រាជធានីភ្នំពេញ ៖ ក្រុមហ៊ុន “TODAY Communication Co.,Ltd” ឬត្រូវបានហៅថា “TODAY internet” គឺជាក្រុមហ៊ុនផ្តល់សេវាអ៉ីនធឺណិតកម្រឹតខ្ពស់សម្រាប់គេហដ្ឋាន និងអាជីវកម្មគ្រប់ប្រភេទនៅក្នុងប្រទេសកម្ពុជា ។ ក្រុមហ៊ុនបានកំណត់ចក្ខុវិស័យច្បាស់លាស់ក្នុងការក្លាយជាក្រុមហ៊ុនផ្តល់សេវាអ៉ីនធឺណិតកម្រិតខ្ពស់ដែលបម្រើអតិថិជនចេញពីបេះដូង ។ ថ្ងៃនេះគឺជាខួបគម្រប់ ១០ឆ្នាំរបស់ក្រុមហ៊ុនដែលបានចាប់ដំណើរការតាំងពីឆ្នាំ ២០១៦ មកម្ល៉េះ ដោយបានបង្កើតឡើងដោយស្នាដៃកូនខ្មែរដែលមានជំនាញច្បាស់លាស់ ស្រលាញ់បច្ចេកវិទ្យា និងការច្នៃប្រឌិត ។ ការប្រារព្ធខួប ១០ឆ្នាំនេះគឺជាការកត់សម្គាល់នូវរយៈពេលមួយទសវត្សរ៍នៃការប្តេជ្ញាចិត្តក្នុងការតភ្ជាប់អ្នកប្រើប្រាស់ អាជីវកម្ម និងសហគមន៍នានាទូទាំងប្រទេសកម្ពុជា តាមរយៈសេវាអ៉ីនធឺណិតប្រកបដោយគុណភាព និងដំណោះស្រាយតភ្ជាប់ឌីជីថលប្រកបដោយភាពច្នៃប្រឌិត ។
ក្នុងរយៈពេល ១០ឆ្នាំកន្លងមកនេះ TODAY internet បានដើរតួនាទីយ៉ាងសំខាន់ស្របទៅនឹងការវិវត្តយ៉ាងឆាប់រហ័សនៃវិស័យឌីជីថលនៅកម្ពុជា ។ ចាប់តាំងពីដំណាក់កាលដំបូងក្នុងនាមជាអ្នកផ្តល់សេវាអ៉ីនធឺណិតរហូតដល់ការក្លាយជាដៃគូផ្តល់សេវាតភ្ជាប់បណ្តាញដ៏គួរឱ្យទុកចិត្តសម្រាប់គេហដ្ឋាន អាជីវកម្ម និងស្ថាប័ននានា TODAY internet បានបន្តវិនិយោគឥតឈប់ឈរលើបណ្តាញ បច្ចេកវិទ្យា ធនធានមនុស្ស និងបទពិសោធន៍របស់អតិថិជន ។
លោក ម៉េង សុងកេង នាយកប្រតិបត្តិនិងជាស្ថាបនិកនៃក្រុមហ៊ុន TODAY internet មានប្រសាសន៍ថា “ដំណើររបស់ TODAY internet នឹងមិនអាចកើតឡើងបានឡើយ ប្រសិនបើគ្មានការជឿជាក់ និងការគាំទ្រពីសំណាក់អតិថិជនរបស់យើង ។ ក្នុងរយៈពេល ១០ឆ្នាំកន្លងមកនេះយើងខ្ញុំបាននឹងកំពុងព្យាយាមផ្តល់ជូនអតិថិជនទាំងអស់នូវដំណោះស្រាយសេវាអ៉ីនធឺណិតប្រកបដោយភាពជឿទុកចិត្តជាមួយគុណភាពនៃសេវាដើម្បីឆ្លើយតបទៅនឹងតម្រូវការរបស់អតិថិជនទាំងអស់ ។ យើងខ្ញុំសូមថ្លែងអំណរគុណយ៉ាងស្មោះស្ម័គ្រចំពោះអតិថិជនដែលបានជ្រើសរើស TODAY internet និងបានអនុញ្ញាតឱ្យយើងក្លាយជាផ្នែកមួយនៃជីវ
ភាពរស់នៅប្រចាំថ្ងៃក៏ដូចជាអាជីវកម្មរបស់លោកអ្នក។ ការជឿជាក់របស់លោកអ្នកគឺជាមូលដ្ឋានគ្រឹះនៃកំណើនរបស់យើង ។”
សូមជម្រាបជូនផងដែរថា បច្ចុប្បន្នក្រុមហ៊ុន TODAY internet បាននឹងកំពុងផ្តល់ជូនសេវាអ៉ីនធឺណិតសម្រាប់អតិថិជនទាំងអាជីវកម្ម និងតាមគេហដ្ឋានដែលកំពុងគ្របដណ្តប់តាមបណ្ដាលរាជធានី ខេត្តក្រុងដែលមានសក្កានុពលដូចជារាជធានីភ្នំពេញ ក្រុងតាខ្មៅ ក្រុងតាកែវ ក្រុងសៀមរាប ក្រុងប៉ោយប៉ែត ក្រុងបាវិត ខេត្តព្រះសីហនុ ខេត្តកំពង់ចាម និងខេត្តបាត់ដំបង ។
សម្រាប់ព័ត៌មានបន្ថែម សូមទាក់ទងតាមរយៈទូរស័ព្ទលេខ ៖ Hotline Number 070 21 55 77 ឬតាមរយៈ Facebook Messenger “TODAY Internet”; Cool App និង Telegram https://t.me/TODAYSupport ឬគេហរទំព័រ www.today.com.kh ៕ អត្ថបទសហការ
ចែករំលែកព័តមាននេះ