រាជធានីភ្នំពេញ ៖ ជា​ថ្មី​ម្ដងទៀត ធនាគារ​ កម្ពុជា​សាធារណៈ​ ​ទទួលបាន​ពានរង្វាន់ ធនាគារឆ្នើមប្រចាំឆ្នាំក្នុងព្រះរាជាណាចក្រកម្ពុជា ២០២៤ ដែល​ផ្ដល់​ជូន​ដោយ​ទស្សនាវដ្ដី​អន្ដរជាតិ The Banker ប្រចាំ​ទីក្រុង​ឡុ​ង​ដ៍​ ។ នេះ​គឺជា​លើក​ទី ១៣ ដែល​ធនាគារ​កម្ពុជា​សាធារណៈ ​ទទួលបាន​ពានរង្វាន់​នេះ​គិត​ចាប់ពី​ឆ្នាំ ​២០០១ ​។

ពានរង្វាន់​នេះ ​គឺជា​សក្ខីភាព​ នៃ​ការ​ប្ដេជ្ញា​ចិត្តជា​បន្ដបន្ទាប់ ​របស់​ធនាគារ ដើម្បី​ផ្ដល់​ជូន​សេវា​ធនាគារ​ដ៏​ល្អ​ឥត​ខ្ចោះ ការ​គ្រប់គ្រង​ប្រកបដោយ​ភាព​ប្រុង​ប្រយ័ត្ន និង​ទំនុកចិត្ត​របស់​អតិថិជន​លើ​ធនាគារ​ដែល​ជា​ធនាគារ​មានទ្រព្យ​សកម្ម​ច្រើន​បំផុត​មួយ​ក្នុង​ចំណោម​ធនាគារ​មានទ្រព្យ​សកម្ម​ច្រើន​បំផុត​ទាំងអស់ ​។

បើ​ទោះបីជា ស្ថានភាព​ទីផ្សារ​នៅ​ទូ​ទាំង​សកលលោក​មាន​ភាព​លំបាក ហើយ​បរិ​យាស​ធ្វើ​ប្រតិបត្តិការ​មាន​បញ្ហា​ប្រឈម ធនាគារ​កម្ពុជា​សាធារណៈ នៅ​តែ​រក្សា​បាន​នូវ​គោល​ជំហរ​របស់​ខ្លួន​ក្នុង​នាម​ជា​ធនាគារ​ឈានមុខ​មួយ​ក្នុង​ព្រះរាជាណាចក្រ​កម្ពុជា តាម​រយៈ​ប្រសិទ្ធភាព​នៃ​ការ​អនុវត្ត​យុទ្ធសាស្ដ្រ​អាទិភាព​សម្រាប់​សាធារណជន និង​គំនិត​ផ្ដួចផ្ដើម​ដើម្បី​បរិស្ថាន សង្គម និង​អភិបាលកិច្ច ព្រមទាំង​ការ​ផ្ដល់​ផលិតផល​នវានុវត្តន៍ និង​សេវាកម្ម​ឌី​ជី​ថ​ល​ដ៏​សំបូរ​បែប ​។ ធនាគារ​នឹង​បន្ដ​អនុវត្ត​យុទ្ធសាស្ដ្រ​បង្កើន​កំណើន​ឥណទាន និង​ប្រាក់​បញ្ញើ​របស់​ខ្លួន សម្រាប់​អាជីវកម្ម​ស្នូល​របស់​ខ្លួន ក្នុង​នោះ​រួម​មាន​សកម្មភាព​ប្រតិបត្តិការ​ធនាគារ និង​ហិរញ្ញប្បទាន​រាយរង ហើយ​ប្ដេជ្ញា​លើកកម្ពស់​បរិ​យា​ប័ន្ន​ហិរញ្ញវត្ថុ និង​ការ​ផ្ដល់​សេវាកម្ម​ដ៏​ល្អ​ឥត​ខ្ចោះ​ជូន​ដល់​អតិថិជន​របស់​ខ្លួន ​។

ដោយ​ទទួល​បានការ​គាំទ្រ​ពី​ធនាគារ​មេ គឺ​ធនាគារ​សាធារណៈ ប៊ែ​ហា​ដ ម៉ា​ឡេ​ស៊ី និង​អតិថិជន​ទាំងអស់ ធនាគារ​ កម្ពុជា​សាធារណៈ​ រក្សា​បាន​នូវ​គោល​ជំហរ​ដ៏​រឹង​មាំ​ក្នុង​ការ​ឆ្លើយ​តប​ទៅ​នឹង​បញ្ហា​ប្រឈម​នៅ​លើ​ទីផ្សារ និង​រក្សា​បាន​នូវ​លទ្ធផល​ប្រតិបត្តិការ​ធុរកិច្ច​របស់​ខ្លួន​ដ៏​ល្អ​ឥត​ខ្ចោះ​ក្នុង​រយៈពេល​ជា​ច្រើន​ឆ្នាំ​ខាង​មុខ នេះ​បើ​តាម​ប្រសាសន៍​របស់ លោក Ong Ming Teck នាយក​ប្រតិបត្តិ​/​អភិបាល​ប្រតិបត្តិ​ ។

ជា​ការ​ទទួលស្គាល់​លើ​ប្រតិបត្តិការ​ធនាគារ​ដ៏​ល្អ​ឥត​ខ្ចោះ និង​គំនិត​ផ្ដួចផ្ដើម​បុ​រេ​សកម្ម​ក្នុង​ការ​ចូលរួម​ចំណែក​អភិវឌ្ឍ និង​កសាង​ប្រទេស​ជាតិ​ប្រកបដោយ​ចីរភាព ធនាគារ​កម្ពុជា​សាធារណៈ​ក៏​ទទួល​បាន​នូវ​ពានរង្វាន់ “The Next 100 Global Awards 2024 – Banking Group” ផ្ដល់​ជូន​ដោយ Global Banking & Finance Review ពានរង្វាន់ “Best Bank for ESG 2024” ផ្ដល់​ជូន​ដោយ Euromoney និង​ពានរង្វាន់ Domestic Categories – Best Commercial Bank – SMEs in CLM (Cambodia, Laos, Myanmar) for 2024” ផ្ដល់​ជូន​ដោយ FinanceAsia ​៕ អត្ថបទសហការ