ADផ្ទាំងផ្សព្វផ្សាយពាណិជ្ជកម្ម

អាកាសយាន​ហាត់​ត្រាប់​ ចលនា​ពេញលេញ ដំបូង​គេ​របស់​កម្ពុជា​ដាក់​ឱ្យ​ប្រើប្រាស់

1 ឆ្នាំ មុន

រាជធានីភ្នំពេញ៖ នៅ​ថ្ងៃ​ទី២១ ខែមីនា ឆ្នាំ២០២៣ ពិធី​សម្ពោធ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ក្រោម​ការ​ដឹកនាំ​របស់ Lanmei Aviation Group ត្រូវ​បាន​ប្រារព្ធ​ឡើង…

រាជធានីភ្នំពេញ៖ នៅ​ថ្ងៃ​ទី២១ ខែមីនា ឆ្នាំ២០២៣ ពិធី​សម្ពោធ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ក្រោម​ការ​ដឹកនាំ​របស់ Lanmei Aviation Group ត្រូវ​បាន​ប្រារព្ធ​ឡើង ​។ ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល ឯកឧត្តម វ៉ាង វិ​ន​ធាន ឯកអគ្គរដ្ឋទូត នៃ​សាធារណរដ្ឋ​ប្រជាមានិត​ចិន​ប្រចាំ​នៅ​កម្ពុជា លោក Askhat Azhikhanov នាយក​ប្រតិបត្តិ​ធនាគារ ABA ភ្ញៀវ​កិត្តិយស​ពី​រដ្ឋលេខាធិការដ្ឋាន​អាកាស​ចរ​ស៊ី​វិល (​តទៅ​នេះ​ហៅ​ថា SSCA) ក្រុមហ៊ុន​អាកាសចរណ៍​កម្ពុជា ក្រុមហ៊ុន​អាកាសចរណ៍​ចិន​នៅ​កម្ពុជា ក្រុមហ៊ុន​អាកាសចរណ៍​អាស៊ាន​ផ្សេង​ទៀត អាកាសយានដ្ឋាន​អន្តរជាតិ​ភ្នំពេញ អាកាសយានដ្ឋាន​អន្តរជាតិ​សៀមរាប​-​អង្គរ​ថ្មី CAE Inc.(​ក្រុមហ៊ុន​អាកាសចរណ៍​កា​ណា​ដា​អេ​ឡិច​ត្រូ​និក​) និង​លោក​បណ្ឌិត Li Kun ប្រធាន​និង​ជានា​យក​ប្រតិបត្តិ​នៃ Lanmei Aviation Group ។​ល​។ ថ្នាក់ដឹកនាំ​និង​ភ្ញៀវ​កិ​តិ្ត​យស ជាង ៩០ នាក់​បាន​ចូលរួម​ក្នុង​ពិធី​សម្ពោធ​ដោយ​ប្រកាស​ថា​អាកាសយាន​ហាត់​ត្រាប់​ដំបូង​គេ​ក្នុង​ប្រវត្តិសាស្ត្រ​អាកាសចរណ៍​ស៊ី​វិល​កម្ពុជា​ត្រូវ​បាន​ដាក់​ឱ្យ​ប្រើប្រាស់​ជា​ផ្លូវការ​ហើយ ​។

​គោរព​ភ្លេងជាតិ​នៃ​សាធារណរដ្ឋ​ប្រជាមានិត​ចិន និង​ភ្លេងជាតិ​នៃ​ព្រះរាជាណាចក្រ​កម្ពុជា​ ។

តាម​ការ​យល់​ដឹង​ថា មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ​របស់​សាកលវិទ្យាល័យ​ឡាន​ម៉េ​កម្ពុជា Lanmei University of Cambodia (L.U.C.) ដែល​ជា​ផ្នែក​អប់រំ​របស់ Lanmei Aviation Group ។ លើក​នេះ មជ្ឈមណ្ឌល​បាន​ចំណាយ​អស់ ១២ លាន​ដុល្លារ​អា​មេ​រិ​ក ដើម្បី​នាំ​ចូល​អាកាសយាន​ហាត់​ត្រាប់​ចលនា​ពេញលេញ CAE1000-TSP Airbus ៣២០ ស៊េរី​ទំនើប​លំដាប់​ពិភពលោក ​។ នេះ​បាន​បំបែក​កំណត់​ត្រា​ជា​ផ្លូវការ​—— “0” អាកាសយាន​ហាត់​ត្រាប់​នៅ​ក្នុង​ប្រវត្តិសាស្ត្រ​អាកាសចរណ៍​ស៊ី​វិល​របស់​កម្ពុជា និង​បាន​បំពេញ​ចន្លោះ ​នៃ​ការ​បណ្តុះបណ្តាល​ជំនាញ​វិជ្ជាជីវៈ​អាកាសចរណ៍​ស៊ី​វិល​របស់​កម្ពុជា ​។ វា​ជា​ព្រឹត្តិការណ៍​ដ៏​សំខាន់​មួយ​សម្រាប់​ប្រទេស​កម្ពុជា ​ដែល​បាន​ឈាន​ជើង​ចូល​ចំណាត់ថ្នាក់​ នៃ​ពិភពលោក​ជា​ផ្លូវការ​ ក្នុង​វិស័យ​បណ្តុះបណ្តាល​វិជ្ជាជីវៈ​អាកាសចរណ៍​ស៊ី​វិល ហើយ​វា​ជា​ព្រឹត្តិការណ៍​ដ៏​គួរ​ឱ្យ​កត់សម្គាល់​មួយ ​ក្នុង​ប្រវត្តិសាស្ត្រ​អាកាសចរណ៍​ស៊ី​វិល​កម្ពុជា ​។

អាកាសយាន​ហាត់​ត្រាប់​ចលនា​ពេញលេញ CAE1000-TSP Airbus ៣២០ ។

លោក Chan Chee Seng នាយក​ប្រតិបត្តិ​នៃ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ បាន​ណែនាំ​ថា មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ មិន​ត្រឹមតែ​ជា​ស្ថាប័ន​សហប្រតិបត្តិការ​ដ៏​សំខាន់​ សម្រាប់​ដំណាក់កាល​បណ្តុះបណ្តាល​អាកាសយាន​ហាត់​ត្រាប់​ដំណាក់កាល​ទី​ពីរ ទី​បី និង​ទី​បួន​នៃ​ការ​បណ្តុះបណ្តាល​អ្នក​បើក​យន្តហោះ​ច្រើន​នាវិក​ នៃ​មជ្ឈមណ្ឌល​បណ្តុះបណ្តាល នៃ​សាកលវិទ្យាល័យ​ឡាន​ម៉ី​កម្ពុជា​ប៉ុណ្ណោះ​ទេ ប៉ុន្តែ​ក៏​នឹង​ដើរតួ​ដ៏​សំខាន់ ​ក្នុង​ការ​ផ្តល់​នូវ​ការ​បណ្តុះបណ្តាល​ដ៏​ទូលំទូលាយ​ សម្រាប់​អាកាសយានិក​ នៃ​ក្រុមហ៊ុន​អាកាសចរណ៍​អាស៊ាន និង​អន្តរជាតិ​លើ​មុខ​វិជ្ជា​ដូច​ជា ការ​បណ្តុះបណ្តាល​ដំបូង ការ​ផ្ទេរ​ការ​បណ្តុះបណ្តាល​អាកាសយាន ការ​បណ្តុះបណ្តាល upgrade និង​ការ​ហ្វឹកហាត់​ឡើង​វិញ​ជា​ប្រចាំ​ ។ «​កាប៊ី​ន​យន្ដហោះ​» នៃ​អាកាសយាន​ហាត់​ត្រាប់​ធ្វើ​ជើងហោះហើរ​ ដែល​បាន​ណែនាំ​លើក​នេះ​គឺ​ត្រូវ​បាន​បំពាក់​ដោយ​ប្រព័ន្ធ​ អាកាសយាន​ហាត់​ត្រាប់​ធ្វើ​បែប Panoramic កម្រិត​ខ្ពស់​ ។ ប្រព័ន្ធ​មើលឃើញ​ទទួលយក​ប្រព័ន្ធ SIMTHETIQ ចាស់ទុំ និង​ជឿនលឿន ដែល​មាន​ផ្នែក​មើលឃើញ​ទំហំ​ធំ 200° ផ្ដេក និង 40° បញ្ឈរ និង​មាន មូលដ្ឋាន​ទិន្នន័យ​កា​រត​ភ្ជាប់​គ្មាន​ថ្នេរ​ជាស​កល​ ។ កញ្ចក់​មើល​របស់​វា​អាច​ឡើង​ដល់ 200 ដឺ​ក្រេ ហើយ​កម្រិត ​នៃ​ការ​ហាត់​ត្រាប់​គឺ​ខ្ពស់​ជាង ​។ វា​ក៏​ត្រូវ​បាន​ភ្ជាប់​ជាមួយនឹង​ទីតាំង​សកល​ពិត មូលដ្ឋាន​ទិន្នន័យ​ទិដ្ឋភាព​ដី និង​ប្រព័ន្ធ​ចលនា​ហាត់​ត្រាប់​ប្រើ​ប្រព័ន្ធ​ចលនា​អគ្គិសនី​និង​ខ្យល់ MOOG ដែល​មាន​ស្ថេ​រ​ភាព​បំផុត ដែល​អាច​ផ្តល់​ឱ្យ​អ្នក​បើក​យន្តហោះ ​នូវ​បទ​ពិសោធន៍​ជាក់ស្តែង​បំផុត ពង្រឹង​ជំនាញ​ប្រតិបត្តិការ​របស់​អ្នកបើកបរ​យ៉ាង​សំខាន់ បណ្តុះ​សមត្ថភាព​របស់​អាកាសយានិក ​ក្នុង​ការ​ទប់ទល់​នឹង​ភាព​អាសន្ន​ផ្សេង​ៗ ធ្វើ​អោយ​ប្រសើរ​ឡើង​ នូវ​ជំនាញ​ហោះហើរ​របស់​អ្នក​បើក​យន្តហោះ​គ្រប់​ជ្រុងជ្រោយ និង​ធានា​សុវត្ថិភាព ​នៃ​ការ​ហោះហើរ ​។ លោក Chan Chee Seng និយាយ​បន្ត​ថា អាកាសយាន​ហាត់​ត្រាប់​នេះ​អាច​បំពេញតម្រូវការ​បណ្តុះបណ្តាល​វិជ្ជាជីវៈ​របស់​អ្នកបើកបរ​យន្តហោះ​ប្រមាណ​ជា ​៣០ ​គ្រឿង ​។ នៅ​ពេល​អនាគត វា​ក៏​នឹង​បើកចំហ​សម្រាប់​អ្នក​ដែល​ចូល​ចិត្ត​ហោះហើរ​ជា​សាធារណៈ និង​ផ្តល់​សេវា​កម្មបទ​ពិសោធន៍​ហោះហើរ ធ្វើ​ឱ្យ​ស៊ីជម្រៅ និង​បង្កើន​ប្រជាប្រិយភាព និង​ឥទ្ធិពល​នៃ​អាកាសចរណ៍​ស៊ី​វិល​ក្នុង​ចំណោមសាធារណៈជន ​។

ឯកឧត្តម វ៉ាង វិ​ន​ធាន ឯកអគ្គរដ្ឋទូត នៃ​សាធារណរដ្ឋ​ប្រជាមានិត​ចិន ប្រចាំ​នៅ​កម្ពុជា​, ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា​, លោក​បណ្ឌិត Li Kun ប្រធាន​នៃ​សាកលវិទ្យាល័យ​ឡាន​ម៉េ​កម្ពុជា​, លោក Chan Chee Seng នាយក​ប្រតិបត្តិ​នៃ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​ ។

នៅ​ក្នុង​ពិធី​សម្ពោធ លោក​បណ្ឌិត Li Kun ប្រធាន​និង​ជានា​យក​ប្រតិបត្តិ​នៃ Lanmei Aviation Group បាន​ថ្លែងអំណរគុណ​ក្នុង​សុន្ទរកថា ចំពោះ​ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា និង​ថ្នាក់ដឹកនាំ និង​បុគ្គលិក​ទាំងអស់​របស់ SSCA ហើយ​ថ្លែងអំណរគុណ​ដល់​ធនាគារ​នាំ​ចេញ​-​នាំ​ចូល​នៃ​ប្រទេស​កា​ណា​ដា ធនាគារ ABA និង CAE Inc. (​អាកាសចរណ៍​អេ​ឡិច​ត្រូ​និក​កា​ណា​ដា​) សម្រាប់​ការ​គាំទ្រ និង​ជំនួយ​របស់​ពួក​គេ និង​ថ្លែងអំណរគុណ​ដល់​បុគ្គលិក និង​វិស្វករ​របស់​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ​នៃ​សាកលវិទ្យាល័យ​ឡាន​ម៉េ​កម្ពុជា ដែល​បាន​ខិតខំ​ប្រឹងប្រែង​រួម​គ្នា​។ ម្យ៉ាងទៀត លោក​បណ្ឌិត Li Kun បន្ថែម​ទៀត​ថា នឹង​ធ្វើ​ឱ្យ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ​នៃ​សាកលវិទ្យាល័យ​ឡាន​ម៉េ​កម្ពុជា​ក្លាយជា​ម៉ាក​សញ្ញា​លក្ខណៈ​ពិសេស ដោយ​មានការ​បណ្តុះបណ្តាល​សុវត្ថិភាព ​ដ៏​ទូលំទូលាយ​បំផុត គុណភាព​សេវាកម្ម​ល្អ​បំផុត និង​ការ​ប្រើប្រាស់​អាកាសយាន​ហាត់​ត្រាប់​ ប្រកបដោយ​ប្រសិទ្ធភាព​បំផុត​ ។ មជ្ឈមណ្ឌល​នេះ​នឹង​បណ្ដុះបណ្ដាល​អ្នកជំនាញ ផ្នែក​អាកាសចរណ៍​បន្ថែម​ទៀត​ សម្រាប់​ប្រទេស​កម្ពុជា និង​ប្រទេស​អាស៊ាន ហើយនឹង​ចូលរួម​ចំណែក​ក្នុង​ការ​ជួយ​ដល់​យន្តការ​ កិច្ច​សហប្រតិបត្តិការ​មេគង្គ​-​ឡាន​ឆាង និង​លើកកម្ពស់ “​កា​រត​ភ្ជាប់​” ក្នុង​តំបន់​ ។

លោក​បណ្ឌិត Li Kun ប្រធាន​នៃ​សាកលវិទ្យាល័យ​ឡាន​ម៉េ​កម្ពុជា​

បន្ទាប់​មក ឯកឧត្តម ម៉ៅ ហាវ​ណ្ណា រដ្ឋមន្ត្រី នៃ​លេខាធិការដ្ឋាន​អាកាស​ចរ​ស៊ី​វិល បាន​ឡើង​ថ្លែង​សុន្ទរកថា​យ៉ាង​កក់ក្តៅ​ ។ ឯកឧត្តម លោក​រដ្ឋមន្ត្រី បាន​មាន​ប្រសាសន៍​ថា ឆ្នាំ​នេះ គឺជា​ខួប​លើក​ទី ៦៥ នៃ​ការ​បង្កើត​ទំនាក់ទំនង​ការទូត​រវាង​កម្ពុជា និង​ចិន ហើយ​ស្រប​ពេល​នឹង​ខួប​លើក​ទី ១០ នៃ​គំនិត​ផ្តួចផ្តើម “​ខ្សែក្រវាត់​មួយ ផ្លូវ​មួយ​” ការ​បើក​ដំណើរការ​នៃ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​នេះ​ មាន​អត្ថន័យ​ចំនួន​បី​៖ ទី​មួយ វា​បាន​បង្កើត​ប្រវត្តិសាស្ត្រ និង​បំពេញ​ចន្លោះ​នៃ​ការ​បណ្តុះបណ្តាល​អាកាសយាន​ហាត់​ត្រាប់ ​នៅ​អាកាសចរណ៍​ស៊ី​វិល​កម្ពុជា ​។ ទី​ពីរ វា​នឹង​ជួយ​ជំរុញ​ទឹកចិត្ត​និង​សាទរ​យ៉ាង​ខ្លាំង ​របស់​បុគ្គលិក​ក្នុងស្រុក​ក្នុង​ការ​ជ្រើសរើស​ការងារ​ នៅ​វិស័យ​អាកាសចរណ៍​ស៊ី​វិល ហើយនឹង​បណ្តុះបណ្តាល​អ្នកធ្វើការ​ងារ ​អាកាសចរណ៍​ស៊ី​វិល​បន្ថែម​ទៀត ដើម្បី​អភិវឌ្ឍ​សង្គម​ប្រទេស​កម្ពុជា ក៏​នឹង​ធ្វើ​ឱ្យ​ប្រសើរ​ឡើង​យ៉ាង​ខ្លាំង​ផង​ដែរ ​នូវ​សុវត្ថិភាព​នៃ​ការ​ហោះហើរ​អាកាសចរណ៍​ស៊ី​វិល​កម្ពុជា ​។ ទី​បី គឺ​សង្ឃឹមថា​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​អាច​អភិវឌ្ឍ​ល្អ និង​ឆាប់រហ័ស ក្លាយជា​ស្តង់ដារ​នៅ​កម្ពុជា និង​សូ​ម្បី​តែ​តំបន់​អាស៊ាន និង​រួមចំណែក​កាន់តែ​ច្រើន ​ក្នុង​ការ​ស្តារ​ឡើង​វិញ​នូវ​អាកាសចរណ៍​ស៊ី​វិល​របស់​ពិភពលោក ​ក្នុង​យុគសម័យ​ក្រោយ​Covid-19​ ។ បន្ថែម​ពីលើ​នេះ ផ្អែក​តាម​បទ​ពិសោធន៍​ផ្ទាល់​របស់​ឯកឧត្តម ឯកឧត្តម​បាន​លើក​ឡើង​ពី​កង្វល់​ចំនួន​បី ​អំពី​ការ​ប្រើប្រាស់​អាកាសយាន​ហាត់​ត្រាប់ ដែល​ទី​មួយ​គឺ​លក្ខណៈសម្បត្តិ​មនុស្ស ទី​ពីរ​គឺ​ការ​ថែទាំ​ឧបករណ៍ និង​សម្ភារៈ​បរិក្ខារ និង​ទី​៣ គឺ​ការ​ការពារ​គ្រោះថ្នាក់​ពេល​ប្រើប្រាស់​ ។

​ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា​ ។

បន្ទាប់​ពី​ថ្លែង​សុន្ទរកថា ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា បាន​ចេញ​វិញ្ញាបនបត្រ​បញ្ជាក់​អាកាសយាន​ហាត់​ត្រាប់​ ធ្វើ​ចលនា​ពេញលេញ CAE1000-TSP Airbus 320 ស៊េរី​ដំបូង ជូន​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ​។ ការ​ចេញ​វិញ្ញាបនបត្រ​នេះ បង្ហាញ​ថា មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ ត្រូវ​បាន​ទទួលស្គាល់​ ជា​ផ្លូវការ​ដោយ​រដ្ឋាភិបាល​កម្ពុជា ហើយ​អាច​ធ្វើការ​បណ្តុះបណ្តាល​អាកាសយាន​ហាត់​ត្រាប់ ​សម្រាប់​អ្នក​បើក​យន្តហោះ​ ដែល​មាន​ជំនាញ​វិជ្ជាជីវៈ​អាកាសចរណ៍​ស៊ី​វិល ​។

ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា ចេញ​វិញ្ញាបនបត្រ​ជូន​ដល់​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​ ។

បន្ទាប់​មក លោក​បណ្ឌិត Li Kun ប្រធាន និង​ជានា​យក​ប្រតិបត្តិ​នៃ Lanmei Aviation Group បាន​អមដំណើរ​ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា ហើយ​បាន​ប្រារព្ធ​ពិធី​កាត់​ខ្សែបូ ដោយ​ប្រកាស​ថា​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​ត្រូវ​បាន​បើក​ជា​ផ្លូវការ​ ។

ឯកឧត្តម វ៉ាង វិ​ន​ធាន ឯកអគ្គរដ្ឋទូត នៃ​សាធារណរដ្ឋ​ប្រជាមានិត​ចិន ប្រចាំ​នៅ​កម្ពុជា​, ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា​, លោក​បណ្ឌិត Li Kun ប្រធាន​នៃ​សាកលវិទ្យាល័យ​ឡាន​ម៉េ​កម្ពុជា​កាត់​ខ្សែបូ​អោយ​មជ្ឈមណ្ឌល​ហោះហើរ​អាកាសយាន​ហាត់​ត្រាប់​អន្តរជាតិ​ ។

បន្ទាប់​មក ភ្ញៀវ​បាន​ផ្លាស់​ទៅ​បន្ទប់​ហាត់​ត្រាប់​ហោះហើរ​ សម្រាប់​ការ​ហាត់​ត្រាប់​ដំបូង ​។ របៀប​ហាត់​ត្រាប់​បែប Panoramic នៃ​អាកាសយាន​ហាត់​ត្រាប់​បាន​នាំ​ភ្ញៀវ ​ដែល​មាន​វត្តមាន​ទៅ​កាន់​បរិយាកាស​ កាប៊ី​ន​យន្តហោះ​ដ៏​អស្ចារ្យ​ ។ ក្នុងអំឡុងពេល​នៃ​ការ​ហោះហើរ​សាកល្បង ស្ថានភាព​ដែល​មិន​នឹក​ស្មាន​ដល់​ជា​ច្រើន​ ដូច​ជា​ព្រិល​ធ្លាក់ និង​ខ្យល់​បក់​បន្ត លេច​ចេញ​ជា​រូបរាង ​។ ក្រោម​ការ​គ្រប់គ្រង​ដ៏​ស្ងប់ស្ងាត់ និង​ជំនាញ​របស់​ប្រធាន​ក្រុម គ្រោះថ្នាក់​គ្រប់​ប្រភេទ​ត្រូវ​បាន​ដោះស្រាយ​ម្តង​មួយ​ៗ ​។ ដំណើរការ​ទាំងមូល​មាន​រយៈពេល​ប្រហែល ៣០ នាទី​ ។ សកម្មភាព​ហាត់​ត្រាប់​ហោះហើរ​ពិតជា​បាន​សាកល្បង ​សមត្ថភាព​ប្រតិបត្តិការ​ហោះហើរ​របស់​អ្នក​បើក​យន្តហោះ​មែន​! ៕ អត្ថបទសហការ

ឯកឧត្តម ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋលេខាធិការដ្ឋាន​អាកាស​ចរ​ស៊ី​វិល​កម្ពុជា​,​ឯកឧត្តម វ៉ាង វិ​ន​ធាន ឯកអគ្គរដ្ឋទូត នៃ​សាធារណរដ្ឋ​ប្រជាមានិត​ចិន ប្រចាំ​នៅ​កម្ពុជា​កំពុង​ប្រើប្រាស់​អាកាសយាន​ហាត់​ត្រាប់​ ។