រាជធានីភ្នំពេញ ៖ សូមឪពុកម្តាយគ្រប់រូបស្វែងយល់ពីមូលហេតុ និងរបៀបដែលឱ្យកូនមើលទូរស័ព្ទច្រើនពេកអាចបង្កគ្រោះថ្នាក់ដល់កូនរបស់អ្នកដោយមិនដឹងខ្លួន ។ នៅក្នុងពិភពបច្ចេកវិទ្យា និងប្រព័ន្ធផ្សព្វផ្សាយនាពេលបច្ចុប្បន្ននេះ ឪពុកម្តាយជាច្រើនសុខចិត្តឱ្យកូនតូចៗមើលអេក្រង់ទូរស័ព្ទ ដើម្បីឱ្យមានភាពសប្បាយរីករាយ ឬមិនរំខានចំពោះឪពុកម្តាយ…
រាជធានីភ្នំពេញ ៖ សូមឪពុកម្តាយគ្រប់រូបស្វែងយល់ពីមូលហេតុ និងរបៀបដែលឱ្យកូនមើលទូរស័ព្ទច្រើនពេកអាចបង្កគ្រោះថ្នាក់ដល់កូនរបស់អ្នកដោយមិនដឹងខ្លួន ។ នៅក្នុងពិភពបច្ចេកវិទ្យា និងប្រព័ន្ធផ្សព្វផ្សាយនាពេលបច្ចុប្បន្ននេះ ឪពុកម្តាយជាច្រើនសុខចិត្តឱ្យកូនតូចៗមើលអេក្រង់ទូរស័ព្ទ ដើម្បីឱ្យមានភាពសប្បាយរីករាយ ឬមិនរំខានចំពោះឪពុកម្តាយ ។ ជាលទ្ធផល វាដំណើរការបានយ៉ាងល្អ ។ អេក្រង់លើទូរទស្សន៍ ទូរស័ព្ទ និងថេប្លេតអាចទាក់ទាញការចាប់អារម្មណ៍របស់កុមារបានយ៉ាងងាយ ដោយអនុញ្ញាតឱ្យឪពុកម្តាយមានពេលទំនេរដើម្បីធ្វើការងាររបស់ខ្លួន ។
ប៉ុន្តែតើអេក្រង់បែបនេះមានឥទ្ធិពលអវិជ្ជមានអ្វីខ្លះទៅលើខួរក្បាលក្មេងៗ និងទំនាក់ទំនងក្នុងក្រុមគ្រួសារ ? អ្នកវិទ្យាសាស្ត្រជំនាញផ្នែកខួរក្បាលដែលសិក្សាពីផលប៉ះពាល់នៃអេក្រង់ចំពោះខួរក្បាលទារកមិនទាន់មានចម្លើយច្បាស់លាស់នៅឡើយទេ ប៉ុន្តែអ្វីដែលពួកគេដឹងច្បាស់គឺថា វាមានសារៈសំខាន់ណាស់ក្នុងការដែលឪពុកម្តាយចំណាយពេលវេលានៅជាមួយកូន ដោយមិនមានអេក្រង់ទូរស័ព្ទ ពោលគឺទារក និងកុមារអាចរៀនសូត្រ បង្កើនជំនាញសង្គម និងការយល់ដឹងរបស់ពួកគេ ហើយមានសុខភាពល្អ និងរីករាយនាពេលអនាគត ។
១. ទារករៀនច្រើនបំផុតពីអន្តរកម្មរបស់មនុស្ស ៖ ទារកតូចៗដែលមានអាយុក្រោមមួយឆ្នាំ មិនបានរៀនសូត្រអ្វីពីម៉ាស៊ីនអឡិចត្រូនិកទេ ។ ទោះបីជាអ្នកបង្ហាញវីដេអូដែលគួរឱ្យចាប់អារម្មណ៍ឱ្យកូនមើលក៏ដោយ ភាពខុសគ្នានៃការរៀនសូត្រគឺតិចតួចណាស់ ។ កូនក្មេងទទួលបានទេពកោសល្យ និងរៀនសូត្របានច្រើនពីមនុស្សផ្ទាល់ ។ ប្រហែលមូលហេតុនេះហើយដែលអង្គការសុខភាពពិភពលោកណែនាំមិនឱ្យក្មេងអាយុក្រោម ២ ឆ្នាំ មើលទូរស័ព្ទឡើយ ។
២. អេក្រង់ទូរស័ព្ទ ទូរទស្សន៍ ថេប្លេត រារាំងការយកចិត្តទុកដាក់ ៖ ដើម្បីឱ្យកុមារទទួលបានជោគជ័យ ពួកគេត្រូវរៀនពីរបៀបផ្តោតអារម្មណ៍ និងការយកចិត្តទុកដាក់ ។ សមត្ថភាពទាំងនេះចាប់ផ្តើមលូតលាស់ល្អក្នុងកំឡុងឆ្នាំដំបូងបំផុតរបស់ពួកគេ គឺនៅពេលដែលខួរក្បាលរបស់ពួកគេមានភាពរសើបចំពោះបរិស្ថានជុំវិញពួកគេ ។ ដើម្បីឱ្យខួរក្បាលអភិវឌ្ឍ និងរីកចម្រើន វាត្រូវការការជំរុញដ៏សំខាន់ពីពិភពខាងក្រៅ ។ ការអានសៀវភៅរឿងឱ្យខ្លាំងៗឱ្យកូនបានលឺអាចផ្តល់ឱ្យកុមារនូវពេលវេលាដើម្បីស្រូបយកពាក្យ រូបភាព និងសំឡេង ។ ដូច្នេះសំឡេង រូបភាព និងវីដេអូនៅលើអេក្រង់ទូរស័ព្ទអាចប៉ះពាល់ដល់ការយកចិត្តទុកដាក់ និងការផ្តោតអារម្មណ៍របស់ក្មេងបានយ៉ាងងាយ ។
៣. អេក្រង់កាត់បន្ថយសមត្ថភាពក្នុងការគ្រប់គ្រងការជំរុញ ៖ ប្រសិនបើកុមារតូចៗត្រូវបានជំរុញដោយអេក្រង់ឥតឈប់ឈរ ពួកគេនឹងភ្លេចពីរបៀបពឹងផ្អែកលើខ្លួនឯង ឬអ្នកដទៃសម្រាប់ការកម្សាន្ត ។ នេះនាំឱ្យមានការខកចិត្ត និងរារាំងការស្រមើលស្រមៃ និងការលើកទឹកចិត្តរបស់ពួកគេ ជាពិសេសពេលធំឡើង ។
៤. អេក្រង់កាត់បន្ថយការយល់ចិត្ត ៖ អេក្រង់ រារាំងសមត្ថភាពរបស់កុមារតូចៗពីរបៀបមើលទឹកមុខ និងជំនាញសង្គម ដែលជាកត្តាសំខាន់ពីរដែលពួកគេត្រូវការ ដើម្បីអភិវឌ្ឍការយល់ចិត្ត ។ ការប្រាស្រ័យទាក់ទងទល់មុខគ្នា គឺជាវិធីតែមួយគត់ដែលកុមាររៀនយល់អំពីសញ្ញាដែលមិនមែនជាពាក្យសំដី ។ ការប្រាស្រ័យទាក់ទងទាំងអស់ដែលមិនមែនជាពាក្យសំដី ដូច្នេះពួកគេពឹងផ្អែកយ៉ាងខ្លាំងលើការសំឡឹងមើលមុខ និងទទួលបានអត្ថន័យពីមុខនោះ ។ ការមើលអេក្រង់ច្រើនអាចកាត់បន្ថយសមត្ថភាពរបស់ទារកក្នុងការអានអារម្មណ៍របស់មនុស្ស និងគ្រប់គ្រងការខកចិត្តរបស់ពួកគេ ៕ ប្រភព ៖ unicef
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ កម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ និងកម្មវិធីភាសាចិន ។ សាលារៀនផ្តល់ជូនអាហារូបករណ៍ពិសេស ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតា សេវាកម្មគាំទ្រ និងកម្មវិធីសិក្សាបន្ថែមសម្បូរ បែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ