ជំនាញជីវិតជាក់ស្តែងដែលយុវវ័យត្រូវចេះ !
រាជធានីភ្នំពេញ ៖ វ័យជំទង់ គឺជាវ័យរៀនសូត្រ ស្វែងយល់ដោយខ្លួនឯង ភ្ជាប់ទំនាក់ទំនង និងការរីកចម្រើន ។ មនុស្សវ័យជំទង់កំពុងបញ្ចូលព័ត៌មានថ្មីៗអំពីខ្លួនគេ និងពិភពលោកជុំវិញខ្លួនជានិច្ច…
រាជធានីភ្នំពេញ ៖ វ័យជំទង់ គឺជាវ័យរៀនសូត្រ ស្វែងយល់ដោយខ្លួនឯង ភ្ជាប់ទំនាក់ទំនង និងការរីកចម្រើន ។ មនុស្សវ័យជំទង់កំពុងបញ្ចូលព័ត៌មានថ្មីៗអំពីខ្លួនគេ និងពិភពលោកជុំវិញខ្លួនជានិច្ច ។ ពេលខ្លះពួកគេទទួលបានជំនាញជីវិតដោយធម្មជាតិ នៅពេលពួកគេស្រូបយកព័ត៌មាន និងទទួលបានបទពិសោធន៍កាន់តែច្រើន ។ ទោះជាយ៉ាងណាក៏ដោយ ឪពុកម្តាយអាចជួយក្មេងជំទង់របស់ពួកគេឱ្យរៀបចំខ្លួនសម្រាប់ពិភពខាងក្រៅដោយជួយពួកគេឱ្យរៀនជំនាញ និងឧបករណ៍ជាមូលដ្ឋាន ។ នៅក្នុងអត្ថបទនេះ យើងនឹងផ្តោតលើជំនាញមួយ ដែលមានសារៈសំខាន់សម្រាប់ក្មេងជំទង់ដើម្បីរៀន និងអនុវត្ត ។ ជំនាញជីវិតនេះនឹងជួយក្មេងជំទង់បង្កើតទំនួលខុសត្រូវផ្ទាល់ខ្លួន ជំរុញសុខភាពផ្លូវចិត្ត និងមានអារម្មណ៍ថាមានសមត្ថភាព និងទំនុកចិត្តលើខ្លួនឯងកាន់តែច្រើន ។
ជំនាញជាក់ស្តែងសម្រាប់ក្មេងជំទង់រួមមាន មូលដ្ឋានគ្រឹះនៃការសម្អាត ការរៀបចំ និងការគ្រប់គ្រងហិរញ្ញវត្ថុ ។ ជំនាញនេះជួយឱ្យក្មេងជំទង់ចេះទទួលខុសត្រូវចំពោះខ្លួនឯង និងកំណត់ខ្លួនឯងឱ្យទទួលបានជោគជ័យ នៅពេលពួកគេកាន់តែមានភាពឯករាជ្យ ។
១. ជំនាញការងារផ្ទះ ៖ ជំនាញការងារផ្ទះ គឺជាកិច្ចការចាំបាច់នានានៅជុំវិញផ្ទះរបស់អ្នក ។ ក្មេងជំទង់អាចប្រើជំនាញទាំងនេះ ដើម្បីទទួលខុសត្រូវចំពោះខ្លួនឯង និងរបស់របរប្រើប្រាស់។ អ្វីដែលកូនរបស់អ្នកគប្បីចេះនោះគឺ ៖ ការបោកគក់ខោវអាវ កម្រាលពួក ភួយជាដើម, ការលាងសម្អាត និងរៀបចំទុកដាក់ចាន ស្លាបព្រា, ការបូមធូលី ជូត និងបោសសម្អាតផ្ទះ, ជំនាញធ្វើម្ហូបជាមូលដ្ឋាន, ការទិញគ្រឿងទេស និងសម្ភារៈចាំបាច់នៅក្នុងផ្ទះ, ការទុកដាក់របស់របរប្រើប្រាស់ឱ្យបានសមរម្យ ក្រោយពេលប្រើរួច, ដោះស្រាយបញ្ហាជាមូលដ្ឋាន ដូចជាបង្គន់ស្ទះ ឬហូរទឹកជាដើម និងការថែទាំរថយន្តជាមូលដ្ឋាន ប្រសិនបើពួកគេមានឡានផ្ទាល់ខ្លួន ដូចជាដឹងពីរបៀបប្តូរសំបកកង់ ឬចាំរៀបចំការណាត់ជួបជាងដើម្បីប្តូរប្រេង ។
២. ជំនាញហិរញ្ញវត្ថុ ៖ ជំនាញហិរញ្ញវត្ថុជាមូលដ្ឋានជួយឱ្យកូនជំទង់របស់អ្នករៀនពីរបៀបសន្សំ ផែនការថវិកា និងយល់ពីតម្លៃនៃប្រាក់កាស ។ ជំនាញគ្រប់គ្រងលុយរួមមាន ៖ ទទួលបានប្រាក់ចំណូលពីប្រាក់ឧបត្ថម្ភ ឬការងារក្រៅម៉ោង, ចេះសន្សំលុយទិញរបស់របរផ្ទាល់ខ្លួន, ស្វែងរកការងារដែលសមស្របតាមអាយុ ឬកម្មសិក្សា, សិក្សាអំពីប័ណ្ណឥណទាន និងបំណុល, រៀបចំផែនការទុកជាមុនសម្រាប់ការចំណាយក្នុងឱកាសពិសេស ឬការចំណាយជាប្រចាំ (ឧទាហរណ៍ ការថែទាំម៉ូតូ ឬរថយន្ត ប្រសិនបើពួកគេមាន) ។
៣. ជំនាញថែទាំខ្លួនឯង ៖ ការមើលថែរក្សាខ្លួនឯង គឺចាំបាច់សម្រាប់ការថែរក្សាសុខុមាលភាពផ្លូវកាយ និងផ្លូវចិត្តរបស់ក្មេងជំទង់ ។ ហើយវាមិនមែនគ្រាន់តែជាការងូតទឹក និងដុះធ្មេញប៉ុណ្ណោះទេ វារួមបញ្ចូលទាំងទម្លាប់ និងជំនាញមួយចំនួនដែលធ្វើឱ្យសុខភាពផ្លូវចិត្តរបស់ពួកគេប្រសើរឡើង និងបន្ថយភាពតានតឹង ។ ខណៈពេលដែលវាមើលទៅខុសគ្នាសម្រាប់មនុស្សគ្រប់គ្នា ការអនុវត្តការថែទាំខ្លួនឯងទូទៅដែលអ្នកអាចលើកទឹកចិត្ត និងយកគំរូតាមសម្រាប់ក្មេងជំទង់របស់អ្នករួមមាន ៖ ហាត់ប្រាណ ឬសកម្មភាពរាងកាយទៀងទាត់, គេងឱ្យបានគ្រប់គ្រាន់, សមាធិ, ទំនាក់ទំនងល្អជាមួយមនុស្សជាទីស្រឡាញ់ និងមិត្តភក្តិ, រៀនសុំជំនួយ និងការគាំទ្រនៅពេលចាំបាច់ និងការថែរក្សាអនាម័យផ្ទាល់ខ្លួន ៕ ប្រភព ៖ newportacademy
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ