ADផ្ទាំងផ្សព្វផ្សាយពាណិជ្ជកម្ម

ច្បាប់គ្រួសារដែលអ្នកគួរតែបង្កើតក្នុងគ្រួសាររបស់អ្នក !

3 ខែ មុន

០៤ ខែ កក្កដា ឆ្នាំ ២០២៤ ម៉ោង ១១:១៥

រាជធានីភ្នំពេញ ៖ តើអ្នកធ្លាប់ឆ្ងល់ពីរបៀបថែរក្សាភាពសុភមង្គល និងភាពសុខដុមរមនានៅក្នុងផ្ទះរបស់អ្នកទេ ? ឬប្រហែលជាអ្នកបានសញ្ជឹងគិតអំពីមូលហេតុដែលឃើញស្បែកជើងរាយប៉ាយគ្រប់ទីកន្លែង ឬខោអាវសើមពេញបន្ទប់ ។ ការកំណត់ច្បាប់គ្រួសារ គឺជាជំហានដ៏សំខាន់មួយ ដើម្បីធានាថា មនុស្សគ្រប់គ្នានៅក្នុងគ្រួសារមានភាពស៊ីសង្វាក់គ្នា គោរពទីកន្លែង និងព្រំដែនរបស់គ្នាទៅវិញទៅមក ។ រាប់ចាប់តាំងពីក្មេងទើបចេះដើរតេះតះរហូតដល់ជីដូនជីតាមានវ័យចំណាស់ ការមានគោលការណ៍ណែនាំច្បាស់លាស់នាំមកនូវការយល់ចិត្តគ្នាទៅវិញទៅមក ។ វាបង្កើតមូលដ្ឋានគ្រឹះសម្រាប់ការជឿទុកចិត្ត ការទទួលខុសត្រូវ និងឯកភាព ។

ដូច្នេះ តើអ្នកបង្កើតច្បាប់គ្រួសារទាំងនេះដោយរបៀបណា ទើបមិនបង្កបញ្ហាធំក្នុងគ្រួសាររបស់អ្នក ? ហើយសំខាន់ជាងនេះទៅទៀតនោះ តើអ្នកប្រាកដថា មនុស្សគ្រប់គ្នាដើរតាមច្បាប់នេះដោយរបៀបណា ? សូមចងចាំថា វាមិនមែនគ្រាន់តែអំពីច្បាប់ប៉ុណ្ណោះទេ ប៉ុន្តែតាមពិត វាការបង្កើតផ្ទះដែលពោរពេញទៅដោយសេចក្តីស្រឡាញ់ ការគោរព និងកិច្ចសហប្រតិបត្តិការ ។

នេះគឺជាឧទាហរណ៍មួយចំនួននៃច្បាប់គ្រួសារ ដែលអាចអនុវត្តចំពោះគ្រួសារទាំងមូល ៖

១. គោរពគ្នាទៅវិញទៅមក ៖ សូមសមាជិកគ្រួសារធ្វើដាក់គ្នាដោយសេចក្តីសប្បុរស និងការគោរព ។ សូមប្រើភាសាគួរសម ស្តាប់ដោយយកចិត្តទុកដាក់ និងចៀសវាងអាកប្បកិរិយាដែលមិនសមរម្យ ឬមិនគោរព ។ យើងផ្តល់តម្លៃដល់បរិយាកាសសុខដុមរមនានៅផ្ទះ ដែលមនុស្សគ្រប់គ្នាមានអារម្មណ៍សុវត្ថិភាព និងកោតសរសើរ ។

២. ទំនាក់ទំនង ៖ លើកទឹកចិត្តឱ្យមានទំនាក់ទំនងប្រកបដោយការបើកចំហ និងស្មោះត្រ
ង់ ។ សូមបញ្ចេញគំនិត និងអារម្មណ៍របស់អ្នកដោយការគោរព ហើយខិតខំប្រឹងប្រែងស្តាប់អ្នកដទៃដោយមិនរំខាន ។

៣. ការងារ និងទំនួលខុសត្រូវ ៖ សមាជិកគ្រួសារនីមួយៗមានការងារ និងទំនួលខុសត្រូវតាមអាយុ ។ យើងធ្វើការរួមគ្នាដើម្បីថែរក្សាផ្ទះរបស់យើងឱ្យស្អាត និងមានរបៀប ។ សូមមើលតារាងការងារ ដើម្បីដឹងពីកិច្ចការរបស់អ្នក ហើយបំពេញវាភ្លាមៗ ។ នេះបង្រៀនពីការទទួលខុសត្រូវ និងកិច្ចសហប្រតិបត្តិការ ។

៤. ការងារផ្ទះ និងម៉ោងសិក្សា ៖ ផ្តល់អាទិភាពដល់កិច្ចការសាលារបស់កូនអ្នក ។ សូមបញ្ចប់កិច្ចការផ្ទះមុនពេលចូលរួមក្នុងសកម្មភាពផ្សេងទៀត ។

៥. ដែនកំណត់ពេលវេលាអេក្រង់ ៖ ម៉ោងអេក្រង់មិនគួររំខានដល់ទំនួលខុសត្រូវដូចជាកិច្ចការផ្ទះ និងម៉ោងគ្រួសារទេ ។ យើងកំណត់រយៈពេលដែលអ្នកអាចចំណាយលើឧបករណ៍ដូចជា ទូរទស្សន៍ វីដេអូហ្គេម និងប្រព័ន្ធផ្សព្វផ្សាយសង្គម ដើម្បីរក្សាតុល្យភាព ។

៦. ច្បាប់នៃអាហារ ៖ យើងឱ្យតម្លៃអាហារគ្រួសារ ។ ប្រើពេលវេលានេះ ដើម្បីភ្ជាប់ទំនាក់ទំនងគ្នាទៅវិញទៅមក ។

៧. ទម្លាប់ចូលគេង ៖ ចូលគេងតាមម៉ោងដែលអ្នកបានកំណត់ ដើម្បីធានាថា អ្នកសម្រាកឱ្យបានគ្រប់គ្រាន់ ។ ការសម្រាកឱ្យបានត្រឹមត្រូវ គឺមានសារៈសំខាន់សម្រាប់សុខុមាលភាពទូទៅ ការរៀនសូត្រ និងការងាររបស់អ្នក ។

៨. កន្លែងផ្ទាល់ខ្លួន និងឯកជនភាព ៖ គោរពកន្លែងផ្ទាល់ខ្លួន និងភាពឯកជនរបស់គ្នាទៅវិញទៅមក ។ គោះទ្វារ មុនពេលចូលទៅក្នុងបន្ទប់គេង ហើយតែងតែសុំការអនុញ្ញាតមុនពេលខ្ចី ឬប្រើរបស់អ្នកផ្សេង ។

៩. អនាម័យ និងភាពស្អាត ៖ ការលាងដៃជាទៀងទាត់ និងការថែរក្សាកន្លែងផ្ទាល់ខ្លួនឱ្យស្អាត គឺចាំបាច់សម្រាប់សុខភាព និងភាពស្អាតរបស់ផ្ទះ ។

១០. ការប្រជុំគ្រួសារ ៖ បង្កើតការប្រជុំគ្រួសារជាទៀងទាត់ ដើម្បីពិភាក្សាអំពីបញ្ហាសំខាន់ៗ ដោះស្រាយកង្វល់ និងធ្វើការសម្រេចចិត្តរួមគ្នា ។ វាជាឱកាសមួយដើម្បីសមាជិកគ្រួសារបញ្ចេញគំនិតរៀងៗខ្លួន ៕ ប្រភព ៖ marriage

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ ការបើកដំណើរការ ៤ សាខា ថ្មីបន្ថែមទៀត សាលារៀនវ៉េស្ទឡាញន៍ សាខាតាខ្មៅ សាខាក្រុងច្បារមន (ខេត្តកំពង់ស្ពឺ) សាខាឈូកមាស និងសាលារៀនណត្សឡាញន៍ សាខាចំការដូង ។ សាលារៀនចាប់ទទួលចុះឈ្មោះកូនៗលោកអ្នករៀងរាល់ថ្ងៃ និងផ្តល់ជូនការសិក្សាសម្រាប់គ្រួសារ, អាហារូបករណ៍រហូតដល់ ៣០% លើតម្លៃសិក្សា, សិក្សាថ្នាក់បំប៉នដោយឥតគិតថ្លៃ, ធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូននេះសម្រាប់ការចុះឈ្មោះចូលរៀនត្រឹមថ្ងៃទី ៣០/០៦/២០២៤ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕