រាជធានីភ្នំពេញ ៖ ក្រុមហ៊ុន MG Cambodia ជាយីហោរបស់ប្រទេសអង់គ្លេសដែលកំពុងបន្តគ្របដណ្តប់លើទីផ្សាររថយន្តប្រភេទ SUVនៅកម្ពុជាជាមួយនឹងតម្លៃយ៉ាងសមរម្យ ជាពិសេសនោះគឺវាមានការសន្សំសំចៃខ្ពស់និងការជួយបរិស្ថានដោយវាប្រើជាប្រភេទម៉ាស៊ីនសាំង ហើយរថយន្តប្រភេទ SUVរបស់ពួកគេគឺកំពុងពេញនិយមយ៉ាងខ្លាំងនៅលើទីផ្សារប្រទេសកម្ពុជានាពេលបច្ចុប្បន្ន។ ក្រុមហ៊ុនMGទទួលបានជោគជ័យជាមួយនឹងរថយន្តប្រភេទ SUVរបស់ពួកគេគឺរថយន្ត MG RX5 និង MG HS។ រថយន្តប្រភេទ SUVរបស់ពួកគេបានភ្ជាប់មកជាមួយនូវលក្ខណៈពិសេសជាច្រើន ហើយ MGក៏ជារថយន្តដែលមានភាពទាក់ទាញដល់មនុស្សគ្រប់ជំនាន់ផងដែរ។
រថយន្ត SUVរបស់គេគឺពិតជាមានការពេញនិយមជាខ្លាំងសម្រាប់ម៉ូឌែល MG RX5 ដែលបានលក់ចេញឈានដល់ជិត400គ្រឿងហើយចាប់តាំងពីម៉ូឌែលនេះត្រូវបានដាក់លក់ជាផ្លូវការនៅក្នុងប្រទេសកម្ពុជា។ តម្លៃរបស់រថយន្ត MG RX5 គឺ $38,000 ហើយមានការថែមជូនដូចជា: អូតូឃ្លុបក្រោយ និងការធានារយៈពេល៣ឆ្នាំ ឬ 100,000Kmផងដែរ។ ការរចនាដ៏គួរឱ្យកត់សំគាល់របស់ MG RX5 គឺផ្តល់ជូននូវផ្នែកខាងក្រៅយ៉ាងប្រណីតនិងមានភាពធំទូលាយល្អសម្រាប់ផ្នែកខាងក្នុង។ រថយន្ត MG RX5 គឺជាប្រភេទរថយន្ត SUV ដែលមានភាពទាក់ទាញបំផុតនៅក្នុងជួរមុខរបស់វា, ជាមួយនឹងការរចនាម៉ូដបែបឆើតឆាយវាមើលទៅពិតជាអស្ចារ្យសម្រាប់ការប្រើប្រាស់ទាំងក្នុងទីក្រុងនិងតាមបណ្តាខេត្ត។
រថយន្តប្រភេទ SUV នេះមានបំពាក់ជាមួយនឹងដំបូលបើកបែប panoramic sunroofយ៉ាងធំជាងគេនៅក្នុងថ្នាក់ជួររបស់រថយន្ត SUV ហើយវាក៏ជារថយន្តប្រភេទ SUV ដែលបំពាក់ដោយអំពូល LED ដែលធ្វើឱ្យរាល់ការបើកបរឬធ្វើដំណើររបស់អ្នកពិតជាមានប្រណីតភាព។ រថយន្ត MG RX5 ដែលបានរចនាជាមួយបច្ចេកវិទ្យាថ្មីទំបើប រួមនឹងបទពិសោធថ្មីដ៏ឆ្លាតវៃពិតជាគួរឱ្យចាប់អារម្មណ៏សម្រាប់ការប្រើប្រាស់លក្ខណៈគ្រួសារ ហើយវាក៏ទទួលបានការពេញនិយមជាខ្លាំងនៅលើទីផ្សារក្នុងជួរមុខនៃរថយន្តប្រភេទ SUV ផងដែរ។ MG RX5 នឹងក្លាយជាជំរើសដ៏ល្អបំផុតរបស់អ្នកជាមួយអេក្រង់កំសាន្តទំហំ៨អ៊ីញ និងផ្នែកខាងក្នុងបំពាក់ដោយពូកស្បែកយ៉ាងល្អប្រណីតដែលអនុញ្ញត្តិអោយអ្នកអាចរីករាយនិងបន្ធូរអារម្មណ៍យ៉ាងពេញចិត្ត។
MG HS ក៏ជារថយន្តប្រភេទ SUV ដែលមានការលក់ដ៏អស្ចារ្យផងដែរ ហើយម៉ូឌែលនេះត្រូវបានរចនាឡើងបែបស្ព័រយ៉ាងល្អឥតខ្ចោះសម្រាប់សហគ្រិនវ័យក្មេងនិងការប្រើប្រាស់ជាលក្ខណៈគ្រួសារ។ MG HS ភ្ជាប់មកជាមួយការរចនាបែបបទនៃសិល្បៈដ៏អស្ចារ្យយ៉ាងទាក់ទាញ ដោយពោរពេញទៅដោយគំនិតច្នៃប្រឌិតខ្ពស់ធ្វើអោយរថយន្តនេះពិតជាសិចស៊ី ដែលបានទាក់ទាញក្រសែភ្នែកមនុស្សជាច្រើនបានលង់ស្នេហ៍នឹងវានៅពេលមើលឃើញតាំងពីដំបូង។ ជាមួយនឹងរូបរាងដ៏ស្រស់ស្អាតនិងភាពធំទូលាយ ហើយមានលក្ខណៈពិសេសដូចជា: ដំបូលលើបើកបែប panoramic sunroofដ៏ធំ, អេក្រង់កំសាន្តទំហំ១០.១អ៊ីញភ្លឺច្បាស់ត្រជាក់ភ្នែកដែលបង្ហាញពីបំណងប្រាថ្នារបស់អ្នកប្រើប្រាស់។ រថយន្ត MG HS ផ្តល់ជូនអ្នកប្រើប្រាស់នូវជម្រើសដ៏អស្ចារ្យនិងមានគុណភាពខ្ពស់ ជាមួយនឹងការឌីស្សាញផ្នែកខាងក្រៅបែបស្ព៏រ និងផ្នែកខាងក្នុងពូកស្បែកទន់យ៉ាងប្រណីត។ ដោយរួមបញ្ចូលគ្នារវាងគុណភាពខ្ពស់ជាមួយនឹងការរក្សាតម្លៃឱ្យបានល្អរថយន្ត MG HS បង្កើតនូវនិយមន័យថ្មីនៃប្រណីតភាពរថយន្តដែលមានតម្លៃសមរម្យសម្រាប់អ្នកចង់ទិញរថយន្តថ្មីនៅប្រទេសកម្ពុជាក្នុងតម្លៃត្រឹមតែ $40,990 ប៉ុណ្ណោះ។
បើនិយាយពីការភាពអស្ចារ្យវិញរថយន្ត MG ឆ្ពោះទៅរកភាពជឿនលឿន និងការសន្សំសំចៃខ្ពស់ ជាមួយនឹងការបំពាក់ដោយម៉ាស៊ីនតូចសម្រាប់ការសន្សំសំចៃប្រេងឥន្ធនៈ រួមដោយការបន្ថែមនូវតួបូសម្រាប់ការបង្កៀនល្បឿននិងសំទុះ។ មនុស្សជាច្រើនកំពុងតែជ្រើសរើសយករថយន្ត MG ជាដៃគូរសម្រាប់ការបើកបររបស់ពួកគេពីព្រោះរថយន្តម៉ាក MG ផ្តល់ជូនអ្នកនូវរថយន្តដែលមានដំណើរការល្អ, បច្ចេកវិទ្យាថ្មីទំនើប, ភាពប្រណីត, តម្លៃសមរម្យ និងមុខងារប្រើប្រាស់សន្សំសំចៃទៀតផង។ ការរីកចម្រើននៃការលក់រថយន្ត MG និងការបង្កើនចរាចរណ៍រថយន្តMGនៅលើដងផ្លូវ បានទាក់ទាញមនុស្សកាន់តែច្រើនឱ្យជ្រើសរើសយករថយន្ត MG។ បច្ចុប្បន្ននេះក្រុមហ៊ុនMG Cambodiaមានដៃគូរសហការជាមួយក្រុមហ៊ុនល្បីៗដែលមានប្រជាប្រិយភាពក្នុងប្រទេសកម្ពុជាដូចជា: ក្រុមហ៊ុន Cellcard, បូរីប៉េង ហួត និងធនាគារ CIMB ហើយចំនួននៃភាពជាដៃគូរនេះបានអភិវឌ្ឍបណ្តាញផ្សព្វផ្សាយជាច្រើនដើម្បីបង្កើនការលក់និងជម្រុញអោយមនុស្សជាច្រើនកាន់តែស្គាល់ពីយីហោរបស់ពួកគេ ហើយវាក៏បានធ្វើអោយរថយន្ត MG ឈានដល់ការលក់យ៉ាងអស្ចារ្យនៃរថយន្តប្រភេទ SUV ផងដែរ៕ ដោយសហការ
ចែករំលែកព័តមាននេះ