អបអរសាទរខួប ១៣ ឆ្នាំ របស់ធនាគារ សាខមប៊ែង ខេមបូឌា
រាជធានីភ្នំពេញ ៖ ធនាគារ សាខមប៊ែង ខេមបូឌា បានបង្កើតឡើងនៅថ្ងៃទី ២៣ ខែមិថុនា ឆ្នាំ២០០៩ ជាធនាគារមានដើមទុន…
រាជធានីភ្នំពេញ ៖ ធនាគារ សាខមប៊ែង ខេមបូឌា បានបង្កើតឡើងនៅថ្ងៃទី ២៣ ខែមិថុនា ឆ្នាំ២០០៩ ជាធនាគារមានដើមទុន ១០០% ពីបរទេសក្រោមធនាគារមេ សាខមប៊ែង វៀតណាម ជាធនាគារដំបូងរបស់វៀតណាម ដែលកំពុងដាក់ទុនវិនិយោគនៅក្នុងព្រះរាជាណាចក្រកម្ពុជា ។ អស់រយៈពេល ១៣ ឆ្នាំ នៃការបង្កើត និងអភិវឌ្ឍ ដែលមានវត្តមាននៅប្រទេសកម្ពុជា ធនាគារ សាខមប៊ែង ខេមបូឌា កាន់តែបញ្ជាក់ពីតម្លៃ និងជំហរយ៉ាងរឹងមាំរបស់ខ្លួនជាធនាគារលក់រាយ ស្វាហាប់ ទទួលជោគជ័យនៅក្នុងប្រទេសកម្ពុជា ។ គិតមកទល់បច្ចុប្បន្ន ធនាគារ សាខមប៊ែង ខេមបូឌា មានបុគ្គលិកជិត ៣០០ នាក់ បានពង្រីកបណ្តាញប្រតិបត្តិជាមួយការិយាល័យកណ្តាលចំនួន ១ និងសាខាចំនួន ៩ បម្រើជូនអតិថិជនសរុបជាង ២១,០០០ នាក់ក្នុងប្រទេសកម្ពុជា ។
ក្នុងរយៈពេលប៉ុន្មានឆ្នាំមកនេះ ធនាគារ សាខមប៊ែង ខេមបូឌា បានផ្តល់ជូនផលិតផល និងសេវាកម្មយ៉ាងសម្បូរបែប សមស្របជាមួយនឹងតម្រូវការរបស់អតិថិជនគ្រប់ប្រភេទ ។ ក្នុងនោះផលិតផលប្រាក់បញ្ជើជាមួយនឹងអត្រាការប្រាក់ខ្ពស់ និងភាពបត់បែនក្នុងជម្រើសទទួលយកការប្រាក់ ដូចជាប្រាក់បញ្ញើមានកាលកំណត់បត់បែន ប្រាក់បញ្ញើទទួលបានការប្រាក់កើនតាមលំដាប់ ។ល។ ឥណទានផ្តល់កម្ចីមួយចំនួន ក៏ទទួលបានការនិយមពេញចិត្តពីអតិថិជនជាច្រើន ដូចជាឥណទានអាជីវកម្ម ឥណទានសម្រាប់ប្រើប្រាស់ ឥណទានគេហដ្ឋាន ឥណទានទិញរថយន្ត និងឥណទានតាមផ្សារ រួមជាមួយផលិតផលផ្តល់កម្ចីផ្សេងៗជាច្រើនទៀត បានបំពេញតម្រូវការហិរញ្ញវត្ថុចម្រុះរបស់អតិថិជន ។ មិនត្រឹមតែប៉ុណ្ណោះធនាគារ សាខមប៊ែង ខេមបូឌា បានផ្តល់សេវាកម្មប្រកបដោយទំនុកចិត្ត ជាពិសេសនោះគឺ សេវាផ្ទេរប្រាក់រហ័សបំផុត បានក្លាយជាជម្រើសដ៏ឆ្លាតវៃរបស់អតិថិជន សម្រាប់ការផ្ទេរប្រាក់ទៅក្នុង និងក្រៅប្រទេស ។
ជាមួយនឹងគោលដៅយុទ្ធសាស្ត្រ នៃការធ្វើឌីជីថលនីយកម្មរបស់ធនាគារ សាខមប៊ែង ខេមបូឌា បានដាក់ឱ្យដំណើរការ សេវាធនាគារចល័ត (Mobile Banking), សេវាធនាគារតាមអ៉ីនធើណែត (Internet Banking), ម៉ាស៊ីន ATM, ម៉ាស៊ីនឆូតកាត POS ។ល។ បន្តវិនិយោគលើបច្ចេកវិទ្យា ក្នុងការគ្រប់គ្រង និងប្រតិបត្តិការរបស់ធនាគារ ជាបន្តបន្ទាប់ ។ ធនាគារ សាខមប៊ែង ខេមបូឌា បានបង្កើតឱ្យមានប្រូម៉ូសិនបញ្ញើប្រាក់រៀល ជាមួយការប្រាក់ខ្ពស់ កម្មវិធីទូទាត់វិក្កយបត្រថ្លៃភ្លើង ទទួលបានប្រាក់ ១ ដុល្លារ ការផ្តល់ជូនពិសេស ពីប័ណ្ណឥណទានវីសាសម្រាប់ម្ចាស់ប័ណ្ណថ្មី នេះក៏ជាការសន្យាដ៏មុតមាំ «អភិវឌ្ឍឆ្ពោះទៅមុខទាំងអស់គ្នា» របស់ធនាគារ សាខមប៊ែង ខេមបូឌា ទៅកាន់អតិថិជនរបស់ខ្លួនផងដែរ ។
ក្នុងដំណាក់កាលដ៏លំបាក ដែលបណ្តាលមកពីជំងឺកូវីដ ១៩ ធនាគារ សាខមប៊ែង ខេមបូឌា បានមានសកម្មភាពឆ្លើយតបយ៉ាងទាន់ពេលវេលា ដោយបានផ្តល់នូវដំណោះស្រាយហិរញ្ញវត្ថុជាច្រើន ជួយសម្រាលទុក្ខលំបាកដែលអតិថិជន កំពុងប្រឈមដូចជាការចរចាការប្រាក់ ការរៀបចំឡើងវិញនូវឯកសារឥណទាន ការសកម្មចូលរួមឧបត្ថម្ភផ្តល់ជំនួយជូនសហគមន៍ ដើម្បីរំលែកក្តីទុក្ខលំបាកជូនប្រជាជន ក្នុងគ្រាមួយនេះ ។ ក្នុងរយៈពេល ១៣ ឆ្នាំនៃការបង្កើត និងអភិវឌ្ឍន៍ ធនាគារ សាខមប៊ែង ខេមបូឌា បានកសាងក្រុមបុគ្គលិកវ័យក្មេង ស្វាហាប់ ពោរពេញដោយបញ្ញាស្មារតីទំនួលខុសត្រូវខ្ពស់ បម្រើអតិថិជន ប្រកបដោយការយកចិត្តទុកដាក់ និងទទួលបានការស្រឡាញ់ពេញចិត្តពីអតិថិជន និងបានណែនាំអតិថិជនផ្សេងៗ មានសក្តានុពលមកធ្វើប្រតិបត្តិការជាមួយធនាគារ ។
ឈរលើមូលដ្ឋាន ដែលសម្រេចបានជាក់ស្តែង ឆ្នាំ ២០២២ ជាមួយនឹងឱកាស និងបញ្ហាប្រឈមជាច្រើន បុគ្គលិករបស់ធនាគារ សាខមប៊ែង ខេមបូឌា បន្តប្តេជ្ញាចិត្តខិតខំប្រឹងប្រែងធ្វើឱ្យធនាគារ សាខមប៊ែង ខេមបូឌា ក្លាយជាធនាគារលក់រាយពហុមុខងារ ទំនើបទាន់សម័យ នៅទីផ្សារកម្ពុជា ការរៀបចំប្រព័ន្ធគ្រប់គ្រងកាន់តែខ្លាំង និងរឹងមាំ បន្តជម្រុញសកម្មភាពអាជីវកម្ម ដើម្បីនាំមកនូវតម្លៃវិជ្ជមាន លើកកម្ពស់អត្ថប្រយោជន៍ ជូនអតិថិជន ដៃគូអាជីវកម្ម និងបុគ្គលិកគ្រប់ជាន់ថ្នាក់របស់ធនាគារ សាខមប៊ែង ខេមបូឌា ។
ក្នុងឱកាសគម្រប់ខួប ១៣ ឆ្នាំ នៃការបង្កើតធនាគារ សាខមប៊ែង ខេមបូឌា (ថ្ងៃទី ២៣ មិថុនា ឆ្នាំ២០០៩ – ថ្ងៃទី ២៣ មិថុនា ឆ្នាំ ២០២២) ធនាគារ សាខមប៊ែង ខេមបូឌា សូមថ្លែងអំណរគុណយ៉ាងជ្រាលជ្រៅ ចំពោះធនាគារជាតិនៃកម្ពុជា បណ្តាគ្រឺះស្ថាន អតិថិជន និងដៃគូអាជីវកម្មទាំងឡាយ ដែលតែងតែជឿជាក់ និងរួមដំណើរជារៀងរហូតមកជាមួយធនាគារ សាខមប៊ែង ខេមបូឌា ដើម្បី «អភិវឌ្ឍឆ្ពោះទៅមុខទាំងអស់គ្នា» អស់រយៈពេល ១៣ ឆ្នាំ កន្លងមកនៅលើទឹកដីសុវណ្ណភូមិ ដ៏ស្រស់ស្អាតមួយនេះ ៕ ដោយសហការ
ចែករំលែកព័តមាននេះ