រាជធានីភ្នំពេញ ៖ អ្នកចិត្តសាស្ត្រចែករំលែកពីរបៀបលើកទឹកចិត្តកូនជំទង់របស់អ្នកឱ្យចែករំលែកអ្វីក្នុងគំនិតរបស់ពួកគេ ។ ពិតណាស់ វាមិនមែនតែងតែងាយស្រួលទេក្នុងការធ្វើឱ្យក្មេងជំទង់ចែករំលែកអារម្មណ៍របស់ពួកគេទៅកាន់ឪពុកម្តាយ ប៉ុន្តែយើងមានគន្លឹះ ៣ ដែលអាចជួយធ្វើឱ្យមានការផ្លាស់ប្តូរដ៏ធំមួយ ។…
រាជធានីភ្នំពេញ ៖ អ្នកចិត្តសាស្ត្រចែករំលែកពីរបៀបលើកទឹកចិត្តកូនជំទង់របស់អ្នកឱ្យចែករំលែកអ្វីក្នុងគំនិតរបស់ពួកគេ ។ ពិតណាស់ វាមិនមែនតែងតែងាយស្រួលទេក្នុងការធ្វើឱ្យក្មេងជំទង់ចែករំលែកអារម្មណ៍របស់ពួកគេទៅកាន់ឪពុកម្តាយ ប៉ុន្តែយើងមានគន្លឹះ ៣ ដែលអាចជួយធ្វើឱ្យមានការផ្លាស់ប្តូរដ៏ធំមួយ ។
១. ផ្តោតលើសំណួររបស់អ្នក ៖ ជំនួសឱ្យការសួរកូនៗថា «តើថ្ងៃនេះនៅសាលារៀនកូនរីករាយទេ ឬតើកូនបានធ្វើអ្វីនៅថ្ងៃនេះ ?» អ្នកអាចសាកល្បងសួរសំណួរផ្តោតអារម្មណ៍បន្ថែមទៀតដូចជា «តើអ្វីជារឿងដ៏ល្អបំផុត ឬពិបាកបំផុតនៅថ្ងៃនេះរបស់កូន ?» ឬ «តើកូនចូលចិត្តសៀវភៅដែលកូនកំពុងអានក្នុងថ្នាក់នោះទេ ហេតុអ្វីទៅ ?» ក្មេងជំទង់ទំនងជាបើកចំហរ ប្រសិនបើយើងស្វែងយល់ពីប្រធានបទជាក់លាក់បន្ថែមទៀត ។
២. សម្របខ្លួនជាមួយលក្ខខណ្ឌរបស់ពួកគេ ៖ ក្មេងជំទង់អាចទំនងជាចែករំលែកអ្វីដែលនៅក្នុងគំនិតរបស់ពួកគេ នៅក្រោមលក្ខខណ្ឌដែលជួយពួកគេឱ្យមានអារម្មណ៍ស្រួលខ្លួន ។ ក្មេងជំទង់ខ្លះនិយាយដោយសេរីបំផុត នៅពេលដែលការសន្ទនាមិនទល់មុខគ្នា ដូចជាពេលចេញទៅដើរលេង ឬជិះឡាន ។ ក្មេងជំទង់ផ្សេងទៀតបើកចំហរនៅពេលដែលពួកគេដឹងថា ការសន្ទនានឹងមិនយូរពេកទេ ដូចជានៅពេលដែលពួកគេរៀបចេញពីមាត់ទ្វារផ្ទះ ឬកំពុងរៀបចូលគេង ។ វាជារឿងសំខាន់ដែលឪពុកម្តាយត្រូវទាញយកប្រយោជន៍ពីឱកាសទាំងនេះ ដើម្បីភ្ជាប់ទំនាក់ទំនងជាមួយកូនរបស់អ្នក និងគោរពលក្ខខណ្ឌនៃការចូលរួមរបស់ពួកគេ ។
៣. មានវត្តមានដោយគ្មានរបៀបវារៈ ៖ ក្មេងជំទង់ពិតជាពេញចិត្តនៅពេលដែលឪពុកម្តាយ
តែងមានវត្តមានគ្រប់ពេលកូនចង់និយាយ ។ ពេលយើងនៅក្បែរកូន ប៉ុន្តែយើងមិនសុំឱ្យកូនធ្វើអ្វី ឬសួរសំណួរច្រើនទេ ។ ទុករឿងដោយឡែក ហើយគ្រាន់តែចំណាយពេលលេង ឬនៅក្បែរកូនកូន ។ ការនៅជាមួយគ្នា គឺជាវិធីដ៏សំខាន់មួយដែលយើងភ្ជាប់ទំនាក់ទំនងជាមួយកូន ហើយជារឿយៗ វាស្ថិតនៅក្នុងពេលវេលាដ៏ស្ងប់ស្ងាត់ ដែលកូនមានអារម្មណ៍ថា ចង់ចែករំលែកអ្វីដែលនៅក្នុងបេះដូងរបស់ពួកគេដោយឯកឯង ៕ ប្រភព ៖ unicef
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ