សេចក្តីប្រកាសសាធារណៈ ស្តីពីការរួមបញ្ចូលគ្នានៃធុរកិច្ច និងការជូនដំណឹងពាក់ព័ន្ធនឹងអតីតបុគ្គលិក
រាជធានីភ្នំពេញ ៖ យើងខ្ញុំសូមជូនដំណឹងដល់ភាគីពាក់ព័ន្ធ ដៃគូអាជីវកម្ម អតិថិជន និងសាធារណជនទាំងអស់ ជ្រាបថា ចាប់តាំងពីថ្ងៃទី ១ ខែកញ្ញា…
រាជធានីភ្នំពេញ ៖ យើងខ្ញុំសូមជូនដំណឹងដល់ភាគីពាក់ព័ន្ធ ដៃគូអាជីវកម្ម អតិថិជន និងសាធារណជនទាំងអស់ ជ្រាបថា ចាប់តាំងពីថ្ងៃទី ១ ខែកញ្ញា ឆ្នាំ ២០២៤ ក្រុមហ៊ុន ឌីណាម៉ិច ឌីស្ទ្រីប្យ៊ូសិន បានបញ្ឈប់រាល់ប្រតិបត្តិការរបស់ខ្លួនទាំងស្រុង និងបានបញ្ចូលសកម្មភាពអាជីវកម្មរបស់ខ្លួនជាមួយក្រុមហ៊ុន ឌីណាម៉ិច ហ៊ែលឃែរ ឯ.ក ។ រាល់សកម្មភាពអាជីវកម្មទាំងអស់របស់ក្រុមហ៊ុន ឌីណាម៉ិច ឌីស្ទ្រីប្យ៊ូសិន ត្រូវប្តូរមកក្រោមក្រុមហ៊ុន ឌីណាម៉ិច ហ៊ែលឃែរ ឯ.ក តែមួយគត់ ។ ហេតុនេះ សូមភាគីពាក់ព័ន្ធទាំងអស់មេត្តាបន្តធ្វើការដោយផ្ទាល់ជាមួយក្រុមហ៊ុន ឌីណាម៉ិច ហ៊ែលឃែរ ឯ.ក ។
យើងខ្ញុំត្រូវបានទទួលដំណឹងមកថា លោក អ៉ី សុធា អតីតបុគ្គលិករបស់ក្រុមហ៊ុនដែលបានឈប់ពីការងារតាំងពីថ្ងៃទី ៣០ ខែមិថុនា ឆ្នាំ ២០២៣ បានធ្វើសកម្មភាពក្លែងបន្លំខ្លួនជាអ្នកតំណាង ឬនៅពាក់ព័ន្ធនឹងក្រុមហ៊ុន ដើម្បីបោកប្រាស់អតិថិជនក្រោមរូបភាពនៃការលក់ផលិតផលជូនអតិថិជនរបស់ក្រុមហ៊ុន ។
យើងខ្ញុំសូមអះអាង និងបញ្ជាក់ដល់ភាគីពាក់ព័ន្ធ ដៃគូអាជីវកម្ម អតិថិជន និងសាធារណជនទាំងអស់ថា ៖
១) បុគ្គលនេះលែងមានការពាក់ព័ន្ធជាមួយក្រុមហ៊ុនតាំងពីពេលឈប់ពីការងារមកម្លេះ ។
២) រាល់សកម្មភាព ប្រតិបត្តិការ ទំនាក់ទំនង ឬការតំណាងណាមួយដែលបុគ្គលនេះបានធ្វើក្រោយពេលឈប់ពីការងារ គឺធ្វើឡើងក្នុងនាមខ្លួនឯងផ្ទាល់ ដោយមិនពាក់ព័ន្ធនឹងក្រុមហ៊ុន ឌីណាម៉ិច ហ៊ែលឃែរ ឯ.ក និង/ឬក្រុមហ៊ុនសម្ព័ន្ធណាមួយរបស់ខ្លួនឡើយ ។
៣) ទោះក្នុងកាលៈទេសៈណាក៏ដោយ ក្រុមហ៊ុនមិនទទួលខុសត្រូវចំពោះកាតព្វកិច្ច កិច្ចព្រមព្រៀង ឬការបង្ហាញខ្លួន ឬការតំណាងណាមួយដែលបុគ្គលនេះបានធ្វើពាក់ព័ន្ធនឹងក្រុមហ៊ុនក្រោយពេលបុគ្គលនេះបានឈប់ពីការងារឡើយ ។
យើងខ្ញុំកំពុងពិនិត្យអំពីករណីនេះ ហើយនឹងចាត់វិធានការតាមផ្លូវច្បាប់យ៉ាងម៉ឹងម៉ាត់ចំពោះបុគ្គលនេះ ស្របតាមនីតិវិធីច្បាប់ជាធរមាន ។ បន្ថែមលើនេះ ចំពោះភាគីពាក់ព័ន្ធ ដៃគូអាជីវកម្ម និង/ឬអតិថិជនណាដែលមានបញ្ហា ឬត្រូវការការបញ្ជាក់បន្ថែមពាក់ព័ន្ធករណីខាងលើ សូមទាក់ទងក្រុមហ៊ុនដោយផ្ទាល់តាមរយៈព័ត៌មានទំនាក់ទំនងផ្លូវការដូចបានផ្តល់ជូនខាងក្រោម ។ ក្រុមហ៊ុនប្ដេជ្ញាចិត្តសហការពេញលេញជាមួយភាគីពាក់ព័ន្ធ ដៃគូអាជីវកម្ម និង/ឬអតិថិជនទាំងអស់ដើម្បីដោះស្រាយបញ្ហាណាមួយដោយសុចរិត ។
ប្រសិនបើលោកអ្នកមានសំណួរផ្លូវការ ឬត្រូវការជំនួយផ្សេងៗ សូមទាក់ទងក្រុមហ៊ុនដោយផ្ទាល់តាមរយៈ ៖
លោក Mithun Nandy, BE, PGDM, MBS
នាយកអាជីវកម្ម ផ្នែកដំណោះស្រាយថែទាំសុខភាពអ្នកប្រើប្រាស់
ក្រុមហ៊ុន ឌីណាម៉ិច ហ៊ែលឃែរ ឯ.ក
Email: infodhc@dynamic.com.kh
លេខទូរសព្ទ ៖ +855 85 555 733
យើងខ្ញុំសូមថ្លែងអំណរគុណចំពោះការជឿទុកចិត្ត និងការយោគយល់របស់លោកអ្នក ៕ អត្ថបទសហការ
ចែករំលែកព័តមាននេះ