ADផ្ទាំងផ្សព្វផ្សាយពាណិជ្ជកម្ម

ជ័យ​លា​ភី ៤ ក្រុម​ពី​មណ្ឌល​កំពង់ចាម និង មណ្ឌល​កណ្តាល ក្នុង​ព្រឹត្តិការណ៍​ប្រកួត​កីឡាបាល់ទះ ៤x៤ ទូ​ទាំង​ប្រទេស រង់ចាំ​ទៅ​ប្រកួត​វគ្គ​ផ្តាច់ព្រ័ត្រ​ នៅ​រាជធានី​ភ្នំពេញ

2 ថ្ងៃ មុន

ខេត្ត​កណ្តាល​ ៖ គោលដៅ​ទី ៣ និង​ទី ៤ នៃ​ព្រឹត្តិការណ៍​ប្រកួត​បាល់ទះ Wurkz Special Volleyball…

ខេត្ត​កណ្តាល​ ៖ គោលដៅ​ទី ៣ និង​ទី ៤ នៃ​ព្រឹត្តិការណ៍​ប្រកួត​បាល់ទះ Wurkz Special Volleyball Cup 4×4 Season 2 រក​ឃើញ​ម្ចាស់​ជើងឯក​ថ្មី​ក្នុង​ពេល ២ ស​ប្តា​ហ៍​ចុង​ក្រោយ​នេះ ដោយ​មណ្ឌល​កំពង់ចាម គឺ​បាន​ទៅ​លើ ក្លឹ​ប​បាល់ទះ​សីហា​សាមគ្គី និង​មណ្ឌល​កណ្តាល បាន​ទៅ​លើ សមាគម​កីឡាបាល់ទះ​ក្រសួងមហាផ្ទៃ B ​។

ក្រោម​ការ​ឧបត្ថម្ភ​មិន​សំចៃ​ដៃ​ពី​ភេសជ្ជៈ​ប៉ូវ​កម្លាំង វើក របស់​ក្រុមហ៊ុន ខ្មែរ ប៊ែ​វើ​រី​ជី​ស ព្រឹត្តិការណ៍​ប្រកួត​កីឡាបាល់ទះ ៤x៤ ទូ​ទាំង​ប្រទេស រដូវ​កាល​ទី ២ បាន​រក​ឃើញ​ម្ចាស់​ជ័យ​លា​ភី​លេខ ១ និង លេខ ២ ពី​មណ្ឌល​កំពង់ចាម និង​មណ្ឌល​កណ្តាល សម្រាប់​បន្ត​ទៅ​វគ្គ​ផ្តាច់ព្រ័ត្រ​នៅ​រាជធានី​ភ្នំពេញ ​។ ក្នុង​នោះ ជ័យ​លា​ភី​លេខ ១ បាន​ទៅ​លើ ក្លិប​បាល់ទះ​សីហា​សាមគ្គី និង សមាគម​កីឡាបាល់ទះ​ក្រសួងមហាផ្ទៃ B ទទួល​បាន​ពានរង្វាន់ និង​ទឹកប្រាក់​ចំនួន ១៥ លាន​រៀល ​។

ជ័យ​លា​ភី​លេខ ២ បាន​ទៅ​លើ ក្លិប​បាល់ទះ​ស្នងការដ្ឋាន​នគរបាល​ខេត្តរតនគិរី និង ក្លិប​បាល់ទះ​ស្នងការដ្ឋាន​នគរបាល​រាជធានី​ភ្នំពេញ B ទទួល​បាន​ទឹកប្រាក់​ចំនួន ៥ លាន​រៀល ​។

ជ័យ​លា​ភី​លេខ ៣ បាន​ទៅ​លើ ក្លិប​កីឡាបាល់ទះ​វិទ្យាល័យ​ព្រះ​សីហ​នុ និង ក្លិប​កីឡាបាល់ទះ​ស្នងការដ្ឋាន​នគរបាល​ខេត្តកណ្តាល A ទទួល​បាន​ទឹកប្រាក់​ចំនួន ២ លាន​រៀល​។ ជា​ចុង​ក្រោយ ជ័យ​លា​ភី​លេខ ៤ បាន​ទៅ​លើ ក្រុម​បាល់ទះ ខេ​.​ស៊ី​.​វ៉ា​យ និង ក្លិប​កីឡាបាល់ទះ​ស្នងការដ្ឋាន​នគរបាល​ខេត្តព្រៃវែង A ទទួល​បាន​ទឹកប្រាក់ ១ លាន​រៀល ​។

នា​ស​ប្តា​ហ៍​នេះ Wurkz Special Volleyball Cup 4×4 Season 2 នឹង​បន្តដំណើរ​ស្វែងរក​ម្ចាស់​ជ័យ​លា​ភី​នៅ​គោលដៅ​ទី ៤ ជា​គោលដៅ​ជម្រុះ​តាម​ភូមិភាគ​ចុង​ក្រោយ នៅ​ពហុ​កីឡដ្ឋាន​ខេត្ត​កែប ចាប់ពី​ថ្ងៃ​ទី ០៤-០៥-០៦ ខែមីនា វេលា​ម៉ោង ៧:៣០ នាទី​ព្រឹក​តទៅ ​។

វើក ជា​អ្នក​ជំរុញ​កីឡាបាល់ទះ​កម្ពុជា​ឲ្យ​ឈ្នះ​មេដាយមាស​ក្នុង​ព្រឹត្តិការណ៍​ប្រកួត​ស៊ី​ហ្គេ​ម ​!
វើក បង្កើន​ថាមពល​ឥត​ឈប់​ឈរ​ ! ៕ អត្ថបទសហការ