បីបង្ហាញដំណើរឆ្លងកាត់ព្រឹត្តិការណ៍សំខាន់ៗ រឿងរ៉ាវរបស់មនុស្ស និងការពិតដ៏គួរឱ្យភ្ញាក់ផ្អើលនៅពីក្រោយផលិតផល Vinamilk ដែលបច្ចុប្បន្នបានក្លាយជាផ្នែកមួយនៃជីវិតរស់នៅប្រចាំថ្ងៃរបស់ប្រជាជនវៀតណាម ។
ក្នុងការតាំងពិព័រណ៍នីមួយៗ បានបង្ហាញពីប្រវត្តិ និងដំណាក់កាលផ្សេងៗគ្នានៃដំណើរការរបស់ Vinamilk ក្នុងការលើកកម្ពស់ស្តង់ដារ ដោយចាប់ពីកសិដ្ឋាន និងរោងចក្រ រហូតដល់ការស្រាវជ្រាវ និងការអភិវឌ្ឍន៍បច្ចេកវិទ្យាចុងក្រោយបំផុតដែលធ្វើឱ្យប្រជាជនវៀតណាមមានការជឿទុកចិត្តពីផលិតផល Vinamilk រហូតដល់ជំនាន់ក្រោយៗនេះ ។
នៅក្នុងព្រឹត្តិការណ៍ប្រារព្ធពីធីដ៏ធំគម្រប់ខួប ៥០ឆ្នាំ របស់ Vinamilk សិល្បករ និងសិល្បការិនី បានសម្តែងនូវស្នូលសាច់រឿងដ៏គួរឱ្យទាក់ទាញនៃរឿងរ៉ាវពីការចាប់អាជីវកម្មរបស់ Vinamilk ដោយចាប់ផ្តើមពីការវិនិយោគដំបូងលើរោងចក្រ ២ ដោយប្រើមាស ចំនួន ៤តោន ។ ក្រុមហ៊ុនបានកសាងឧស្សាហកម្មទាំងមូលឡើងវិញពីបាតដៃទទេរហូតមកដល់សព្វថ្ងៃនេះ ក្រុមហ៊ុនកំពុងដំណើរការបណ្តាញកសិដ្ឋានចិញ្ចឹមគោទឹកដោះ និងហ្វូងគោប្រហែល ១៣០,០០០ ក្បាល, មានកសិដ្ឋានជីវសាស្ត្រចំនួន 15 និងរោងចក្រផលិតចំនួន 16 នៅទូទាំងពិភពលោក រួមទាំងនៅសហរដ្ឋអាមេរិក និងចែកចាយផលិតផលក្នុង និងក្រៅស្រុកជាង 65ប្រទេស រួមមាននៅទូទាំងអាស៊ី មជ្ឈិមបូព៌ា អឺរ៉ុប អាមេរិក អូស្ត្រាលី និងទីផ្សារដែលកំពុងរីកចម្រើននៅអាហ្វ្រិក និងអាមេរិកឡាទីន ។ វាជាពេលវេលាមួយដែល Vinamilk នឹងផ្តល់ការជឿទុកចិត្តដល់ប្រជាជនកម្ពុជា ដូចដែលប្រជាជនវៀតណាម និងបរទេសទុកចិត្ត Vinamilk ។
លោកស្រី Mai Kieu Lien នាយកប្រតិបត្តិក្រុមហ៊ុន Vinamilk មានប្រសាសន៍ថា ៖ «អាហារដែលចូលទៅក្នុងខ្លួនហើយ ប្រសិនបើមានកំហុសបច្ចេកទេសហើយ នោះមិនអាចកែកំហុសនោះបានទេ នេះហើយហេតុផលដែលក្រុមហ៊ុន Vinamilk ផ្តោតលើគុណភាព ដែលមិនមែនគ្រាន់តែជាស្តង់ដារផលិតកម្មនោះទេ ប៉ុន្តែជាក្រមសីលធម៌វិជ្ជាជីវៈ និងការទទួលខុសត្រូវចំពោះអ្នកប្រើប្រាស់ ឬអតិថិជន ។ នៅក្នុងដំណើររយៈពេល ៥០ឆ្នាំ របស់ក្រុមហ៊ុនមិនមានជំនាន់ណាដែលមិនទទួលទំនុកចិត្តដោយប្រជាជនវៀតណាមណាស់ គឺចាប់តាំងពីពេលដែលចាប់ផ្តើមអាជីវកម្មតូចមួយរហូតធំសម្បើមបែបនេះ ប្រជាជនវៀតណាមមានជំនឿចិត្តពីមួយជំនាន់ទៅមួយជំនាន់ ។ ឪពុកម្តាយដែលធ្លាប់បរិភោគ និងជឿលើផលិតផល Vinamilk បានជ្រើសរើសឱ្យកូនចៅរបស់ពួកគាត់បន្តបរិភោគនូវផលិតផលរបស់ពួកយើង ។ ការផលិតនូវផលិផលធ្វើឡើងដោយភាពស្មោះស្ម័គ្ររបស់ក្រុមហ៊ុន គឺជាអ្វីដែលពួកយើងបានធ្វើអស់រយៈពេលកន្លះសតវត្សរ៍ ហើយវាក៏ជាបែបបទដែលយើងមានបំណងបន្តទៅមុខទៀតជារៀងរហូត» ។
ដោយមើលឃើញពីសក្តានុពល និងភាពរីកចម្រើនរបស់ប្រទេសកម្ពុជា ក្រុមហ៊ុន Vinamilk កំពុងវិនិយោគនាំយកអាហារូបត្ថម្ភកម្រិតពិភពលោកមកឱ្យកាន់ខិតជិតដល់ប្រជាជនកម្ពុជា ដែលក្រុមហ៊ុនបានបើកសម្ពោធហាងលំដាប់អន្តរជាតិដំបូងគេរបស់ក្រុមហ៊ុននៅកណ្តាលរាជធានីភ្នំពេញ (នៅលើមហាវិថី Jawaharlal Nehru) កាលពីក្នុងខែមីនា ឆ្នាំ ២០២៦ និងហាងបន្ទាប់ (ទីពីរ) នៅជិតផ្សារដើមថ្កូវ បើកសម្ពោធកាលពីក្នុងខែឧសភា ដែលហាងនីមួយៗមានស្តង់ដារគុណភាព និងសុវត្ថិភាព ដូចគ្នាដែលម៉ាកយីហោនេះអនុវត្តនៅគ្រប់ទីផ្សារទូទាំងពិភពលោក ។ វាគឺជាការប្តេជ្ញាចិត្តរយៈពេលវែង ដើម្បីធ្វើឱ្យផលិតផលរបស់ក្រុមហ៊ុនក្លាយជាចំណែកមួយប្រចាំថ្ងៃដែលអាចទុកចិត្តបានសម្រាប់គ្រួសារកម្ពុជា ។
សូមជម្រាបផងដែរថា ក្រុមហ៊ុន Vinamilk បានរៀបចំដំណើរទស្សនកិច្ចរយៈពេល ៣ថ្ងៃ ដោយអញ្ចើញអ្នកម្ដាយ អ្នកសារព័ត៌មាន និងអ្នកឯកទេសសុខាភិបាល ពីប្រទេសកម្ពុជា ដើម្បីចូលរួមក្នុងកម្មវិធីអបអរខួបលើកទី 50ឆ្នាំ របស់ក្រុមហ៊ុន ។ នៅថ្ងៃទី ២០ ខែសីហា ឆ្នាំ ២០២៦ អ្នកម្ដាយ អ្នកសារព័ត៌មាន និងអ្នកឯកទេសសុខាភិបាល មកពីប្រទេសកម្ពុជា បានទស្សនា និងស្វែងយល់បន្ថែមពីប្រវត្តិក្រុមហ៊ុន និងបន្ទាប់ក៏បានទស្សនាផ្ទាំងទស្សនីយភាពដ៏រស់រវើក នៃការសម្តែងនានារបស់កម្មវិធី ។
នៅថ្ងៃបន្ទាប់ អ្នកម្ដាយ អ្នកសារព័ត៌មាន និងអ្នកឯកទេសសុខាភិបាល បានបន្តដំណើរទស្សនកិច្ច នៅរោងចក្រផលិតម្សៅទឹកដោះគោ ដែលបានផលិតម្សៅទឹកដោះច្រើនប្រភេទសម្រាប់កុមាររួមមាន ៖ Optimum A2 Pro+, Optimum Gold, Optimum Colors, Dielac Gold, Dielac Glow Plus, Dielac Grow, និង YokoGold ហើយបច្ចប្បន្ន នៅក្នុងទីផ្សារកម្ពុជា គឺមាន Optimum Gold ។ នៅក្នុងថ្ងៃដដែល ភ្ញៀវកិត្តិយសទាំងអស់បានបន្តដំណើរទស្សនកិច្ចនៅរោងចក្រផលិតទឹកដោះគោស្រស់ (Vinamilk Mega factory) គឺជារោងចក្រផលិតទឹកដោះគោស្រស់ដ៏ធំមួយ ក្នុងចំណោមរោងចក្រ រោងចក្រនេះគឺមានផលិតផលជាច្រើនមុខផងដែរ ដែលនាំចូលមកក្នុងទីផ្សារកម្ពុជា ។ នៅថ្ងៃដដែលនោះ ភ្ញៀវកិត្តិយសក៏បានទៅទស្សនារោងចក្រផលិតទឹកដោះគោស្រស់ (Vinamilk Mega Factory) ដែលជារោងចក្រផលិតទឹកដោះគោឈានមុខគេមួយនៅក្នុងតំបន់អាស៊ី និងផលិតផលិតផលជាច្រើនប្រភេទ សម្រាប់នាំចូលមកកាន់ទីផ្សារកម្ពុជា ។
តាមរយៈ Ms. Thao Nguyen, Global Brand Marketing Manager បានឱ្យដឹងថា ៖ «ពួកយើងបានអញ្ជើញ អ្នកម្ដាយ អ្នកសារព័ត៌មាន និងអ្នកឯកទេសសុខាភិបាល មកពីប្រទេសកម្ពុជា ដើម្បីឱ្យអ្នកទាំងអស់គ្នាបានស្វែងយល់និងឃើញដោយផ្ទាល់ ពីសង្វាក់ផលិតកម្ម រោងចក្រដ៏ធំសម្បើម ប្រើប្រាស់បច្ចេកវិទ្យាទំនើបចុងបង្អស់ និងស្របតាមស្តង់ដារសុខភាពចំណីអាហារពិភពលោក ដែលមានទំនុកចិត្តពីប្រជាជនវៀតណាមរាប់សិបឆ្នាំមកហើយ ទៅកាន់ប្រទេសកម្ពុជា ។ ក្រុមហ៊ុនបាននាំយកផលិតផលស្តង់ដារអន្តរជាតិនេះ មិនមែនត្រឹមតែជាការប្តេជ្ញាចិត្ត ក្នុងលក់ក្នុងទីផ្សារកម្ពុជានោះទេ តែវាជាការប្តេជ្ញាថានាំអាហារូបត្ថម្ភរបស់ក្រុមហ៊ុន ដែលមានគុណភាពខ្ពស់លំដាប់ពិភលោក ដើម្បីធ្វើជាចំណែកមួយនៃការបរិភោគប្រចាំថ្ងៃរបស់ប្រជាជនកម្ពុជា។ ប្រជាជនក្នុងប្រទេសវៀតណាមក៏ដូចជាប្រជាជននៅទូទាំងពិភពលោក ព្រមទាំងប្រទេសកម្ពុជាផងដែរ នឹងទទួលបានផលិតផលគុណភាពដូចៗគ្នាទាំងអស់» ។
Ms. Thao Nguyen បន្តថា ដូចនេះការធ្វើទស្សនកិច្ចនៅពេលនេះពិតជាមានសារសំខាន់ណាស់ សម្រាប់ក្រុមហ៊ុន ព្រោះថាក្រុមហ៊ុនមិនមានអ្វីលាក់បាំងនៅពីក្រោយផលិតផលរបស់ក្រុមហ៊ុននោះទេ ដូចនេះក្រុមហ៊ុនរីករាយ នឹងទទួលស្វាគមន៍ភ្ញៀវកិត្តិយស ពីប្រទេសកម្ពុជានាពេលនេះ ។
សូមជម្រាបជូនផងដែរថា ក្រុមហ៊ុន Vinamilk បង្កើតឡើងក្នុងឆ្នាំ 1976 ដោយមានគោលបំណងផ្តល់អាហារូបត្ថម្ភឱ្យបានឆាប់រហ័សដល់កុមារគ្រប់រូប ខណៈដែលកំឡុងពេលនោះ ការកង្វះអាហារូបត្ថម្ភទៅកុមារមានកាន់តែច្រើនឡើង ក្នុងហេតុផលនេះហើយទើបក្រុមហ៊ុន បានផលិតនិងកសាងជំនាញ ផលិតម្សៅទឹកដោះគោដំបូងគេ ដែលជាផលិតក្នុងស្រុក នៅក្នុងឆ្នាំ 1987 ។ រូបមន្តផលិតផលរបស់ក្រុមហ៊ុនត្រូវបានបង្កើតឡើងដោយអ្នកវិទ្យាសាស្ត្រ និងអ្នកជំនាញផ្នែកអាហារូបត្ថម្ភជនជាតិវៀតណាម ដែលបានចំណាយពេលរាប់ទសវត្សរ៍ ក្នុងការសិក្សាស្រាវជ្រាវ ពីអាហារូបត្ថម្ភសម្រាប់កុមារ។ ជំនាញដ៏ស៊ីជម្រៅនេះ រួមទាំងកសិដ្ឋាន ការស្រាវជ្រាវ និងធនធានមនុស្សដែលនៅពីក្រោយបទពិសោធន៍ផលិតទឹកដោះគោ រយៈពេល ៥ ទសវត្សរ៍ ។
រូបមន្តផលិតផលរបស់ Vinamilk ត្រូវបានបង្កើតឡើងដោយអ្នកវិទ្យាសាស្ត្រ និងអ្នកជំនាញផ្នែកអាហារូបត្ថម្ភជនជាតិវៀតណាម ដែលបានចំណាយពេលរាប់ទសវត្សរ៍ក្នុងការស្រាវជ្រាវអំពីអាហារូបត្ថម្ភសម្រាប់កុមារ ។ ជំនាញដ៏ស៊ីជម្រៅនេះ ត្រូវបានគាំទ្រដោយប្រព័ន្ធអេកូឡូស៊ីប្រើក្នុងកសិដ្ឋាន និងបច្ចេកវិទ្យាដែលទទួលបានការទទួលស្គាល់ពីអន្តរជាតិ ឈរលើមូលដ្ឋាននៃបទពិសោធន៍ ក្នុងវិស័យផលិតផលទឹកដោះគោ អស់រយៈពេលជាង ៥ ទសវត្សរ៍មកហើយ ។
ក្រុមហ៊ុន Vinamilk ដំណើរការកសិដ្ឋានជីវសាស្ត្រ និងកន្លែងផលិត ដែលបានទទួលស្គាល់វិញ្ញាបនបត្រអន្តរជាតិ និងបានបំពេញតាមលក្ខណៈស្តង់ដារសុវត្ថិភាពចំណីអាហារ និងគុណភាពអន្តរជាតិ យ៉ាងតឹងរ៉ឹង ។ ក្រុមហ៊ុនទទួលបានពានរង្វាន់ជាច្រើន ក្នុងចំណោមនោះមានពានរង្វាន់ដូចជា Clean Label Project Purity Award (សហរដ្ឋអាមេរិក), ពានរង្វាន់គុណភាព Monde Selection (បែលហ្ស៊ិក), ពានរង្វាន់ Superior Taste Award (វិទ្យាស្ថានរសជាតិអន្តរជាតិ ទីក្រុងព្រុចសែល), ពានកិត្តិយសពី World Dairy Innovation Awards ឆ្នាំ 2025, និងជាម៉ាកយីហោផលិតផលទឹកដោះគោ ដែលមានសក្តានុពលខ្ពស់បំផុតក្នុងពិភពលោក (Brand Finance, 2025) ។
បន្ថែមពីនេះម៉ាកយីហោ Green Farm របស់ក្រុមហ៊ុនក៏បានក្លាយជាម៉ាកយីហោដំបូងគេបង្អស់ នៅទូទាំងពិភពលោក ដែលទទួលបាន «ការទទួលស្គាល់បីដង»៖ ពានរង្វាន់ Clean Label Project Purity Award (សហរដ្ឋអាមេរិក) ពានរង្វាន់ Monde Selection Gold Quality Award និងពានរង្វាន់ Superior Taste Award ដែលជាលទ្ធផលនៃការធ្វើតេស្តឯករាជ្យយ៉ាងម៉ត់ចត់ នៅទូទាំងស្ថាប័នបញ្ជាក់អន្តរជាតិចំនួនបី ដាច់ដោយឡែកពីគ្នា៕ អត្ថបទសហការ
ចែករំលែកព័តមាននេះ