ក្រុមហ៊ុន ខេ អេច លែន តាំងបង្ហាញសក្ដានុពលនៃគម្រោងក្រុងថ្មី ដីមាស សម្រោងលើ
- ភ្នំពេញ
ខេត្តកណ្ដាល ៖ ក្រុមហ៊ុន ខេ អេច លែន (KH LAND) បានរៀបចំធ្វើកម្មវិធីតាំងបង្ហាញ «សក្ដានុពលនៃគម្រោងក្រុងថ្មី…
ខេត្តកណ្ដាល ៖ ក្រុមហ៊ុន ខេ អេច លែន (KH LAND) បានរៀបចំធ្វើកម្មវិធីតាំងបង្ហាញ «សក្ដានុពលនៃគម្រោងក្រុងថ្មី…
ខេត្តកណ្ដាល ៖ ក្រុមហ៊ុន ខេ អេច លែន (KH LAND) បានរៀបចំធ្វើកម្មវិធីតាំងបង្ហាញ «សក្ដានុពលនៃគម្រោងក្រុងថ្មី ដីមាស សម្រោងលើ» ជូនដល់អតិថិជន និងសាធារណជនទាំងអស់ឲ្យជ្រាប ព្រមទាំងបង្ហាញនូវការចាប់អារម្មណ៍ពីគម្រោងជាច្រើនដែលក្រុមកំពុងធ្វើការអភិវឌ្ឍន៍លើផ្ទៃដីទំហំ៥០ហិចតា ប្រកបដោយចក្ខុវិស័យច្បាស់លាស់ និងទីតាំងរបស់គម្រោង គឺហ៊ុមព័ទ្ធទៅដោយឧស្សាហកម្មធំៗ ហើយក៏ជាតំបន់ត្រីកោណសេដ្ឋកិច្ចពិសេសថែមទៀតផង។
ពិធីតាំងបង្ហាញសក្ដានុពលនៃគម្រោងក្រុងថ្មី ដីមាស សម្រោងលើ បានប្រព្រឹត្តទៅរយៈពេល ២ ថ្ងៃពេញ គិតចាប់ពីថ្ងៃទី ២៨-២៩ ខែធ្នូ ឆ្នាំ២០១៩ នៅលើទីតាំងគម្រោងក្រុងថ្មីដីមាស សម្រោងលើ ស្ថិនៅក្នុងភូមិកោះគ្របបាយ និងភូមិត្រពាំងទន្លាប់ ឃុំសំរោងលើ ស្រុកអង្គស្នួល ខេត្តកណ្ដាល ក្រោមអធិបតីភាពលោក ថុន បូរ៉ា អគ្គនាយកក្រុមហ៊ុន ខេ អេច លែន (KH LAND) និងលោក ម៉ឹក ចិន្ដា ស្ថាបនិកគេហទំព័រ RealEstate.com.kh លោកមេឃុំសំរោងលើ ព្រមទាំងដៃគូវិនិយោគ វាក្មិនកិត្តយស បុគ្គលិកគ្រប់ជាន់ថ្នាក់របស់ក្រុមហ៊ុន និងភ្ញៀវកិត្តិយសជាច្រើនរូបទៀត។
លោក ថុន បូរ៉ា អគ្គនាយកក្រុមហ៊ុន ខេ អេច លែន (KH LAND) បានមានប្រសាសន៍ថា ចំពោះការវិនិយោគនេះ បានបោះទុនរាប់សិបលានដុល្លារដែរ គឺច្រើន ដោយសារតែគម្រោងធំលើទំហំដីរហូតដល់៥០ហិចតា ដែលមានអាជីវកម្មជាច្រើន រីឯតម្លៃដីឡូតិ៍វិញ គឺមានតម្លៃល្អសមរម្យសម្រាប់អតិថិជនគ្រប់ស្រទាប់វណ្ណៈ ព្រោះតម្លៃដីឡូតិ៍ គឺមានចាប់ពីតម្លៃ ៨៩០០ដុល្លារ, ៩៩០០ដុល្លារ ទៅ១២៥០០ដុល្លារក្នុង១ឡូតិ៍ៗ ។
លោកអគ្គនាយកបានមានប្រសាសន៍ឲ្យដឹងអំពីមូលហេតុនៃការសម្រេចចិត្តជ្រើសរើសយកតំបន់ខាងលើ ដើម្បីធ្វើការអភិវឌ្ឍន៍ នោះគឺដោយសារតែក្រុមហ៊ុនបានសិក្សាច្រើនឆ្នាំមកហើយ និងមើលឃើញថា តំបន់នេះស្ថិតនៅក្នុងមុំត្រីកោណសេដ្ឋកិច្ច៣ គឺផ្លូវជាតិលេខ៤ ផ្លូវជាតិលេខ៥១ និងផ្លូវល្បឿនលឿន៦០ម៉ែត្រ ព្រមទាំងគម្រោងផ្លូវរដ្ឋទំហំ២០ម៉ែត្រ ៣០ម៉ែត្រនិង៤៥ម៉ែត្រផងដែរ។
មិនត្រឹមតែប៉ុណ្ណោះកន្លែងនេះ គឺជាទីតាំងមួយដែលត្រៀម និងកាត់ចេញពីខេត្តកណ្ដាលចូលរាជធានីភ្នំពេញក្នុងពេលឆាប់ៗខាងមុខ ហើយសំខាន់ទៀតនោះ ចំពោះគោលដៅរបស់ក្រុមហ៊ុន គឺបើអតិថិជនចំណូលទាបគាត់អាចទិញក្នុងតម្លៃធូរថ្លៃ រីឯអ្នកចំណូលមធ្យមគាត់អាចទិញតម្លៃខ្ពស់ល្មម ឬអាចចាប់យក២ ឬ៣ឡូតិ៍បាន ប៉ុន្តែបើអតិថិជនដែលមានចំណូលខ្ពស់ក៏គាត់អាចទិញបានដែរ ព្រោះពួកគាត់អាចវិនិយោគរហូតដល់១០ទៅ ២០ ឬ៣០ឡូតិ៍ក៏មានដែរ ។
ជាក់ស្ដែងមានទាំងអភិជន ឯកឧត្តមលោកជំទាវ លោកឧកញ៉ា ក៏បានទិញនៅក្នុងគម្រោងនេះដែរ ព្រោះតែក្រុមហ៊ុនបានផ្ដល់ឱកាសនិងផលចំណេញជូនពួកគាត់។
លោកអគ្គនាយកបានបន្តថា ចំពោះអតិថិជនដែលទិញដីឡូតិ៍ពីក្រុមហ៊ុនខេ អេច លែន (KH LAND) ៖
ទី១ – ពួកគាត់អាចសាងសង់លំនៅដ្ឋានបែបផ្ទះទំនើប,
ទី២- ពួកគាត់អាចប្រកបរបរអាជីវកម្មបាន ព្រោះនៅក្នុងគម្រោងក៏មានអាជីវកម្មនៅទីនេះដែរ,
ទី៣ -ពួកគាត់អាចទិញទុក ដើម្បីលក់ចេញយកចំណេញដែរនៅពេលដីឡើងថ្លៃ ដោយសារតែការអភិវឌ្ឍន៍របស់ក្រុមហ៊ុនពីមួយថ្ងៃទៅមួយថ្ងៃ ពីមួយខែទៅមួយខែឡើងជាថ្នាក់ៗរហូត ។
លោក ថុន បូរ៉ា អគ្គនាយកក្រុមហ៊ុន ខេ អេច លែន បានបន្តថា ជាងនេះទៀត តម្លៃដីនៅក្នុងក្នុងឡូតិ៍នេះ មានការកើនឡើងរហូត ហើយសូម្បីតែដីនៅជុំវិញគម្រោងនេះ ក៏មានការកើនឡើងនៃតម្លៃឡើងទ្វេដងដែរ។ នៅក្នុងគម្រោងក្រុងថ្មីដីមាស សម្រោងលើនេះទៀត សោតគឺក្រុមហ៊ុនមានការបែងចែកជា តំបន់លំនៅដ្ឋាន តំបន់លំហែកាយ និងតំបន់អាជីវកម្ម រួមមាន៖ផ្ទះល្វែងទំនើប រីសតទំហំ៣ហិចតា ហាងកាហ្វេផាប់ ភោជនីយដ្ឋាន ម៉ាត ហ្វម៉ាស៊ី សាឡន ហាងលក់ទំនិញ ហាងលក់សម្លៀកបំពាក់ និងសួនច្បារសាធារណៈ រួមទាំហេដ្ឋារចនាសម្ព័ន្ធជាច្រើនទៀត ប្រកបដោយគុណភាព និងស្តង់ដាខ្ពស់។
លោក ថុន បូរ៉ា បានបញ្ជាក់បន្ថែមទៀតថា ក្រុមហ៊ុនខេ អេច លែន មានចក្ខុវិស័យច្បាស់លាស់ គឺ
ទី១)- ធ្វើការអភិវឌ្ឍន៍តំបន់នេះ ឲ្យក្លាយជាក្រុងថ្មីមួយដែលមានប្រជាជនរស់នៅកាន់តែច្រើនកុះករបន្ថែមទៀត។
ទី២)- ប្រជាជនមានកន្លែងរស់នៅបានស្អាតបាត សមរម្យ មានផាសុខភាព ប្រកបដោយសុភមង្គល និងសេចក្ដីថ្លៃថ្នូរ,
ទី៣)- អតិថិជនមានឱកាសវិនិយោគ មានអាជីវកម្មផ្ទាល់ខ្លួន និងមានឱកាសចំណេញខ្ពស់
និងទី៤)- ចូលរួមចំណែកលើកស្ទួយជីវភាពប្រជាពលរដ្ឋ និងជម្រុញសេដ្ឋកិច្ចក្នុងតំបន់នេះឲ្យកាន់តែរីកចម្រើនជាបន្តបន្ទាប់ស្របតាមផែនការយុទ្ធសាស្ត្រអភិវឌ្ឍន៍របស់រាជរដ្ឋាភិបាល។
នៅក្នុងឱកាសនោះដែរ លោក ម៉ឹក ចិន្ដា ស្ថាបនិកគេហទំព័រ RealEstate.com.kh បានមានប្រសាសន៍ទៅកាន់អង្គពិធីទាំងមូលថា លោកមើលឃើញថា គម្រោងដែលក្រុមហ៊ុន ខេ អេច លែន (KH LAND) បង្កើតឡើងនេះ គឺមានសក្ដានុពលយ៉ាងខ្លាំង ព្រោះវាស្ថិតនៅក្នុងបណ្ដុំលំនៅដ្ឋាន និងជាតំបន់ចក្ខុវិស័យរបស់រាជរដ្ឋាភិបាលក៏ដូចជា សាលារាជធានីភ្នំពេញ ដែលបានលើកទិសដៅការអភិវឌ្ឍន៍មកទិសខាងលិច និងខាងជើងដូច្នេះសាកសម និងទទួលយកមនុស្សដែលមកពីភ្នំពេញ។
លោក ម៉ឹក ចិន្ដា បានបន្តទៀតថា អគារ ផ្ទះល្វែង និងភូមិគ្រឹះនៅទូទាំងប្រទេសចំនួន២០៧៨១ល្វែង និងខ្នង, អគារស្នាក់នៅ រួមមានចំនួន១៥២គម្រោងស្មើនឹងចំនួន១៧៧០៧យូនីត ហើយបើតាមអ្នកជំនាញអចលនទ្រព្យបានព្យាករណ៍ថា ការទិញលំនៅដ្ឋាន ដីឡូតិ៍ និងការវិនិយោគលើអគារផ្សេងៗ ពុំមានសញ្ញាណណាមួយធ្លាក់ចុះនោះទេ សម្រាប់ឆ្នាំ២០១៩នេះ ព្រោះតម្រូវការនៅតែមាន ។
មិនតែប៉ុណ្ណោះនៅឆ្នាំថ្មី និងមានសន្ទុះកើនឡើងនិងល្អជាមុនថែមទៀតផង ព្រោះតែកត្តាសន្តិភាពរបស់ប្រទេសជាតិ ដែលហុចផលល្អលើការអភិវឌ្ឍន៍នានា ជាពិសេសលើវិស័យអចលនទ្រព្យ ចំណែកម្ចាស់គម្រោង គឺក្រុមហ៊ុនខេ អេច លែន (KH LAND) បានទទួលខុសត្រូវខ្ពស់ណាស់ ដោយបានផ្ដល់ភាពកក់ក្ដៅ និងភាពទុកចិត្តជូនដល់អតិថិជនរបស់ខ្លួន គឺហេដ្ឋារចនាសម្ព័ន្ធរួមមានដូចជា ប្រព័ន្ធទឹកភ្លើង ផ្លូវ ដែលការងារទាំងអស់នេះសំខាន់ខ្លាំងណាស់សម្រាប់គម្រោង ហើយអ្នកមករស់នៅទីនេះ និងទទួលផលចំណេញខ្លាំងណាស់៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ