ប្រទេសអង់គ្លេស ៖ រដ្ឋមន្ត្រីការពារប្រទេសអង់គ្លេស រាយការណ៍នាថ្ងៃទី៤មករាថា កងម៉ារីនអង់គ្លេសនឹងអមការពារបណ្ដានាវាពាណិជ្ជកម្មដែលដោតទង់ជាតិអង់គ្លេស បើកឆ្លងកាត់ច្រកសមុទ្រORMUZ មកពីមានការកើនឡើងនៃភាពតានតឹង រវាងអ៊ីរ៉ង់និងសហរដ្ឋអាមេរិក។
រដ្ឋមន្ត្រីរូបនេះលោកBEN WALLACEគូសបញ្ជាក់ថា នាវាចម្បាំង២គ្រឿងគឹនាវាហ្វ្រេហ្គេតHMS MONTROSEនិងនាវាពិឃាតHMS DEFENDER នឹងអមការពារ បណ្ដានាវាពាណិជ្ជកម្ម ដោតទង់ជាតិអង់គ្លេស ដែលបើកឆ្លងកាត់ច្រកសមុទ្រយុទ្ធសាស្ត្រនេះ សម្រាប់ពាណិជ្ជកម្មប្រេងកាតពិភពលោក។
លោកបញ្ជាក់ថាខ្ញុំបានបញ្ជាដល់នាវាចម្បាំងទាំង២គ្រឿងនេះឲ្យការពារបណ្ដានាវា នៃកងម៉ារីនពាណិជ្ជកម្មអង់គ្លេស។ រដ្ឋាភិបាលនឹងចាត់រាល់វិធានការចាំបាច់ ដើម្បីការពារបណ្ដានាវារបស់យើងនិងជនជាតិយើង៕ (កែសម្រួលដោយ ៖ បុប្ផា)
ចែករំលែកព័តមាននេះ