រាជធានីភ្នំពេញ ៖ ព្រលឹមស្រាងៗ ក្បួនរថយន្តគ្រួសារ ហ្វដ ស្ទើរគ្រប់ម៉ូឌែល មាន Ford Ranger Wildtrak,…
រាជធានីភ្នំពេញ ៖ ព្រលឹមស្រាងៗ ក្បួនរថយន្តគ្រួសារ ហ្វដ ស្ទើរគ្រប់ម៉ូឌែល មាន Ford Ranger Wildtrak, Ford Ranger XLT, Ford Ranger Raptor, Ford Everest, Ford Territory និងរថយន្ត Ford Ecosport ជាដើម បានតម្រង់ជួរត្រៀបត្រាពីមុខសូរូម ហ្វដ ជ្រោយចង្វា រាជធានីភ្នំពេញ ដើម្បីធ្វើដំណើរឆ្ពោះទៅកាន់ ទីរួមខេត្តស្ទឹងត្រែង និងបន្តទៅកាន់ទីក្រុង ប៉ាកសេ ប្រទេសឡាវ ។
ដំណើរកម្សាន្ត Ford Adventure ឆ្នាំ ២០២៤ គឺធ្វើឡើងចំនួន ២ លើក ដោយលើកទី ១ បានប្រព្រឹត្តទៅកាលពីថ្ងៃទី ១២ ដល់ថ្ងៃទី ១៥ ខែធ្នូ ឆ្នាំ ២០២៤ និងលើកទី ២ ពីថ្ងៃទី ១៩ ដល់ថ្ងៃទី ២២ ខែធ្នូ ឆ្នាំ២០២៤ ជាមួយនឹងក្បួនរថយន្តជាង ២០០គ្រឿង និងអ្នកចូលរួមសរុបជាង ១០០០នាក់ ។ នេះជាព្រឹត្តការណ៍លើកទី ១៨ ហើយ ចាប់តាំងពីក្រុមហ៊ុន RMA Cambodia បានផ្តើមដំណើរកម្សាន្ត Ford adventure ជាលើកដំបូង តាំងពីឆ្នាំ ២០០៧ ។
ការធ្វើដំណើរទាំង ២ លើក បានរៀបចំកម្មវិធីចែកអំណោយសម្បុរសធម៌ ទៅកាន់គ្រួសារក្រីក្រប្រមាណជាង ៤០០គ្រួសារ និងធ្វើការសម្រាកបោះជំរំចំនួន ១យប់ក្នុងខេត្តស្ទឹងត្រែង ។ លុះថ្ងៃបន្ទាប់ ក្បួនរថយន្ត បានបន្តធ្វើដំណើរឆ្លងចូលទឹកដីឡាវ តាមច្រកព្រំដែនត្រពាំងក្រៀល តម្រង់ទៅកាន់ទីក្រុងប៉ាកសេ ដោយធ្វើការបោះជំរំចំនួន ២យប់នៅទីនោះ ។
លោក សេង វឹង នាយកគ្រប់គ្រងទូទៅផ្នែករថយន្ត Ford នៃក្រុមហ៊ុន RMA Cambodia មានប្រសាសន៍ថា ដំណើរកម្សាន្តគ្រួសារ ហ្វដ ធ្វើឡើងក្នុងទិសដៅផ្តល់បទពិសោធដ៏អស្ចារ្យ ដល់អតិថិជនហ្វដ មកពីគ្រប់ទិសទី នៃប្រទេសកម្ពុជា ជាមួយនឹងភាពសប្បាយរីករាយ និងការចែករំលែកក្តីស្រឡាញ់ឱ្យគ្នាទៅវិញទៅមក ។
លោក សេង វឹង បានបន្តថា ក្រុមហ៊ុន RMA Cambodia ដែលជាក្រុមហ៊ុននាំចូលរថយន្ត ហ្វដ ផ្តាច់មុខ តែងគិតគូរពីតម្រូវការរបស់អតិថិជន ជាពិសេសស្វែងរកបទពិសោធន៍ដ៏អស្ចារ្យ តាមរយៈដំណើរកម្សាន្ត ដោយការទស្សនាទេសភាព ព្រៃភ្នំនៅតាមដងផ្លូវ ការបោះជំរំនៅក្បែរមាត់ទឹក អមដោយសំឡេងសត្វយំ និងទឹកធ្លាក់ ការទទួលទានអាហាររួមគ្នា និងមានកម្មវិធីកម្សាន្តសប្បាយៗ ជាច្រើនទៀត ។
ទទួលបទពិសោធជាថ្មី ជាមួយដំណើរកម្សាន្តគ្រួសារ ហ្វដ ជាលើកទី ២, អ្នកស្រី ទេព ភារម្យ អតិថិជនហ្វដ ម្នាក់ក្នុងចំណោមអតិថិជនជើងទី ២ ដែលបានអ្នកចូលរួមប្រមាណ ៧០០នាក់ បាននិយាយថា អ្នកស្រី និងគ្រួសារ ពិតជាមានអារម្មណ៍រំភើបនិងអស្ចារ្យ ។ ជាអតិថិជនដែលមានបំណងចូលរួម ក្នុងព្រឹត្តការណ៍ Ford Adventure បន្តទៀតនៅឆ្នាំបន្តបន្ទាប់ បានបន្តថា ដំណើរកម្សាន្តនេះ មិនត្រឹមបង្កភាពសប្បាយរីករាយប៉ុណ្ណោះទេ ថែមទាំងបានចូលរួមធ្វើកិច្ចការមនុស្សធម៌ថែមទៀតផង ។
សូមជម្រាបថា ដំណើរកម្សាន្តនេះ រៀបចំឡើងដោយក្រុមហ៊ុន អ អិម អេ ខេមបូឌា (RMA Cambodia) និងចូលរួមសហការឧបត្ថម្ភ កម្មវិធីធំដោយធនាគារ BSP Finance PLC., ធនាគារ KB Daehan Specialized Bank Plc., ក្រុមហ៊ុន Hanuman Beverage Co.,Ltd. ។ បន្ថែមពីនេះ ក៏មានការសហការឧបត្ថម្ភពីសំណាក់ក្រុមហ៊ុន EFG (Express Food Group) ដែលរួមមាន The Pizza Company, ភោជនីយដ្ឋានស៊ុប និងសាច់អាំង Bar-B-Q Plaza, ការ៉េម Dairy Queen, Swensens, Krispy Kream Donut, ទឹកផ្លែឈើ Boost, តែគុជ Kamu.Kamu, ហាងនំបុ័ង Tour Les Jours, CB General Insurance និង AEON Specialized Bank (Cambodia) PLC. ។
ក្រុមហ៊ុន RMA CAMBODIA បានដំណើរការអាជីវកម្មនៅក្នុងប្រទេសកម្ពុជា ចាប់តាំងពីឆ្នាំ ១៩៩២ ក្នុងនាមជាអ្នកផ្ដល់ និងចែកចាយផ្តាច់មុខ នូវដំណោះស្រាយក្នុងវិស័យហេដ្ឋារចនាសម្ព័ន្ធ ថាមពល និងដឹកជញ្ជូន សម្រាប់សហគ្រាសពាណិជ្ជកម្ម និងមិនមែនពាណិជ្ជកម្ម ។ ទន្ទឹមនឹងការរីកចម្រើនរបស់ប្រទេសកម្ពុជា ក្រុមហ៊ុនបានពង្រីកអាជីវកម្មលើវិស័យយានយន្ត, កសិកម្ម, ឧបករណ៍ធុនធ្ងន់, ដំណោះស្រាយឧស្សាហកម្ម, សេវាកម្មហិរញ្ញវត្ថុ, សេវាកម្មជួលរថយន្ត, និងអាជីវកម្មម្ហូបអាហារជាដើម៕ អត្ថបទសហការ
ចែករំលែកព័តមាននេះ