រាជធានីភ្នំពេញ ៖ ធនាគារ វឌ្ឍនៈ ដែលជាធនាគារឈានមុខគេក្នុងស្រុក មានកិត្តិយសសូមជម្រាបជូនសាធារណជនអំពីការសហការឧបត្ថម្ភផ្តាច់មុខសេវាកម្មធនាគារក្នុងព្រឹត្តិការណ៍សង្ក្រាន្តវិទ្យាល័យលើកទី ៧ ដែលនឹងប្រព្រឹត្តទៅនៅថ្ងៃទី ០៤ រហូតដល់ថ្ងៃទី…
រាជធានីភ្នំពេញ ៖ ធនាគារ វឌ្ឍនៈ ដែលជាធនាគារឈានមុខគេក្នុងស្រុក មានកិត្តិយសសូមជម្រាបជូនសាធារណជនអំពីការសហការឧបត្ថម្ភផ្តាច់មុខសេវាកម្មធនាគារក្នុងព្រឹត្តិការណ៍សង្ក្រាន្តវិទ្យាល័យលើកទី ៧ ដែលនឹងប្រព្រឹត្តទៅនៅថ្ងៃទី ០៤ រហូតដល់ថ្ងៃទី ០៦ ខែមេសា ឆ្នាំ ២០២៥ នៅវិទ្យាល័យ ហ៊ុនសែន ជម្ពូវ័ន ។ ព្រឹត្តិការណ៍មួយនេះប្រព្រឹត្តឡើងក្នុងគោលបំណងអបអរសាទរ និងផ្សព្វផ្សាយអំពីពិធីបុណ្យចូលឆ្នាំប្រពៃណីខ្មែរ ពេលខាងមុខនេះ ដែលនឹងមានទស្សនីយភាពសិល្បៈវប្បធម៌ ល្បែងប្រជាប្រិយ ការប្រគំតន្ត្រី ស្តង់ពិព័រណ៍អាហារផ្សេងៗជាដើម ។
ធនាគារ វឌ្ឍនៈ ប្តេជ្ញាបន្តចូលរួមផ្សព្វផ្សាយអំពីវប្បធម៌ប្រពៃណីខ្មែរ និងលើកកម្ពស់ស្មារតីសាមគ្គីភាពសុខដុមរមនាក៏ដូចជាការអភិរក្ស និងបញ្ជ្រាបការយល់ដឹងអំពីវប្បធម៌ដ៏ល្អផូរផង់នៃប្រពៃណីខ្មែរ ។ តាមរយៈការឧបត្ថម្ភក្នុងព្រឹត្តិការណ៍សង្ក្រាន្តវិទ្យាល័យនេះ ធនាគារ វឌ្ឍនៈ ផ្តោតសំខាន់ទៅលើការពង្រឹងការគាំទ្រព្រមទាំងលើកកម្ពស់វប្បធម៌ខ្មែរ ស្មារតីសាមគ្គីភាពក្នុងសហគមន៍តាមរយៈការបង្កើតអនុស្សាវរីយ៍ដ៏មានអត្ថន័យ !
លោក បណ្ឌិត Anthony Chin អគ្គនាយកប្រតិបត្តិធនាគារ វឌ្ឍនៈ បានមានប្រសាសន៍ថា ៖ «ក្នុងនាមជាធនាគារពាណិជ្ជក្នុងស្រុក ១០០% ធនាគារ វឌ្ឍនៈ ពិតជាមានកិត្តិយសដែលបានក្លាយជាដៃគូឧបត្ថម្ភផ្តាច់មុខក្នុងព្រឹត្តិការណ៍សង្ក្រាន្តវិទ្យាល័យលើកទី ៧» ។ លោកបណ្ឌិត Anthony បានបន្ថែមថា «ពួកយើងបន្តប្តេជ្ញាចូលរួមក្នុងសកម្មភាពនានាដូចជា ការផ្តោតទៅលើគំនិតផ្តួចផ្តើមនិរន្តរភាព ការពង្រឹងចំណេះដឹងផ្នែកហិរញ្ញវត្ថុ ឬគំនិតផ្តួចផ្តើមដែលជួយគាំទ្រដល់យុវជន និងវិស័យអប់រំ ហើយសមស្របទៅតាមយុទ្ធសាស្ត្ររបស់ធនាគារ វឌ្ឍនៈ ដែលរួមបញ្ចូលនូវដំណោះស្រាយបែបឌីជីថលនិងការផ្តល់សេវាកម្មដល់ទីកន្លែង ។ កិច្ចសហប្រតិបត្តិការមួយនេះគឺពិតជាមានអត្ថន័យ យ៉ាងជ្រាលជ្រៅដែលធ្វើឲ្យយើងខ្ញុំអាចចូលរួមអភិរក្សក៏ដូចជា ផ្សព្វផ្សាយ និងលើកកម្ពស់ពីវប្បធម៌ដ៏ល្អផូរផង់របស់ប្រទេសកម្ពុជា ។ យើងខ្ញុំសង្ឃឹមថាយើងនឹងអាចបង្កើតពេលវេលាដ៏ល្អជាមួយអ្នកទាំងអស់គ្នាក្នុងព្រឹត្តិការណ៍នេះ ។
លោក សារិ ពុទ្ធិរិទ្ធ តំណាងអ្នករៀបចំកម្មវិធីសង្ក្រាន្តវិទ្យាល័យ បានមានប្រសាសន៍ថា «ខ្ញុំសូមគោរពសម្តែងនូវការកោតសរសើរ និងសូមថ្លែងអំណរគុណយ៉ាងជ្រាលជ្រៅជូនចំពោះ ធនាគារ វឌ្ឍនៈ ព្រមទាំងថ្នាក់ដឹកនាំនៃធនាគារ ដែលបានចូលរួមគាំទ្រយ៉ាងពេញទំហឹង ទាំងផ្នែកស្មារតី និងផ្នែកថវិកាសម្រាប់ការរៀបចំប្រព្រឹត្តទៅនៃកម្មវិធីសង្ក្រាន្តវិទ្យាល័យឆ្នាំ ២០២៥ នៅវិទ្យាល័យ ហ៊ុនសែន ជម្ពូវ័ន ។ ការចូលរួមគាំទ្រនេះ គឺជាកត្តាចូលរួមចំណែកដ៏ធំធេងក្នុងការលើកកម្ពស់ និងផ្សព្វផ្សាយសិល្បៈវប្បធម៌ប្រពៃណីដូនតាខ្មែរ សម្រាប់ចែករំលែកដល់ប្អូនៗសិស្សវិទ្យាល័យ ព្រមទាំងចំពោះសាធារណៈជនផងដែរ ឱ្យរួមគ្នាចូលរួមថែរក្សាមរតកអរូបីដ៏សម្បូរបែបទាំងនេះទុកបន្តដល់កូនចៅជំនាន់ក្រោយតៗទៀត ។ យើងខ្ញុំសង្ឃឹមថា យើងនឹងអាចបន្តការងាររួមគ្នាបន្ថែមទៀតជាមួយនឹងធនាគារ វឌ្ឍនៈ នាពេលអនាគត» ។
ព្រឹត្តិការណ៍សង្ក្រាន្តវិទ្យាល័យលើកទី ៧ នេះ គឺជាព្រឹត្តិការណ៍មួយដែលបង្ហាញពីអត្តសញ្ញាណជាតិខ្មែរ ក៏ដូចជាផ្តល់ជូននូវអនុស្សាវរីយ៍ល្អៗដែលមិនអាចបំភ្លេចបានទៅកាន់អ្នកចូលរួម ។ ធនាគារ វឌ្ឍនៈ សូមអញ្ជើញសាធារណជនមកចូលរួមព្រឹត្តិការណ៍សង្ក្រាន្តវិទ្យាល័យនេះ ដើម្បីអបអរសាទរពិធីបុណ្យចូលឆ្នាំប្រពៃណីខ្មែរខាងមុខនេះទាំងអស់គ្នា ។
ព័ត៌មានបន្ថែមទាក់ទងនឹងព្រឹត្តិការណ៍ ៖
• កាលបរិច្ឆេទ ៖ ថ្ងៃទី ០៤ ដល់ថ្ងៃទី ០៦ ខែមេសា ឆ្នាំ ២០២៥
• ទីតាំង ៖ វិទ្យាល័យ ហ៊ុនសែន ជម្ពូវ័ន
• សកម្មភាព ៖ ការប្រគំតន្ត្រី ទស្សនីយភាពសិល្បៈ ល្បែងប្រជាប្រិយ ស្តង់អាហារ
សម្រាប់ព័ត៌មានបន្ថែមអំពីកម្មវិធី សូមតាមដានប្រព័ន្ធផ្សព្វផ្សាយសង្គមរបស់ធនាគារ វឌ្ឍនៈ ។ សម្រាប់ព័ត៌មានបន្ថែមទាក់ទងនឹងផលិតផលឬ សេវាកម្មផ្សេងៗរបស់ធនាគារ វឌ្ឍនៈ អតិថិជនអាចទាក់ទងមកកាន់សេវាបម្រើអតិថិជន ២៤/៧ តាមទូរសព្ទលេខ ០២៣ ៩៩៩ ៩០០ ឬចូលទៅកាន់គេហទំព័រ www.vattanacbank.com ។
អំពី ធនាគារ វឌ្ឍនៈ៖
ធនាគារ វឌ្ឍនៈ ដែលស្ថិតក្រោមក្រុមហ៊ុន វឌ្ឍនៈ គ្រុប គឺជាធនាគារពាណិជ្ជក្នុងស្រុក ១០០% ដែលផ្តល់សេវាធនាគារទូទៅ សេវាធនាគារសម្រាប់សហគ្រាសធុនតូច និងមធ្យម សេវាធនាគារ សម្រាប់អាជីវកម្មខ្នាតធំ ការទូទាត់ប្រាក់បែបឌីជីថល សេវា Escrow ការប្រមូលពន្ធផ្សេងៗជាដើម ។ ធនាគារ វឌ្ឍនៈ ត្រូវបានបង្កើតឡើងក្នុងឆ្នាំ ២០០២ ឈរលើមូលដ្ឋានគ្រឹះដ៏រឹងមាំនៃឧត្តមភាព គុណភាព និងទំនុកចិត្ត ហើយប្តេជ្ញាចិត្តខ្ពស់ផ្តោតអាទិភាពលើស្តង់ដាពិភពលោក បច្ចេកវិទ្យាទំនើប ការគ្រប់គ្រងហានិភ័យនិងការសេវាកម្មអតិថិជនដ៏ល្អឥតខ្ចោះ ស្របពេលដែលយើងបន្តការពង្រឹងយុទ្ធសាស្ត្រ Phygital ធនាគារ វឌ្ឍនៈ ដែលជាការលាយបញ្ចូលគ្នារវាងការផ្តល់សេវាកម្មដល់ទីកន្លែង និងសេវាកម្មធនាគារឌីជីថល។ ការិយាល័យកណ្តាលធនាគារ វឌ្ឍនៈ មានទីតាំងនៅជាន់ទី ២ នៃអាគារវឌ្ឍនៈ កាពីតាល ដែលជាទីតាំងដ៏លេចធ្លោក្នុងរាជធានីភ្នំពេញ។ ធនាគារ វឌ្ឍនៈកំពុងបន្តពង្រីកខ្លួននៅក្នុងវិស័យធនាគារក្នុងប្រទេសកម្អុជា ហើយបច្ចុប្បន្ននេះមាន ៤១ សាខាទូទាំងប្រទេស ។
គេហទំព័ររបស់ធនាគារ វឌ្ឍនៈ ៖ https://www.vattanacbank.com/
ស្វែងរកធនាគារ វឌ្ឍនៈ នៅលើបណ្តាញសង្គម៖ https://linktr.ee/vattanacbank ៕ អត្ថបទសហការ
ចែករំលែកព័តមាននេះ