រាជធានីភ្នំពេញ ៖ ថ្មីៗនេះផ្ទុះកាតវ៉ាពីសំណាក់កម្មករ ដែលធ្វើការឱ្យគម្រោងក្រុងរណប Poipet Satellite City របស់អ្នកឧកញ៉ា ឡេង ណាវ៉ាត្រា…
រាជធានីភ្នំពេញ ៖ ថ្មីៗនេះផ្ទុះកាតវ៉ាពីសំណាក់កម្មករ ដែលធ្វើការឱ្យគម្រោងក្រុងរណប Poipet Satellite City របស់អ្នកឧកញ៉ា ឡេង ណាវ៉ាត្រា ថាមិនបានបើកលុយយឱ្យកម្មករ ។ បន្ទាប់ពីទទួលដំណឹងនេះភ្លាម អ្នកគ្រប់គ្រងនៅគម្រោងក្រុងរណបរបស់អ្នកឧកញ៉ា បានស្វែរកតាមឃាត់ខ្លួនម្ចាស់ក្រុមហ៊ុន KMB (ខេអឹមប៊ី) ដែលជាអ្នកម៉ៅការសាងសង់ ដើម្បីមកបើកលុយអោយកម្មករជាកំហិតនៅម៉ោង 11:30 នាទី ថ្ងៃទី ១៤ ខែមិថុនា នេះតែម្ដង ។
សូមបញ្ជាក់ផងដែថា គម្រៀងសាងសង់ក្រុងរណបរបស់អ្នកឧកញ៉ាដែលមានផ្ទៃដីទំហំរហូតជិត 4000 (បួនពាន់) ហិកតានោះ បានម៉ៅការទៅអោយក្រុមហ៊ុន KMB សាងសង់អាគាពាណិជ្ជកម្មគ្រោង 30 អាគារ មានដូចជា ៖ កាស៊ីណូ ហូតែល រីសត ខុនដូ និងអាគាពាណិជ្ជកម្មជាច្រើនទៀត ។ ដោយឡែកកាលថ្ងៃទី 12 ខែមិថុនា ឆ្នាំ 2021 ពេលម៉ោង ៦ ល្ងាច បានផ្ទុះការតវ៉ាមានសំឡេងស្រែកអោយអ្នកឧកញ៉ាជួយបើកលុយអោយកម្មករ ទើបព្រឹកនេះអ្នកគ្រប់គ្រងគម្រោងបានបញ្ជាក់មកថា ប៉េអឹមបានឃាត់ខ្លួនម្ចាស់ក្រុមហ៊ុន (KMB) តាំងពីល្ងាចម្សិលមិញ ដើម្បីបើកលុយអោយកម្មករក្នុងថ្ងៃនេះជាកំហិត ព្រោះក្រុមហ៊ុនម៉ៅការនេះ បំពានកិច្ចសន្យា និងធ្វើអោយប៉ះពាល់កិត្តិយស ដល់គម្រោងអ្នកឧកញ៉ា ឡេង ណាវ៉ាត្រា ៕ ដោយសហការ
ចែករំលែកព័តមាននេះ