រាជធានីភ្នំពេញ ៖ ក្រុមហ៊ុន ហង្សមាស បានសម្ពោធផលិតផលថ្មីសន្លាងដ៏អស្ចារ្យមួយដែលជា Brand កូនពៅរបស់ខ្លួនមានឈ្មោះថា ‘‘FRANANDO’’ ដោយផ្តោតលើកគុណភាព ប្រណីត និងតម្លៃសមរម្យសម្រាប់ប្រជាជនកម្ពុជា ដែលនេះជាការបោះជំហានយ៉ាងគួរឱ្យភ្ញាក់ផ្អើលដ៏ធំមួយទៅកាន់វិស័យហ្វេសិននៅកម្ពុជា សម្រាប់មនុស្សជំនាន់ថ្មី ជាពិសេសសម្រាប់សុភាពនារីទាន់សម័យ ។

ក្នុងពីធីសម្ពោធដ៏អធិកអធមនេះ លោកស្រី អ៉ឹង គីមលាង ប្រធាន និងជាស្ថាបនិកនៃ FRANANDO មានក្តីរំភើបចំពោះផលិតផលថ្មីស្លាកសញ្ញាថ្មីរបស់ក្រុមហ៊ុន ហង្សមាស គ្រុប ដែលមានឈ្មោះថា​ FRANANDO ជាកាបូបរបស់នារី ។ លោកស្រីបញ្ជាក់ថា ហង្សមាស ពីដើមជាក្រុមហ៊ុនមួយដែលផ្តោតលើការផលិតបទចម្រៀង និងវិស័យទូរទស្សន៍ ក៏ប៉ុន្តែថ្មីៗនេះពួកយើងក៏រំលេចខ្លួនលក់ផលិតផល Online ដែលឈានទៅដល់ការសម្ពោធថ្ងៃនេះ គឺជាផលិតផលថ្មីរបស់យើងដែលមានស្លាកសញ្ញា FRANANDO ហើយ ហង្សមាស តែងតែប្រកាន់ខ្ជាប់លើគុណភាពជាចម្បងទោះជាស្ថិតក្នុងវិស័យថ្មីណាក៏ដោយ មិនភ្លេចផ្តោតលើគុណភាពជាចម្បងឡើយ ។

លោកស្រីថា​ កាបូប FRANANDO មានការប្តេជ្ញាចិត្ត និងចន្ទៈយ៉ាងច្បាស់លាស់រចនាបថតាមឱ្យទាន់និន្នាការ (Trending​) នៃសម័យកាលបច្ចុប្បន្ន ។ នេះជាក្តីស្រមៃមួយនៃក្តីស្រមៃទាំងអស់ដែលលោកស្រីតែងតែមើលឃើញថា មានប្រទេសជាច្រើនតែងតែមានផលិតផលជារបស់ខ្លួនឯង ដូច្នេះខ្ញុំមានក្តីស្រមៃមួយថា តើអាចទេដែលក្រុមហ៊ុន ហង្សមាស អាចបង្កើតជាផលិតផលខ្លួនឯក ហើយមានគុណភាព និងតម្លៃសមរម្យនៅលើទីផ្សារប្រទេសកម្ពុជា ។

លោកស្រី ប្រធាន និងជាស្ថាបនិកនៃ FRANANDO មើលឃើញថា មានផលិតផលខ្លះដែលចរាចរណ៍នៅលើទីផ្សារអន្តរជាតិ មានតម្លៃថ្លៃមែនទែនដែលធ្វើឱ្យប្រជាជនកម្ពុជាទាំងអស់មិនអាចទិញផលិកតផលទាំងនោះមកប្រើប្រាស់បាន នេះហើយជាក្តីស្រមៃមួយដែលលោកស្រីបង្កើតផលិតផលខ្លួនឯងតាមទាន់ Trending បច្ចុប្បន្នហើយលក់ជូនប្រជាជនកម្ពុជាក្នុងតម្លៃសមរម្យ ។

លោកស្រី បញ្ជាក់ថា FRANANDO ក៏មានស្លូហ្គេនថា Fashion is not about price ។ FRANANDO មានអត្ថន័យថា យើងតែងតែឱ្យខ្លួនឯកដើរឆ្ពោះទៅមុខជានិច្ច ។ FRANANDO នៅតែប្រកាន់ខ្ជាប់ភាពស៊ីវីល័យ និងគុណភាពជាចម្បង ហើយរាល់រចនាបថតាមទាន់ Trending ។ លោកស្រីថា មូលហេតុនៃការដាក់ឈ្មោះម៉ាកកាបូប FRANANDO នេះ គឺជាការពិភាក្សាជាមួយស្វាមី និងកូនស្រីអាយុ ១០ ឆ្នាំតែប៉ុណ្ណោះ ព្រមទាំងដាក់ស្លូហ្គេន Fashion is not about price ដែលធ្វើឱ្យលោកស្រីរំភើបរកអ្វីប្រៀបមិនបាន ។ ជាចុងក្រោយលោកស្រីបានបញ្ជាក់យ៉ាងច្បាស់ថា ប្រសិនបើប្រជាជនកម្ពុជាទូទាំងប្រទេសគាំទ្រ FRANANDO ច្រើន ពួកយើងប្តេជ្ញាយកស្លាកសញ្ញាមួយនេះឡើងឆាកអន្តរជាតិទៀត ។

ជាមួយគ្នានោះដែរ លោក លី ងៀប ដែលជា CEO of Franando ក៏បានបង្ហាញពីភាពទាន់សម័យ ស៊ីវីល័យរបស់ FRANANDO ពិសេសគឺ Persional life style ម្តង ។ លោកថា រាល់កាបូប FRANANDO ត្រូវបានរចនាឡើងដោយមានគោលបំណងច្បាស់លាស់ស្របទៅតាម Trending ដែលកំពុងពេញនិយម ហើយអ្វីដែលសំខាន់ និងពិសេសបំផុតនោះគឺ គុណភាព និងតម្លៃដែលមានការប្រកួតប្រជែងនៅក្នុងទីផ្សារបច្ចប្បន្ន ។ មិនថានៅខាងក្នុង និងខាងក្រៅរបស់កាបូប FRANANDO ទេ គឺជ្រើរើសយកស្បែក និងប្រភេទសាច់ក្រណាត់ដែលមានគុណភាពខ្ពស់ ឆ្លងកាត់ QC ត្រឹមត្រូវស្របទៅតាមស្តង់ដារច្បាស់លាស់ ។

លោកបានអះអាងថា រាល់ថ្នេររបស់កាបូប FRANANDO ដេរជាមួយអំបោះដែលមានភាពស្វិតមិនងាយដាច់ ប្រើរូតដែលមានភាពស្តើងហើយរឹងមាំធន់នឹងភាពច្រេះ និងមានលក្ខណៈងាយស្រួលក្នុងការបិទបើកកាបូប ។ ចំពោះគ្រឿងផ្សំផ្សេងៗទៀតក៏ជ្រើរើសយករបស់ដែលមានគុណភាពខ្ពស់ស័ក្តិសមទៅតាមម៉ូដនីមួយៗរបស់ FRANANDO ។

សូមបញ្ជាក់ផងដែរថា ពិធីសម្ពោធដ៏ពិសេសកាបូប FRANANDO ត្រូវបានធ្វើឡើងកាលពីរាត្រីថ្ងៃទី ៥ ខែកក្កដា ឆ្នាំ ២០២៥ នៅ នៅស្ទូឌីយោ ហង្សមាស HDTV ក្នុងផ្សារទំនើប អ៉ីអន ២ (សែនសុខ) ដោយមានការអញ្ជើញចូលរួមពី អ្នកឧកញ៉ា អ៉ឹង ឆៃងួន ប្រធានក្រុមប្រឹក្សាភិបាលនៃ ហង្សមាស គ្រុប និងទាំងលោកជំទាវ, សិល្បករ-សិល្បការិនីល្បីៗ ព្រមទាំងភ្ញៀវកិត្តិយសជាច្រើននាក់ ដែលរួមទាំងការសម្តែងពីតារាល្បីៗថែមទៀតផង ។

អ្វីដែលកាន់តែពិសេសនោះ គឺ Franando ផ្ដល់ជូនការបញ្ចុះតម្លៃរហូតដល់ទៅ ៥០% គ្រប់ផលិតផលទាំងអស់របស់ Franando ដែលមានរយៈពេល ៧៨ ម៉ោង ឬ ២ ថ្ងៃ (ថ្ងៃទី ៧-៨ ខែកក្កដា ២០២៥) ៕ អត្ថបទសហការ

សូមទស្សនារូបភាពខាងក្រោមនេះ ៖