រាជធានីភ្នំពេញ ៖ ការចិញ្ចឹមកូនដោយទន់ភ្លន់ និងយកចិត្តទុកដាក់ គឺជាការចិញ្ចឹមកូនដោយភាពវិជ្ជមាន ឱ្យកូនរៀនទទួលខុសត្រូវចំពោះខ្លួនឯង និងបង្រៀនពួកគេឱ្យមានឯករាជ្យភាពផ្លូវចិត្តតាំងពីតូច ។ ការចិញ្ចឹមកូនដោយទន់ភ្លន់ និងយកចិត្តទុកដាក់អាចសង្ខេបត្រឹមតែបួនពាក្យប៉ុណ្ណោះ…
រាជធានីភ្នំពេញ ៖ ការចិញ្ចឹមកូនដោយទន់ភ្លន់ និងយកចិត្តទុកដាក់ គឺជាការចិញ្ចឹមកូនដោយភាពវិជ្ជមាន ឱ្យកូនរៀនទទួលខុសត្រូវចំពោះខ្លួនឯង និងបង្រៀនពួកគេឱ្យមានឯករាជ្យភាពផ្លូវចិត្តតាំងពីតូច ។ ការចិញ្ចឹមកូនដោយទន់ភ្លន់ និងយកចិត្តទុកដាក់អាចសង្ខេបត្រឹមតែបួនពាក្យប៉ុណ្ណោះ ការយល់ចិត្ត ការគោរព ការយោគយល់ និងព្រំដែន ។ វាជាវិធីមួយនៃការចិញ្ចឹមកូន ដែលឪពុកម្តាយតែងតែយកអារម្មណ៍របស់កូនដាក់នៅក្នុងចិត្តខ្លួនឯង បង្ហាញការគោរពចំពោះកូន បង្ហាញការយោគយល់ចំពោះកូន និងការមានព្រំដែន និងច្បាប់ច្បាស់លាស់ ។
ការចិញ្ចឹមកូនបែបនេះ ឪពុកម្តាយតែងរក្សាភាពត្រជាក់ មានភាពស្ងប់ស្ងាត់ និងមិនគ្រប់គ្រងកូនតឹងរឹង ឬដាក់ទណ្ឌកម្មនោះទេ ។ ផ្ទុយទៅវិញ ឪពុកម្តាយចូលចិត្តប្រើការនិយាយបើកចំហ និងទំនាក់ទំនងដ៏រឹងមាំ ។
១. ការយល់ចិត្ត ៖ សូមចងចាំពីរបៀបដែលកូនរបស់អ្នកមានអារម្មណ៍ និងតម្រូវការរបស់ពួកគេ ជាពិសេសនៅពេលដែលពួកគេប្រព្រឹត្តខុស ។
២. ការគោរព ៖ ចូរបង្រៀនកូនរបស់អ្នកនូវការគោរពគ្នាទៅវិញទៅមក ដោយធ្វើចំពោះពួកគេ តាមដែលអ្នកចង់ឱ្យពួកគេធ្វើដាក់អ្នក និងគោរពតាមតម្រូវការ ការចូលចិត្ត និងបុគ្គលិកលក្ខណៈរបស់កូនអ្នក ។
៣. ការយល់ពីកូន ៖ សូមចងចាំថា កុមារ គឺជាកុមារ ។ អ្នកអាចរំពឹងបានតែរឿងមួយចំនួនលើពួកគេ ដោយផ្អែកលើអ្វីដែលសមរម្យសម្រាប់អាយុរបស់ពួកគេប៉ុណ្ណោះ ។
៤. ព្រំដែន ៖ ចូរកំណត់ព្រំដែន ដែលកូនរបស់អ្នកអាចយល់ និងដឹង ព្រមទាំងដើម្បីសុវត្ថិភារបស់ពួកគេ ។
ឧទាហរណ៍មួយចំនួន ដែលអ្នកអាចបញ្ចូលការចិញ្ចឹមកូនដោយទន់ភ្លន់ និងយកចិត្តទុកដាក់នៅក្នុងជីវិតគ្រួសាររួមមាន ៖ ធ្វើជាគំរូអាកប្បកិរិយាល្អ និងទន់ភ្លន់ ចំពោះមនុស្សជុំវិញខ្លួន ។ បញ្ចេញយោបល់លើសកម្មភាពរបស់កូនអ្នក ជាជាងបុគ្គលិកលក្ខណៈរបស់ពួកគេ ។ សូមយល់ថា ពេលកូនធ្វើខុស អារម្មណ៍ពួកគេក៏មិនល្អ ប៉ុន្តែវាមិនកំណត់ថា កូនរបស់អ្នកជា “មនុស្សអាក្រក់” ឬ “ក្មេងខូច” នោះទេ ។ ការផ្លាស់ប្តូរពាក្យបញ្ជាទៅជានិយាយណែនាំ ។ ជំនួសឱ្យការបញ្ជាឱ្យកូនធ្វើអ្វីមួយដូចជា “ស្លៀកពាក់ទៅ” អ្នកគួរតែលើកទឹកចិត្តឱ្យពួកគេរួមគ្នាដើម្បីសម្រេចបាននូវការងារដោយហេតុផលជាក់លាក់ណាមួយ ។
អនុញ្ញាតឱ្យកូនរបស់អ្នកខឹង ។ ជំនួសឱ្យការព្យាយាមរំងាប់អារម្មណ៍កូនភ្លាមៗ ចូរទុកឱ្យពួកគេមានអារម្មណ៍ទាំងនោះ ។ វាជាមេរៀនដ៏សំខាន់មួយសម្រាប់កុមារក្នុងការឆ្លងកាត់រឿងមិនសមប្រកបក្នុងជីវិត ។ នៅពេលដែលពួកគេធូរស្រាល វាដល់ពេលដែលអ្នកអាចពិភាក្សាពីអ្វីដែលបានកើតឡើង អារម្មណ៍របស់កូនអ្នក និងអ្វីដែលអាចធ្វើបាននៅលើកក្រោយ ៕ ប្រភព ៖ madeformums
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ