រាជធានីភ្នំពេញ៖ ABA ដែល​ជា​ធនាគារពាណិជ្ជ​ ធំ​ជាងគេ​នៅ​កម្ពុជា នៅ​តែ​បន្ត​បង្ហាញ​ពី​ភាពរឹងមាំ និង​ស្ថិរភាព​ហិរញ្ញវត្ថុ​របស់​ខ្លួន ជាមួយ​ចំណាត់ថ្នាក់​ឥណទាន ប្រភេទ B+ ពី​ទីភ្នាក់ងារ​វាយតម្លៃ​ឥណទាន ​ដ៏​ធំ​បំផុត​របស់​ពិភពលោក Standard and Poor’s (S&P Global)​ ។ ចំណាត់ថ្នាក់​ឥណទាន​នេះ ត្រូវ​បាន​ចេញផ្សាយ​កាលពី​ថ្ងៃ​ទី ១៣ ខែធ្នូ ឆ្នាំ ២០២៥ ​។

ការ​បញ្ជាក់​ជា​ថ្មី​ នៃ​ចំណាត់ថ្នាក់​ឥណទាន ប្រភេទ B+ នេះ ជា​លទ្ធិ​ផល​វាយតម្លៃ​ ក្នុងអំឡុងពេល​ស្ថានភាព​ទីផ្សារ​ កំពុង​មាន​បញ្ហា​ប្រឈម​ ។ ទោះជា​យ៉ាងណា​ក្តី ក្រុម​អ្នកជំនាញ S&P បាន​បង្ហាញ​ពី​ទំនុកចិត្ត​ លើ​សមត្ថភាព​របស់​ធនាគារ ABA ក្នុង​ការ​បន្ត​រក្សា​អានុភាព​ខ្លាំងក្លា ការ​ចាក់​គ្រឹះ​យ៉ាង​រឹង​មាំ​ល្អ និង​វត្តមាន​ភាព​សេវា​ឌី​ធី​ថ​ល ​របស់​ខ្លួន​ទូ​ទាំង​ប្រទេស ក្នុង​នាម​ជា​ធនាគារ​ធំ​ជាងគេ​នៅ​កម្ពុជា ​។ លទ្ធផល​នេះ​នឹង​បន្ត​ពង្រឹង​ប្រូ​ហ្វា​ល​មូលនិធិ​ប្ប​ទាន ​របស់​ធនាគារឱ្យកាន់តែ​រឹង​មាំ​បន្ថែម​ជា​លំដាប់ ​។

ក្នុង​ស​និទាន​ភាព​នៃ​ការ​វាយតម្លៃ​នេះ ក្រុម​អ្នកជំនាញ S&P បាន​លើក​ឡើង​ថា ប្រាក់​បញ្ញើ​របស់​ធនាគារ ABA បាន​កើនឡើង 25% ក្នុង​ឆ្នាំ 2023 បើ​ធៀប​នឹង ប្រាក់​បញ្ញើ​សរុប​ ក្នុង​វិស័យ​នេះ​ដែល​កើន 14% ។ លទ្ធផល​ពី​ការ​ស្រាវជ្រាវ​នេះ ​បាន​កោតសរសើរ​ចំពោះ​ការ​យកចិត្តទុកដាក់ ​យ៉ាង​ខ្លាំងក្លា​របស់​ធនាគារ លើ​បច្ចេកវិទ្យា និង​ការ​អភិវឌ្ឍ​ដ៏​រឹង​មាំ ​នៃ​ផលិតផល​ហិរញ្ញវត្ថុ​ឌី​ជី​ថ​ល​របស់​ខ្លួន​ ។

S&P បាន​អធិប្បាយ​ថា៖ «អ្នក​ប្រើប្រាស់​សេវា​ធនាគារ​ឌី​ជី​ថ​ល​របស់ ABA បាន​កើនឡើង​ជាង 2 ដង​ក្នុង​ឆ្នាំ 2021 ដល់ 2023 ។ កំណើន​នេះ​បាន​ឆ្លុះ​បញ្ចាំង ​ពី​ការ​វិនិយោគ​របស់​ធនាគារ​ ក្នុង​វិស័យ​បច្ចេកវិទ្យា​ រយៈពេល​ប៉ុន្មាន​ឆ្នាំ​កន្លង​មកនេះ ដែល​ជា​មូលហេតុ​ធ្វើ​ឱ្យក្លាយជា​ធនាគារ​លេចធ្លោ ​ជាងគេ​នៅ​កម្ពុជា ​។ ធនាគារ​បាន​ប្រើប្រាស់​បច្ចេកវិទ្យា ​ដែល​អភិវឌ្ឍ​ដោយ​ខ្លួនឯង​ផ្ទាល់ និង​ដំណោះស្រាយ​នានា ​ជាមួយនឹង​ក្រុមហ៊ុន​ព័ត៌មានវិទ្យា​នាំមុខ»​ ។​

ការ​វាយតម្លៃ “​អនាគត​ស្ថិរភាព​” សម្រាប់​ធនាគារ ABA ស្ដែង​ឱ្យឃើញ​តាម​រយៈ​ទស្សនៈ​របស់ ក្រុម​អ្នកជំនាញ​ដែល​ថា ធនាគារ​នឹង​រក្សា​តុល្យភាព​កំណើន​ប្រាក់​កម្ចី​ប្រកបដោយ​ចីរភាព ជាមួយនឹង​ការ​ប្រមូលប្រាក់​បញ្ញើ​បាន​គ្រប់គ្រាន់ និង​ស្តង់ដារ​វាយតម្លៃ​កម្ចី​យ៉ាង​គត់មត់​រឹង​មាំ ក្នុង​រយៈពេល​ពី 12 ទៅ 18 ខែ​ជា​បន្ត​ទៀត​។ ក្រុម​អ្នក​ស្រាវជ្រាវ​ជឿជាក់​ថា ធនាគារ ABA នៅ​បន្ត​ជា​ធនាគារ​បុត្រ​សម្ពន្ធ​យុទ្ធសាស្ត្រ​របស់​ធនាគារជាតិ​ នៃ​កា​ណា​ដា​ក្នុង​រយៈពេល​យូរអង្វែង​ ទៅ​មុខ​ទៀត​ ។

ចំណាត់ថ្នាក់​ឥណទាន កម្រិត B+ និង​លទ្ធិ​ផល “​អនាគត​ស្ថិរភាព​” ពី S&P Global Ratings ធ្វើ​ឲ្យ​អតិថិជន វិនិយោគិន និង​ភាគី​ពាក់ព័ន្ធ​ទាំងអស់ កាន់តែ​ជឿ​ទុកចិត្ត​បន្ថែម​ទៀត​លើ​ភាពរឹងមាំ​ផ្នែក​ហិរញ្ញវត្ថុ មូលដ្ឋាន​គ្រឹះ​នឹងធឹង​ល្អ និង​ទិដ្ឋភាព​វិជ្ជមាន​នានា​របស់​ធនាគារ ABA ។

ការ​ទទួលស្គាល់​នេះ គឺជា​សក្ខីភាព​បញ្ជាក់​ពី​អានុភាព​ហិរញ្ញវត្ថុ​ខ្លាំងក្លា ការ​គ្រប់គ្រង​ហានិភ័យ​យ៉ាង​គត់មត់ និង​ការ​ប្តេជ្ញា​ចិត្ត​របស់ ABA ក្នុង​ការ​ផ្តល់​សេវា​ធនាគារ​ប្រកបដោយ​ន​វា​នុ​វត្ត​ ដល់​អតិថិជន ​។

អំពី​ធនាគារ ABA
ABA គឺជា​ធនាគារពាណិជ្ជ​ធំ​ជាងគេ​នៅ​កម្ពុជា គិត​លើ​ទ្រព្យសកម្ម​សរុប ប្រាក់​បញ្ញើ និង​ប្រាក់​កម្ចី យោង​តាម​របាយការណ៍​ត្រួតពិនិត្យ​ប្រចាំឆ្នាំ​ របស់​ធនាគារជាតិ​នៃ​កម្ពុជា​ឆ្នាំ 2021-2023​។ គិត​ត្រឹម​ថ្ងៃ​ទី 30 ខែកញ្ញា ឆ្នាំ​2024 ទ្រព្យសកម្ម​របស់​ធនាគារ កើនឡើង​ដល់ 13 ប៊ី​លាន​ដុល្លារ ប្រាក់​បញ្ញើ​សរុប​ចំនួន 10.4 ប៊ី​លាន​ដុល្លារ និង​ឥណទាន​ចំនួន 8.5 ប៊ី​លាន​ដុល្លារ​ ។

ជាមួយ​បណ្ដាញ 99 សាខា​, ទីតាំង​ស្វ័​យ​សេវា ABA 24/7 ចំនួន 46​កន្លែង​, ម៉ាស៊ីន​ស្វ័​យ​សេវា​ជាង 1,700 នៅ​ទូ​ទាំង​ប្រទេស​, សេវា​ធនាគារ​អន​ឡាញ និង​កម្មវិធី​ធនាគារ​តាម​ទូរស័ព្ទ​ដ៏​ទំនើប ធនាគារ ABA បន្ត​ពង្រីក​ការ​បម្រើ​អតិថិជន​ជាង 4 លាន​នាក់ ដែល​កំពុង​ប្រើប្រាស់​សេវា​ហិរញ្ញវត្ថុ​ដ៏​ទំនើប​សម្បូរ​បែប​នេះ ​។

អំពី S&P Global Ratings
គឺជា​ទីភ្នាក់ងារ​ផ្តល់​ចំណាត់ថ្នាក់ ​ឥណទាន​ឈានមុខ​កម្រិត​ពិភពលោក ដែល​បាន​ផ្តល់​ចំណាត់ថ្នាក់​ឥណទាន​ ដ៏​លេចធ្លោ​ប្រមាណ​ជាង 1 លាន ដល់​ស្ថាប័ន​រដ្ឋាភិបាល​, សាជីវកម្ម​, វិស័យ​ហិរញ្ញវត្ថុ​, ក្រុមហ៊ុន ហិរញ្ញវត្ថុ និង​មូល​ប​ត្រ​អន្តរជាតិ ។ ការ​វិភាគ​ហានិភ័យ​ឥណទាន ការ​ស្រាវជ្រាវ និង​ទិន្នន័យ​នានា​របស់ S&P Global Ratings ជួយ​ឱ្យមានការ​រីក​ចម្រើន​នៃ​តម្លាភាព និង​សន្ទនីយ​ភាព​ទីផ្សារ​កាន់តែ​ច្រើន​ឡើង នៅ​លើ​ពិភពលោក ​​។ S&P Global Ratings មាន​អ្នកជំនាញ​ប្រមាណ​ជាង 1,500 នាក់​ក្នុង 128 ប្រទេស ទូ​ទាំង​ពិភពលោក ​។ ទីភ្នាក់ងារ​នេះ មាន​ទីស្នាក់ការ​កណ្តាល​ស្ថិត​នៅ ទីក្រុង​ញូយ៉ក សហរដ្ឋអាមេរិក ​។ សម្រាប់​ព័ត៌មាន​បន្ថែម សូម​ចូល​ទៅ​កាន់ www.spratings.com ៕ អត្ថបទសហការ