រាជធានីភ្នំពេញ ៖ដើម្បីចូលរួមចំណែកជំរុញការរីកចម្រើន នៃវិស័យភាពយន្តខ្មែរ និងបង្កើតឱកាសសម្រាប់អ្នកមានទេពកោសល្យជំនាន់ក្រោយ ភេសជ្ជៈប៉ូវកម្លាំងដាហ្ស និង CAMBODIA PREMIUM 4.4​ របស់ ខ្មែរប៊ែវើរីជីស បានចាប់ដៃគូសហការជាមួយផលិតកម្មក្នុងស្រុក BLACK BOX ENTERTAINMENT ក្នុងការផលិតខ្សែភាពយន្តខ្មែរខ្នាតធំ ដោយបង្ហាញពីការគាំទ្រយ៉ាងពេញទំហឹងរបស់ក្រុមហ៊ុនទៅលើវិស័យភាពយន្តខ្មែរ និងការអភិវឌ្ឍធនធានមនុស្សក្នុងវិស័យភាពយន្តកម្ពុជា ។

ការសហការរបស់ ខ្មែរ ប៊ែវើរីជីស បង្ហាញពីជំហរក្នុងការជំរុញការបង្កើតស្នាដៃភាពយន្តខ្មែរ ឱ្យកាន់តែសម្បូរបែប និងមានគុណភាពខ្ពស់ ។ ជាមួយគ្នានេះដែរ ការសហការនេះ ក៏បានផ្តល់ឱកាសដល់ផលិតករ អ្នកដឹកនាំ និងសិល្បករជំនាន់ថ្មី ដែលមានសមត្ថភាព ហ៊ានសាកល្បង និងភាពច្នៃប្រឌិត បានបង្ហាញស្នាដៃ និងបន្តអភិវឌ្ឍសមត្ថភាពរបស់ខ្លួន ដើម្បីរួមចំណែកកសាងអនាគត វិស័យភាពយន្តកម្ពុជាឱ្យកាន់មានភាពរីកចម្រើន បន្ថែមទៀត ទាំងបរិមាណ និងគុណភាព ។

ក្នុងនាមជាដៃគូសហការ ខ្មែរ ប៊ែវើរីជីស ពិតជាមានមោទនភាព ដែលបានចូលរួមលើកកម្ពស់ផលិតកម្មក្នុងស្រុក និងជឿជាក់ថា ការសហការនេះនឹងរួមចំណែក បើកឱកាសកាន់តែច្រើន សម្រាប់ផលិតករជំនាន់ថ្មី ព្រោះពួកគេជាស្នូលដ៏សំខាន់ ក្នុងការបង្កើតស្នាដៃថ្មីៗ ដើម្បីបន្សល់ទុកដល់អ្នកជំនាន់ក្រោយបន្តទៀតអ្វី ។

គួរបញ្ជក់ផងដែរថា ខ្សែភាពយន្តខ្នាតធំ «អ្នកស៊ើបអង្កេតប្រុសក្បត់» ជាខ្សែភាពយន្តបែបស៊ើបអង្កេត បង្កប់ដោយភាពអាថ៌កំបាំង លាយឡំនឹងកំប្លែងស្អូត ដែលនាំយកទស្សនាយ៍ភាពថ្មីមិនធ្លាប់មាន មកបម្រើអារម្មណ៍ទស្សនិកជន ហើយខ្សែភាពយន្តនេះ នឹងធ្វើការចាក់បញ្ចាំងជាផ្លូវការចាប់ពីនៅថ្ងៃទី១៣ ខែសីហា ឆ្នាំ២០២៦ នេះតទៅ នៅតាមរោងភាពយន្តនានា ៕ អត្ថបទសហការ

ដាហ្សផលិតផលខ្មែរ គាំទ្រភាពយន្តខ្មែរឱ្យកាន់តែខ្លាំង ឈរជើងជានិរន្ត៍ លើឆាកអន្តរជាតិ!
ភាពយន្តខ្មែរ ផលិតផលខ្មែរ​ CAMBODIA PREMIUM 4.4​ គាំទ្រវិស័យភាពយន្តខ្មែរកាន់តែឈានទៅមុខ!