តារាជើងចាស់របស់ទូរទស្សន៍ចិន TVB លោក Elton Loo Kwan Chor ដែលត្រូវបានគេបញ្ជូនទៅកាន់មន្ទីរពេទ្យដោយសារបញ្ហាខ្សោយបេះដូងនោះបានទទួលមរណភាព កាលពីម៉ោង៦និង៣៨នាទី បន្ទាប់ពីបានសំរាកព្យាបាលក្នុងមន្ទីរពេទ្យមួយម៉ោង ។ តារាវ័យ៥១ឆ្នាំរូបនេះ ធ្វើទុក្ខនៅព្រឹកថ្ងៃទី១២ វិច្ឆិកា និងត្រូវបានដឹកបញ្ចូលទៅមន្ទីរពេទ្យភ្លាមៗ ។ បញ្ហាសុខភាពរបស់លោកកាន់តែធ្ងន់ធ្ងរហើយនៅថ្ងៃបន្ទាប់ត្រូវបញ្ជូនទៅបន្ទប់់សង្គ្រោះបន្ទាន់។ គ្រូពេទ្យបានរកឃើញថា បញ្ហាបេះដូងរបស់លោកកើតឡើងដោយសារជំងឺទឹកនោមផ្អែម។
មិត្តភក្តិស្និទ្ធស្នាលគឺលោក Shui Kin Heng បានប្រកាសពីការស្លាប់របស់លោក Elton Loo Kwan Chor ទៅកាន់អ្នកសារព័ត៌មានថា លោក Loo អរគុណចំពោះវត្តមានអ្នកដែលបានមកមើលគាត់រាប់ទាំងមិត្តភក្តិល្អរបស់គាត់មុនពេលគាត់លាចាកលោកនេះ ។ គាត់បានស្លាប់ដោយស្ងប់ស្ងាត់និងគ្មានពាក្យអ្វីទៀតទេ ។ លោកបានបំរើវិស័យសិល្បៈអស់រយៈពេលជាង៣០ឆ្នាំ ហើយគាត់ទទួលបានការគាំទ្រខ្លាំងតាមរយៈតួសម្តែងឈ្មោះ Benjai ក្នុងរឿងទីក្រុងហុងកុង៨១ និងកម្មវិធីទូរទស្សន៍ដែលមានឈ្មោះថាកម្មវិធី Enjoy Yourself Tonight ។ គាត់ធ្លាក់ខ្លួនឈឺដោយសារជំងឺទឹកនោមផ្អែមកំរិត១ និងបញ្ហាសុខភាពរបស់គាត់កាន់តែទ្រុឌទ្រោមទៅៗជារៀងរាល់ឆ្នាំ។ កាលពីឆ្នាំមុនគាត់បានទទួលការវះកាត់ម្តងលើជើងឆ្វេង តែគាត់នៅតែបន្តការងារដោយពន្យារពេលកិច្ចសន្យាជាមួយក្រុមហ៊ុនទូរទស្សន៍និងបន្តកម្មវិធីរបស់គាត់ដដែល៕
ចែករំលែកព័តមាននេះ