កីឡាករ កែវ សុខផេង ស្រក់ទឹកភ្នែកលើទីលានប្រកួត ខណៈកម្ពុជា ស្មើ មីយ៉ាន់ម៉ា
- ភ្នំពេញ
ទីបំផុត កម្ពុជាបានបំបែកឯតទគ្គកម្មប្រវត្តិសាស្ត្រយកឈ្នះប្រទេសហ្វីលីពីន ១ ទល់នឹង ១, ប្រទេសទីម័រខាងកើត ៥ ទល់នឹង ០ និងប្រទេសម៉ាឡេស៊ី…
ទីបំផុត កម្ពុជាបានបំបែកឯតទគ្គកម្មប្រវត្តិសាស្ត្រយកឈ្នះប្រទេសហ្វីលីពីន ១ ទល់នឹង ១, ប្រទេសទីម័រខាងកើត ៥ ទល់នឹង ០ និងប្រទេសម៉ាឡេស៊ី ៣ ទល់នឹង ១ ហើយអាចឈានជើងចូលរួមប្រកួតវគ្គពាក់កណ្តាលផ្តាច់ព្រ័ត្រកីឡាស៊ីហេ្គមលើកទី៣០ នៅប្រទេសហ្វីលីពីន រវាងកម្ពុជា អាយុក្រោម២២ឆ្នាំ និងវៀតណាម អាយុក្រោម២២ឆ្នាំ ប៉ុន្តែគួរឲ្យសោកស្តាយដែលកម្ពុជាពុំទទួលបានជោគជ័យ ។
បន្ទាប់ពីបានបាត់បង់ឱកាសចូលរួមប្រកួតវគ្គផ្តាច់ព្រ័ត្រ កម្ពុជា នៅតែមានឱកាសប្រកួតដណ្តើមយកចំណាត់ថ្នាក់លេខ ៣ ជាមួយនឹងប្រទេស មីយ៉ាន់ម៉ា ផងដែរ ។ សម្រាប់ការប្រកួតពេញម៉ោងកីឡាករ កែវ សុខផេង បានទាត់បាល់ Free Kick ពីចម្ងាយចូលយ៉ាងល្អដូចកីឡាករបរទេសល្បីៗនៅលើពិភពលោក ធ្វើឲ្យកម្ពុជាទទួលបាន លទ្ធផល ២ ទល់នឹង ២ ប៉ុន្តែកីឡាកររូបនេះបានស្រក់ទឹកភ្នែកលើទីលានប្រកួត ព្រោះសោកស្តាយយ៉ាងខ្លាំងណាស់ ដោយសារគាត់ធ្វើមិនបានល្អ ខណៈទាត់ប៉េណាល់ទី (Penalty) ។
«កំហុសគ្រប់យ៉ាងមកពីរូបខ្ញុំ» នេះបើយោងតាមទំព័រហ្វេសប៊ុកផ្លូវការរបស់ កែវ សុខផេង ដែលបានបង្ហោះ ក្រោយពេលប្រកួត ។
យើងទាំងអស់គ្នាពិតជាសោកស្តាយចំពោះលទ្ធផលមួយនេះ ប៉ុន្តែក៏មិនភ្លេចពីកិច្ចខិតខំប្រឹងប្រែងអស់ពីកម្លាំងកាយចិត្តរបស់ក្រុមជម្រើសជាតិកម្ពុជាទាំងមូល ។ ជាពិសេសកីឡាករ កែវ សុខផេង បានកសាងគុណសម្បត្តិយ៉ាងធំ រួមចំណែករកគ្រាប់បាល់ជូនកម្ពុជា ចំនួន ១ គ្រាប់ សម្រាប់ការប្រកួតជាមួយនឹងប្រទេសហ្វីលីពីន, ៥ គ្រាប់សម្រាប់ការប្រកួតជាមួយនឹងប្រទេសទីម័រខាងកើត, ១ គ្រាប់ សម្រាប់ការប្រកួតជាមួយនឹងប្រទេសម៉ាឡេស៊ី, និង ១ គ្រាប់សម្រាប់ការប្រកួតជាមួយនឹងមីយ៉ាន់ម៉ា វគ្គដណ្តើមយកចំណាត់ថ្នាក់លេខ ៣ ។
អាស្រ័យហេតុនេះ អ្នកគាំទ្ររាប់លាននាក់នៅប្រទេសកម្ពុជា រួមទាំងថ្នាក់ដឹកនាំប្រទេស, ក្រុមកីឡាករ កីឡាការិនី, តារាហ្វេសប៊ុក, បុគ្គលឆ្នើម, អ្នកសិល្បៈ, តារាល្បីៗ, ហ្វេនៗ និងក្រុមហ៊ុនទូរស័ព្ទដៃ OPPO បានផ្ញើសារលើកទឹកចិត្ត ផ្តល់កម្លាំងចិត្ត និងបន្តការគាំទ្រដល់កីឡាកររូបនេះលើ Status បណ្តាញសង្គមព្រោងព្រាត ដូចខាងក្រោម ៖
«បើគ្មានបាល់ Free Kick របស់ ផេង ក៏គ្មានបានស៊ុតបាល់ ១១ ម៉ែត្រដែរ ! គ្រប់គ្នាដឹងហើយថា ទាត់បាល់ ១១ ម៉ែត្រសម្ពាធប៉ុណ្ណា គ្រប់គ្នាធ្វើបានល្អហើយ «សាររបស់គ្រូបង្វឹករបស់ កីឡាករ កែវ សុខផេង» ។
អ្នកគាំទ្រកីឡាករ កែវ សុខផេង សម្តែងការលើកទឹកចិត្តបង្ហោះថា «អូនប្រឹងអស់ពីសម្ថភាពហើយ នៅមានឱកាសក្រោយទៀត ស៊ូ ស៊ូ ស៊ូ ! សុខផេង ចាញ់ការប្រកួតមែន តែអូនឈ្នះចិត្តមហាជនរាប់លាននាក់ អាណិត ស្រឡាញ់ និង គាំទ្រអូន»។
«អូនកុំបន្ទោសខ្លួនឯងអី @Keo SokphengKeo Sokpheng – កែវ សុខផេង ធ្វើបានល្អបំផុតហើយ ចាញ់ការប្រកួតនេះតែឈ្នះបេះដូងប្រជាជនខ្មែរ” សារផ្តល់កម្លាំងចិត្ត របស់ ពេជ្រ សោភា តារាចម្រៀងជួរមុខ និងជាអ្នកតំណាងផ្សព្វផ្សាយឲ្យក្រុមហ៊ុនទូរស័ព្ទដៃ OPPO ។
ឥឡូវចូរក្រឡេកមកមើលសារលើកទឹកចិត្តរបស់ក្រុមហ៊ុន OPPO ដែលជាដៃគូសហការយូរអង្វែងរបស់កីឡាករ កែវ សុខផេង វិញម្តង «មិនអស់ចិត្តផុសម្តងទៀត Re-Post ទឹកចិត្តគាំទ្រ មិនរាថយ មិនផ្លាស់ប្តូរ រួមគ្នាតែមួយ យើងនឹងរួមដំណើរទៅមុខជាមួយគ្នាដើម្បីជ័យជម្នះ ទាំងអស់គ្នាដើម្បីកម្ពុជា ! ក្រុមហ៊ុន OPPO នឹងផ្តល់រង្វាន់ទូរស័ព្ទ OPPO Reno2 F ចំនួន ១ គ្រឿង ទោះបីជាមិនអាចរកគ្រាប់បាល់បានក៏ដោយ តែការប្រកួតនេះ កម្ពុជារកបាន ២ គ្រាប់ ក្នុងនោះ ១ គ្រាប់ស៊ុតដោយកីឡាករ កែវ សុខផេង ក្រុមហ៊ុននឹងផ្តល់រង្វាន់ទ្វេដងនៃគ្រាប់បាល់របស់គាត់ ។ សរុបមកក្រុមហ៊ុន OPPO នឹងផ្តល់ ៣ រង្វាន់ ជូនដល់អ្នកដែលបាន Comment តាមហេ្វសប៊ុកផ្លូវការ OPPO គាំទ្រផ្តល់កម្លាំងចិត្ត និងលើកទឹកចិត្តដល់កីឡាករ កែវ សុខផេង ទៀតផង»។
ចាញ់ឈ្នះជារឿងធម្មតាសម្រាប់ការប្រកួត ! យើងអ្នកទាំងគ្នា នឹងនូវតែស្រឡាញ់គាំទ្ររហូត ជូនពរឲ្យកម្ពុជា ជោគជ័យលើវិស័យកីឡាបាល់ទាត់នាថ្ងៃអនាគតខាងមុខឆាប់ៗនេះ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ