រាជធានីភ្នំពេញ ៖ ក្រុមហ៊ុនអភិវឌ្ឍន៍លំនៅឋានបុរីភ្នំពេញថ្មី តែងតែចូលរួមជាមួយរដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធនៅតំបន់ដែលខ្លួនអភិវឌ្ឍន៍ជាក់ស្ដែង នៅក្បែរគម្រោង Rediant Park របស់បុរីភ្នំពេញ នៅបណ្ដោយផ្លូវក្រវ៉ាត់ក្រុងទី ២…
រាជធានីភ្នំពេញ ៖ ក្រុមហ៊ុនអភិវឌ្ឍន៍លំនៅឋានបុរីភ្នំពេញថ្មី តែងតែចូលរួមជាមួយរដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធនៅតំបន់ដែលខ្លួនអភិវឌ្ឍន៍ជាក់ស្ដែង នៅក្បែរគម្រោង Rediant Park របស់បុរីភ្នំពេញ នៅបណ្ដោយផ្លូវក្រវ៉ាត់ក្រុងទី ២ ក្នុងសង្កាត់ព្រៃសខណ្ឌដង្កោរាជធានីភ្នំពេញ ក្រុមហ៊ុននេះបានអភិវឌ្ឍន៍ផ្លូវមួយខ្សែប្រវែងជិត ១ គីឡូម៉ែត្រ តម្លៃជិត ១ លានដុល្លារដោយបានដាក់លូដែលមានមុខកាត់ធំដើម្បីរំដោះទឹកឱ្យលិចលង់ក្នុងតំបន់នេះ ។
អ្នកនាង ជួន សុផានី បុគ្គលិកផ្នែកលក់នៃគម្រោងបុរីភ្នំពេញថ្មី Radiant Park បានមានប្រសាសន៍ក្នុងកិច្ចសម្ភាសន៍មួយកាលពីព្រឹកថ្ងៃទី ២៣ មិថុនា ២០២២ នេះឱ្យដឹងថាគម្រោង Radiant Park នៃបុរីភ្នំពេញថ្មីតាមបណ្ដោយផ្លូវក្រវ៉ាត់ក្រុងទី២ ក្នុងសង្កាត់ព្រៃសខណ្ឌដង្កោ សាងសង់ឡើងលើផ្ទៃដី៧ហិចតា និងមានចំនួនផ្ទះ ២៩៦ ផ្ទះ និងបែងចែកជាផ្ទះពាណិជ្ជកម្ម ( Shop House ) វីឡាភ្លោះ វីឡាទោល និងវីឡាកូនកាត់ ។
អ្នកនាងបន្តថា ចាប់តាំងពីក្រុមហ៊ុនបានបើកដំណើរការលក់គម្រោងនេះជាផ្លូវការតាំងពីអំឡុងខែសីហា ២០២១ មក គិតមកដល់ពេលនេះការលក់សម្រេចបានជាង ៣០ ភាគរយហើយ ក្នុងនោះផ្ទះពាណិជ្ជកម្មដែលនៅជាប់ផ្លូវធំលក់ដាច់ជាងគេ ដោយអតិថិជនទិញសម្រាប់ធ្វើអាជីវកម្ម ។
អ្នកនាងបន្ថែមថាកត្តាដែលជំរុញឱ្យអតិថិជនគាំទ្រលើគម្រោងនេះ គឺក្រុមហ៊ុនអភិវឌ្ឍន៍ផ្ដោតលើគុណភាព សោភណ្ឌភាព ហើយទីតាំងក៏មានសក្ដានុពលសម្រាប់ការធ្វើអាជីវកម្មផងដែរ ។ ក្រៅពីនេះ ក្រុមហ៊ុនក៏បានអភិវឌ្ឍន៍ផ្លូវមួយខ្សែក្បែរគម្រោងនេះ ដើម្បីជាប្រយោជន៍ដល់ប្រជាពលរដ្ឋក្នុងតំបន់នេះនិងប្រជាពលរដ្ឋរស់នៅក្នុងបុរីភ្នំពេញថ្មីផងដែរ ។ ផ្លូវនេះក៏មានបង្កប់លូមានមុខកាត់ធំ ដើម្បីបញ្ចៀសនូវទឹកជំនន់ ទៀតផង ហើយសរុបទាំងអស់ក្រុមហ៊ុនបានចំណាយថវិកាប្រមាណ៨០ម៉ឺនដុល្លារ ដូច្នេះសបញ្ជាក់ថាក្រុមហ៊ុនបានគិតគូរដល់ការរស់នៅទាំងពលរដ្ឋក្នុងបុរី និងពលរដ្ឋជុំវិញបុរីទាំងអស់ ។
លោក ជា ស៊ីមុយ ប្រធានក្រុមផ្នែកលក់នៃបុរី ភ្នំពេញថ្មី បានឱ្យដឹងផងដែរថា បុរីភ្នំពេញថ្មី Radiant Park នេះ គឺជាគម្រោងទី ១៤ ហើយសន្ទុះនៃការលក់ទៀតសោតក៏ឃើញថាមានកំណើនគួរឱ្យកត់សម្គាល់ដែរ ចាប់តាំងពីរាជរដ្ឋាភិបាលបានប្រកាសបើកប្រទេសបើកសេដ្ឋកិច្ចឡើងវិញ ។
លោកបន្តថាស្របពេលដែលតម្លៃប្រេងសាំងឡើងថ្លៃ និងធ្វើឱ្យតម្លៃសម្ភារសំណង់មួយចំនួនបានហក់ឡើងថ្លៃដែរនោះ តែតម្លៃផ្ទះនៅក្នុងគម្រោង Radiant Park មិនឡើងថ្លៃទេ ផ្ទុយទៅវិញក្រុមហ៊ុនបែរជាបញ្ចុះតម្លៃជូនអតិថិជនរបស់ខ្លួនពី ៥០០០ ដុល្លារអាមេរិករហូតដល់៣ភាគរយនៃតម្លៃផ្ទះនីមួយៗ ។
លោក ស៊ីមុយ បញ្ជាក់ថា តំបន់ជុំវិញគម្រោង Radiant Park ជាទីតាំងមានការចាប់អារម្មណ៍ខ្លាំងពីសំណាក់វិនិយោគិនលំនៅឋាន និងប្រជាពលរដ្ឋទាំងនៅភ្នំពេញ និងពលរដ្ឋមកពីបណ្ដាខេត្ត ដែលធ្វើឱ្យគម្រោងរបស់យើងទទួលបានជោគជ័យ ។ ក្រុមហ៊ុនក៏បានគិតគូរផងដែរពីគុណភាពនៃសំណង់ ហេដ្ឋារចនាសម្ព័ន្ធ ក្នុងគម្រោង និង ជុំវិញគម្រោង គ្រប់គម្រោងទាំងអស់ ធ្វើម៉េចសម្រួលដល់ការធ្វើដំណើររបស់ប្រជាពលរដ្ឋផងដែរ ។ អតិថិជនទាំងអស់អាចមកមើលគម្រោង Radiant Park ដោយផ្ទាល់ក៏បានឬអាចទំនាក់ទំនងតាមទូរសព្ទដើម្បីសាកសួរព័ត៌មានមុនក៏បាន ។ ទំនាក់ទំនងលេខ 012933666/ 012719559/ 012260123/ 012210123 និង 092410123 ៕ ដោយសហការ
ចែករំលែកព័តមាននេះ