ខ្មែរជួយខ្មែរ ! អ្នកឧញ៉ា លាង ម៉េង ចុះសួរសុខទុក្ខ និងនាំយកថវិកា សម្ភារ និងគ្រឿងឧបភោគបរិភោគ សរុប ១០ ម៉ឺនដុល្លារ ជូនកងទ័ពជួរមុខនៅព្រំដែនខេត្តឧត្តរមានជ័យ
ខេត្តឧត្តរមានជ័យ ៖ នៅថ្ងៃទី ១១ ខែមិថុនា ឆ្នាំ ២០២៥ នេះ អ្នកឧកញ៉ា លាង…
ខេត្តឧត្តរមានជ័យ ៖ នៅថ្ងៃទី ១១ ខែមិថុនា ឆ្នាំ ២០២៥ នេះ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស បានដឹកនាំក្រុមកីឡាករ តារាកំប្លែង ពែក មី និងពិធីករលោក រ៉ា ស៊ី ចូលរួមក្នុងពិធីសំណេះសំណាលសួរសុខទុក្ខ និងប្រគល់អំណោយផ្ទាល់ ឱ្យកាន់តែកក់ក្តៅ ជូនដល់កងទ័ពជួរមុខដែលកំពុងឈរជើងនៅសមរភូមិទិស ៣ យោធភូមិភាគទី ៤ ដែលមានការចូលរួមពី ឯកឧត្តម ឧត្តមសេនីយ៍ឯក កែវ ធី មេបញ្ជាការរងកងទ័ពជើងគោក មេបញ្ជាការកងពលធំ អន្តរាគមន៍លេខ ២ និងជាប្រធានគណៈបញ្ជាការឯកភាពសមរភូមិទិស ៣ ។
បង្ហាញពីស្មារតីខ្មែរជួយខ្មែរ ជីប ម៉ុង ដែលជាក្រុមហ៊ុនមេរបស់ ខ្មែរ ប៊ែវើរីជីស បានឧបត្ថម្ភទាំងពីរលើកនេះ សរុប ៥០ ម៉ឺនដុល្លារឯណោះ ដោយកាលពីលើកទី ១ សហស្ថាបនិកទាំងពីររបស់ក្រុមហ៊ុន ជីប ម៉ុង គឺលោកអ្នកឧកញ៉ា លាង ឃុន និងអ្នកឧកញ៉ា លាង ម៉េង បានចុះទៅប្រគល់ជូនប្រាក់ឧបត្ថម្ភ ៤០ ម៉ឺនដុល្លារ ដោយផ្ទាល់ រួមទាំងទឹកពិសាកម្ពុជា និងភេសជ្ជៈ ៥០០០ កេស ដល់តំបន់ព្រំដែនខេត្តព្រះវិហារ ។
ក្នុងឱកាសដ៏ឧឡារិកនេះ អ្នកឧកញ៉ា លាង ម៉េង បានថ្លែងថា ៖ «ជំហនៃការចូលរួមឧបត្ថម្ភជាហូហែនេះ គឺចង់បង្ហាញពីស្មារតីខ្មែរចេះជួយគ្នា រួបរួមសាមគ្គីគ្នាជាធ្នុងមួយ ក្នុងបេសកកម្មជាតិ ការពារមាតុភូមិ និងតែងតែរួមសាមគ្គីគ្នាពេលមានបញ្ហា ខ្មែរជួយខ្មែរ ទៅវិញទៅមក «ព្រោះកូនខ្មែរគ្រប់រូប សុទ្ធតែមានតួនាទីដូចគ្នា ចូលរួមដើម្បីជាតិ» ។
អ្នកឧកញ៉ា បានសម្តែងការកោតសរសើរនិងលើកតម្លៃខ្ពស់ដល់ការលះបង់របស់គ្រប់កងទ័ពដែលកំពុងឈរជើងនៅជួរមុខ តាមបន្ទាត់ព្រំដែនកម្ពុជា ក្នុងការបំពេញកាតព្វកិច្ចខ្ជាប់ខ្ជួន ដោយស្មារតីអង់អាចក្លាហាន មានឈាមជ័រជាខ្មែរ ឈរលើព្រំដែនខ្មែរ ការពារទឹកដីដែលដូនតាបានបន្សល់ទុក ពេញដោយមោទនភាពជាតិ ។
ក្រុមហ៊ុន ខ្មែរ ប៊ែវើរីជីស បានបន្តចូលរួមចំណែកជាចលករសំខាន់ ក្នុងការកៀរគរការឧបត្ថម្ភមកកាន់កងទ័ពជួរមុខ ដែលនេះបញ្ជាក់ច្បាស់ថា គ្មាននរណា ស្រលាញ់ខ្មែរ ជាងខ្មែរដូចគ្នានោះទេ។ ប្រៀបដូចជាការគាំទ្រលើកស្ទួយផលិតផលខ្មែរ ដោយចាប់ផ្តើមងាកមកប្រើប្រាស់ផលិតផលគុណភាពខ្ពស់ ដែលខ្មែរយើងអាចផលិតបានក្នុងស្រុកផ្ទាល់។ ការចូលរួមម្នាក់បន្តិចៗរបស់បងប្អូនខ្មែរយើង នឹងក្លាយជាសមិទ្ធផលធំមួយក្នុងការជំរុញវិស័យនានាក្នុងស្រុក សាងភាពខ្លាំងមួយកម្រិតទៀតដល់ការអភិវឌ្ឍសេដ្ឋកិច្ចជាតិ និងការផ្តល់ត្រឡប់ទៅសង្គមវិញ ។
ស្មារតីខ្មែររួបរួមគ្នា ! ខ្មែរ ស្រលាញ់ ខ្មែរ !
គាំទ្រ ខ្មែរ ប៊ែវើរីជីស លើកស្ទួយផលិតផលក្នុងស្រុក ! ៕ អត្ថបទសហការ
ចែករំលែកព័តមាននេះ