រាជធានី​ភ្នំពេញ ​៖ ក្រុមហ៊ុន ខូ​ហ្វី ខូ អិ​ល​ធី​ឌី (KOFI CO., LTD.) មាន​កិត្តិយស​សូម​ជម្រាប​ជូន​សាធារណជន​ឱ្យ​បាន​ជ្រាប​ថា កាលពី​ថ្ងៃ​ទី ​០៦ ខែមីនា ឆ្នាំ ​២០២៤ ក្រសួងពាណិជ្ជកម្ម នៃ​ព្រះរាជាណាចក្រ​កម្ពុជា បាន​ឯកភាព​កត់ត្រា​ទទួលស្គាល់​សិទ្ធិ​នាំ​ចូល និង​ចែកចាយ​ផ្តាច់មុខ​លើ​ផលិតផល​ម៉ា​ស៉ី​ន​ឆុង​កាហ្វេ និង​គ្រឿងបន្លាស់​ម៉ាក ASTORIA របស់​ក្រុមហ៊ុន ខូ​ហ្វី ខូ អិ​ល​ធីឌី (KOFI CO., LTD.) ដែល​ទទួល​បាន​ពី​ក្រុមហ៊ុន CMA MACCHINE PER CAFFE S.r.l ប្រទេស​អ៉ី​តា​លី ដែល​ជា​ម្ចាស់​ម៉ាក​តាម​រយៈ​លិខិត​ប្រកាស​លេខ ០៧៦៥ ព​.​ណ ក​សប ចុះ​ថ្ងៃ​ទី ​០៦ ខែមីនា ឆ្នាំ​ ២០២៤​ ។

តាម​រយៈ​លិខិត​កត់ត្រា​ទទួលស្គាល់​សិទ្ធិ​នាំ​ចូល និង​ចែកចាយ​ផ្តាច់មុខ​នេះ ក្រុមហ៊ុន ខូ​ហ្វី ខូ អិ​ល​ធីឌី (KOFI CO., LTD.) គឺជា​អ្នក​ទទួល​បាន​សិទ្ធិ​ផ្តាច់មុខ​ស្របច្បាប់​តែ​មួយ​គត់​ពី​ក្រុមហ៊ុន CMA MACCHINE PER CAFFE S.r.l ប្រទេស​អ៉ី​តា​លី​ក្នុង​ការ​នាំ​ចូល និង​ចែកចាយ​ផលិតផល​ដែល​មាន​ពាក់​ម៉ាក​ខាងលើ​ទូ​ទាំង​ព្រះរាជាណាចក្រ​កម្ពុជា ចាប់តាំងពី​ឆ្នាំ ​២០១២ មក​ម្ល៉េះ ​។

ការ​ទទួលស្គាល់​នេះ​នឹង​ផ្តល់​ជូន​នូវ​ទំនុកចិត្ត​ដល់​អតិថិជន​ទាំងអស់​ដែល​និយម​គាំទ្រ​ម៉ាក ASTORIA ដែល​ផ្គត់ផ្គង់​ដោយ​ក្រុមហ៊ុន ខូ​ហ្វី ខូ អិ​ល​ធី​ឌី (KOFI CO., LTD.) សុទ្ធតែ​ត្រូវ​បាន​បញ្ជាក់​ដោយ​ក្រុមហ៊ុន CMA MACCHINE PER CAFFE S.r.l ប្រទេស​អ៉ី​តា​លី អំពី​កម្រិតស្តង់ដា​គុណភាព​ច្បាស់លាស់​ជូន​អតិថិជន និង​ចៀសវាង​ការ​ប្រើប្រាស់​ផលិតផល និង​គ្រឿងបន្លាស់​ក្លែងក្លាយ ​។

រីឯ​អតិថិជន​ដែល​បាន​ទិញ​ម៉ាស៊ីន​ឆុង​កាហ្វេ និង​គ្រឿងបន្លាស់​ម៉ាក ASTORIA ពី KOFI នឹង​ទទួល​បាន​អត្ថប្រយោជន៍ ការ​បង្រៀន​ពី​របៀប​ប្រើប្រាស់​ម៉ាស៊ីន ការ​ថែទាំ​ជា​ប្រចាំ មាន​គ្រឿងបន្លាស់ គ្រប់គ្រាន់ ក្រុម​ជាង​មាន​ជំនាញ​ច្បាស់លាស់​ដែល​ទទួល​បានការ​បណ្តុះបណ្តាល​ពី​រោងចក្រ និង​ការ​ធានា​ត្រឹមត្រូវ​ ។

ជាមួយ​គ្នា​នេះ​ផង​ដែរ ក្រុមហ៊ុន ខូ​ហ្វី ខូ អិ​ល​ធី​ឌី (KOFI CO., LTD.) មាន​សិទ្ធិ​ស្របច្បាប់​ក្នុង​ការ​ដាក់​ពាក្យបណ្តឹង​ទៅ​កាន់​អាជ្ញា​ធរមាន​សមត្ថកិច្ច​ដើម្បី​ចាត់វិធានការ​ទៅ​លើ​ការ​នាំ​ចូល និង​ចែកចាយ​ផលិតផល និង​គ្រឿងបន្លាស់​ដែល​ពាក់​ម៉ាក​ដូច​គ្នា​ទៅ​នឹង​ម៉ាក​របស់​ក្រុមហ៊ុន​ដូចដែល​មាន​ចែង​ក្នុង​លិខិត​ទទួល​សិទ្ធិ​នេះ​ផង​ដែរ​ ។ អាស្រ័យ​ដូច​បាន​ជម្រាប​ជូន​ខាងលើ សូមសាធារណជន​មេត្តា​ជ្រាប​ ៕ អត្ថបទសហការ

ខាងក្រោម​នេះ​គឺជា​លិខិត​ថតចម្លង​ចេញ​ដោយ​ក្រសួងពាណិជ្ជកម្ម ៖