ធនាគារជាតិនៃកម្ពុជា រៀបចំការប្រឡងវគ្គសិក្សា NBC-FSI Connect លើកទី ៣៦
រាជធានីភ្នំពេញ ៖ ការប្រឡងវគ្គសិក្សា NBC-FSI Connect ដែលរៀបចំដោយធនាគារជាតិនៃកម្ពុជា សម្រាប់លើកទី ៣៦ ដែលមានបេក្ខជនចូលរួមប្រឡងចំនួន ៧៦…
រាជធានីភ្នំពេញ ៖ ការប្រឡងវគ្គសិក្សា NBC-FSI Connect ដែលរៀបចំដោយធនាគារជាតិនៃកម្ពុជា សម្រាប់លើកទី ៣៦ ដែលមានបេក្ខជនចូលរួមប្រឡងចំនួន ៧៦ រូប ។
ការប្រឡងវគ្គសិក្សា NBC-FSI Connect លើកទី ៣៦ នេះបានប្រារព្ធធ្វើជាផ្លូវការ ថ្ងៃទី ៨ ខែមិថុនា ឆ្នាំ ២០២១ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា ។
សូមបញ្ជាក់ឱ្យដឹងថា ៖ «វគ្គសិក្សា NBC-FSI Connect នេះ គឺជាវគ្គបណ្តុះបណ្តាលមួយតាមប្រព័ន្ធអនឡាញរបស់វិទ្យាស្ថានស្ថិរភាពហិរញ្ញវត្ថុអន្តរជាតិនៃធនាគារសម្រាប់ការទូទាត់អន្តរជាតិហៅ កាត់ថា (BIS) ដែលជាផ្នែកនៃកម្មវិធីអភិវឌ្ឍន៍សមត្ថភាពធនធានមនុស្ស ក្នុងផ្នែកត្រួតពិនិត្យធនាគារ។ ហើយវគ្គនេះបានរៀបចំជាការផ្តួចផ្តើមរៀបចំឡើងក្នុងឆ្នាំ ២០១៥ ដោយឯកឧត្តម ជា ចាន់តូ ទេសា ភិបាលធនាគារជាតិនៃកម្ពុជា សម្រាប់បណ្ដុះបណ្ដាលមន្ត្រី-បុគ្គលិកធនាគារជាតិនៃកម្ពុជា ក្នុងគោលបំណងធ្វើឯកទេសកម្មផ្នែកត្រួតពិនិត្យធនាគារ ដើម្បីឆ្លើយតបទៅតាមការប្រែប្រួល នៃនិម្មាបនកម្មហិរញ្ញវត្ថុ និងនិយាមអន្តរជាតិ និងសម័យកាលរីកចម្រើននៃប្រព័ន្ធធនាគារនាពេលបច្ចុប្បន្ន» ។
តាមការបញ្ជាក់ពីមន្ត្រីទទួលបន្ទុកបណ្ដុះបណ្ដាលរបស់ធនាគារជាតិនៃកម្ពុជា បានឲ្យដឹងថា គិតមកដល់បច្ចុប្បន្ន មានមន្ត្រី-បុគ្គលិធនាគារជាតិនៃកម្ពុជាចំនួន ៣០៣ រូបហើយបានចូលរួមវគ្គសិក្សា NBC-FSI Connect តាមរយៈការប្រឡងជាផ្លូវការចំនួន ៣៥ លើកកន្លងមកនេះ ។ តាមការវាយតម្លៃក្នុងវគ្គនីមួយៗមន្ត្រី បុគ្គលិកជាសិក្ខាកាមបានខិតខំសិក្សាយ៉ាងសកម្ម ហើយក្នុងសប្តាហ៍ទី ២ ខែកុម្ភៈ ឆ្នាំ ២០២១ កន្លងទៅនេះមានបេក្ខជនចំនួន ៧៦ រូប បានដាក់ពាក្យសុំប្រឡងផ្លូវការចំពោះមុខគណៈកម្មការគ្រប់គ្រងប្រឡង រួមមានកម្រិតខ្ពស់ចំនួន ១៩ រូប កម្រិតមធ្យមចំនួន ៣០ រូប និងកម្រិតបឋមចំនួន ២៧ រូប ។
ប៉ុន្តែសម្រាប់ការប្រឡងលើកទី ៣៦ អ្វីដែលជាកត់សម្គាល់នោះគណៈកម្មការគ្រប់គ្រងការប្រឡង បានរៀបចំបានបែងចែកបេក្ខជនទាំង ៧៦ រូប ដែលបានចូលរួម ប្រឡងជា ២ វេន ដើម្បីរក្សាគម្លាតសុវត្ថិភាពសង្គម តាមការណែនាំរបស់ក្រសួងសុខាភិបាល ដើម្បីការពារកូវីដ ១៩ ក្នុងនោះសម្រាប់ការប្រឡងពេលព្រឹក មាន ៤០ រូប និងពេលរសៀល ៣៦ រូប ៕ ដោយសហការ
ចែករំលែកព័តមាននេះ