រាជធានីភ្នំពេញ ៖ កុមារ និងមនុស្សវ័យក្មេងដែលហិតផ្សែងបារី និងចំហាយទឹកពីចេញបារីអេឡិចត្រូនិច (vape) អាចបង្កហានិភ័យខ្ពស់ទៅលើបញ្ហាសុខភាព និងការលូតលាស់ធ្ងន់ធ្ងរ ។ អ្វីដែលអ្នកត្រូវដឹង…
រាជធានីភ្នំពេញ ៖ កុមារ និងមនុស្សវ័យក្មេងដែលហិតផ្សែងបារី និងចំហាយទឹកពីចេញបារីអេឡិចត្រូនិច (vape) អាចបង្កហានិភ័យខ្ពស់ទៅលើបញ្ហាសុខភាព និងការលូតលាស់ធ្ងន់ធ្ងរ ។ អ្វីដែលអ្នកត្រូវដឹង គឺរាងកាយរបស់កុមារនៅតែអភិវឌ្ឍន៍ ដែលវាមានន័យថា ពួកគេមានហានិភ័យខ្ពស់ទៅនឹងបញ្ហាសុខភាព ដែលបណ្តាលមកពីផ្សែងបារី ឬចំហាយបារីអេឡិចត្រូនិច ។ មធ្យោបាយដ៏ល្អបំផុតដើម្បីការពារកូនរបស់អ្នក គឺថែរក្សាបរិស្ថានជុំវិញខ្លួនពួកគេឱ្យគ្មានផ្សែង និងគ្មានសារធាតុ vape តាមដែលអាចធ្វើបាន ។
ទារក និងកូនក្មេងដែលប៉ះពាល់ផ្សែងបារីអាចស្រូបយកជាតិសារធាតុគីមី និងជាតិពុលដែលបង្កគ្រោះថ្នាក់ ហើយរបៀបដែលការជក់បារីប៉ះពាល់ដល់កុមារ គឺកុមារដកដង្ហើមលឿនជាងមនុស្សពេញវ័យ ដូច្នេះពួកគេអាចស្រូបសារធាតុគីមីកាន់តែច្រើន នៅពេលប៉ះនឹងផ្សែងបារី ដែលធ្វើឱ្យពួកគេមានហានិភ័យខ្ពស់ក្នុងការកើតជំងឺ ៖ ជំងឺហឺត, បញ្ហាអាកប្បកិរិយា ដូចជាពិបាកផ្ចង់អារម្មណ៍ខ្លាំង និងអាកប្បកិរិយាប្រឆាំងសង្គម, ការឆ្លងមេរោគត្រចៀក ដែលអាចបណ្តាលឱ្យមានការចុះខ្សោយនៃការស្តាប់ជាបណ្តោះអាសន្ន ហើយក្នុងករណីធ្ងន់ធ្ងរ វាអាចខូចខាតអាចជាអចិន្ត្រៃយ៍, ការលូតលាស់សួតមិនល្អ ដែលធ្វើឱ្យអាឡែស៊ីកាន់តែធ្ងន់ធ្ងរ និងបង្កើនហានិភ័យនៃជំងឺផ្លូវដង្ហើម, ជំងឺផ្លូវដង្ហើម ដូចជាជំងឺរលាកទងសួត និងជំងឺរលាកសួត ដែលជាមូលហេតុទូទៅបំផុតនៃការស្លា.ប់ក្នុងវ័យកុមារភាពទូទាំងពិភពលោក, រោគសញ្ញានៃការស្លា.ប់របស់ទារកភ្លាមៗ (SIDS), អវត្តមាននៅសាលាដោយសារជំងឺនានា ដែលធ្វើឱ្យការសិក្សាចុះខ្សោយ ។
កូនរបស់ឪពុកម្តាយដែលជក់បារីក៏អាចមានការលំបាកក្នុងការសិក្សា ការលូតលាស់យឺត ទាប និងឈឺញឹកញាប់ជាងកូនរបស់ឪពុកម្តាយដែលមិនជក់បារី ។ អ្វីដែលអ្នកអាចធ្វើបានក្នុងនាម
ជាឪពុកម្តាយ ល្អបំផុតដែលអ្នកអាចធ្វើបានសម្រាប់កូនរបស់អ្នក គឺការឈប់ជក់បារី ។ កុមារទំនងជានឹងមិនសូវជក់បារីដែរ ប្រសិនបើគំរូចម្បងរបស់ពួកគេ ឪពុកម្តាយមិនជក់បារី ។ ក្រៅពីនេះ អ្នកក៏អាចធ្វើឱ្យផ្ទះ និងបរិស្ថានជុំវិញកូនរបស់អ្នកជាតំបន់គ្មានផ្សែងបារី, ត្រូវប្រាកដថា មនុស្សដែលមើលថែកូនរបស់អ្នកមិនជក់បារី, បង្រៀនកូនរបស់អ្នកឱ្យនៅឱ្យឆ្ងាយពីផ្សែងបារី និងចំហាយទឹកពីបារីអេឡិចត្រូនិច, ណែនាំកូនរបស់អ្នកឱ្យយល់ដឹងពីផលវិបាក និងគ្រោះថ្នាក់នៃការជក់បារី ៕ ប្រភព ៖ health
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ