កាលពីថ្ងៃទី​17 និង​18 ខែ​ឧសភា កន្លងមកនេះ ក្រុមហ៊ុន Manulife Cambodia ដែលជា​ក្រុមហ៊ុន​ធានារ៉ាប់រង​អាយុជីវិត​ដែល​មាន​ភាគហ៊ុន​បរទេស 100% ដំបូង​គេ​នៅប្រទេស​កម្ពុជា បានបង្កើត​នូវកម្ម​វិធីចែក​រំលែកចំណេះ​ដឹង និងការកម្សាន្ត​ជាច្រើន ក្នុង​គោល​បំណងបង្ហាញ​ជូនប្រជាជន​កម្ពុជា អំពីអត្ថ​ប្រយោជន៍​ដែលទទួលបាន​ពីការប្រើ​ប្រាស់​សេវាធានារ៉ាប់​រងអាយុ​ជីវិត ក្នុង​ការ​រៀប​ចំផែន​ការហិរញ្ញវត្ថុ ដើម្បីការពារ​អនាគត​គ្រួសារ និងមនុស្ស​ជាទីស្រលាញ់។ កម្មវិធីនេះ បានរៀបចំ​ធ្វើឡើង​នៅផ្សាររាត្រី ដែល​មាន​ទីតំាងនៅ​តាមបណ្តោយ​តីរវិថីព្រះស៊ីសុវត្ថិ​ ដោយមាន​ការចូលរួម​ពីអតិថិជន​រាប់រយនាក់ ហើយ​កម្មវិធីនេះ ផ្តោត​សំខាន់​លើ​ការផ្តល់ចំណេះ​ដឹងអំពី​ធានារ៉ាប់រង​អាយុជីវិត និងការផ្ដល់​ការប្រឹក្សា​យោបល់ ដោយឥត​គិតថ្លៃ​ទាក់ទង​នឹងការរៀប​ចំផែនការ​ហិរញ្ញ​វត្ថុជាមួយ​ទីប្រឹក្សាធានា​រ៉ាប់រងរបស់​ក្រុមហ៊ុន Manulife Cambodia ក៏ដូចជាការ​ចូលរួមកម្មវិធី​កម្សាន្តផ្សេងៗ​ថែមទៀត។

លោក ពន្លឺ តុលា នាយក​គ្រប់គ្រង​ផ្នែកអតិថិ​ជន និងទីផ្សារ​របស់ក្រុម​ហ៊ុន Manulife Cambodia បានឲ្យ​ដឹងថា តាមរយៈ​ការចូល​រួម​ប្រកប​ដោយភាព​រីករាយរបស់​អតិថិជន​ស្តែងឲ្យ​ឃើញថា ប្រជាជន​កម្ពុជា​កាន់តែ​ច្រើនឡើងៗ​បានចាប់​ផ្តើម​យកចិត្ត​ទុក​ដាក់ និងយល់ដឹង​បានច្រើន​អំពីសេវា​ធានារ៉ាប់រង​អាយុជីវិត។ លោក តុលា បានពន្យល់​យ៉ាងដូច្នេះ​ថា ៖ «ប្រជាជន​កម្ពុជា​ក៏មិន​ខុសពីប្រជា​ជនដទៃ​នៅក្នុង​តំបន់អាស៊ី​នោះទេ ពួកគាត់យក​ចិត្តទុក​ដាក់ និងផ្តោត​សំខាន់លើ​ក្រុមគ្រួសារ​របស់ខ្លួន ហើយ​បច្ចុប្បន្ន​នេះ គាត់​ចាប់ផ្តើម​យល់ដឹងអំពី​អត្ថប្រយោជន៍​របស់សេវា​ធានារ៉ាប់រង​អាយុជីវិត​ដែលអាច​ថែរក្សាការពារ​អនាគត​គ្រួសា​ររបស់គាត់។ នេះ​ហើយជា​អ្វីដែល​ធ្វើឲ្យ Manulife ក្លាយជា​ដៃគូហិរញ្ញ​វត្ថុដ៏ទុក​ចិត្តសម្រាប់​ប្រជាជន​កម្ពុជា»។

នៅក្នុងកម្មវិធីនេះ​ដែរ អ្នកចូលរួម​បានស្វែងយល់​អំពីផលិតផ​លជាច្រើន​របស់ក្រុមហ៊ុន ដូចជា​គម្រោង «អនាគត​គ្រួសារខ្ញុំ​ជាមួយ​មេនូ​ឡាយហ្វ៍» ដែលផ្តល់​នូវការការពារ​សុទ្ធសាធ និងផ្តល់​សំណាង​សម្រាប់គ្រួសារ​លោកអ្នក​ក្នុង​ករណី​មានរឿង​ហេតុអកុសល​ណា​មួយ​កើតឡើង​ចំពោះលោ​កអ្នកជា​បង្គោល​គ្រួសារ។ សម្រាប់​គម្រោង «មរតក​ខ្ញុំជាមួយ មេនូឡាយហ្វ៍» វិញ គឺផ្ដល់​ជូនទំាង​ការ​ការ​ពារ និងការ​សន្សំ​ប្រាក់។ រីឯ​គម្រោង «អនាគតការ​សិក្សា​របស់កូនខ្ញុំ​ជាមួយ​មេនូឡាយហ្វ៍» គឺផ្ដល់​ជូនទាំង​ការការពារ ទាំង​ការ​សន្សំ​ប្រាក់ និងធានា​ដល់ការ​ផ្គត់ផ្គង់​ផ្នែកហិរញ្ញ​វត្ថុសម្រាប់​សិក្សារបស់​បុត្រធីតា​លោកអ្នក ក្នុងអំឡុង​ពេលនៃ​ការសិក្សា​នៅ​វិទ្យា​ល័យ ឬសាកល​វិទ្យាល័យ​សម្រាប់រយៈ​ពេល​4​ឆ្នាំ និងគម្រោង «ការការពារ​កម្ចីទិញ​ផ្ទះជាមួយ​មេនូឡាយហ្វ៍» ជាគម្រោង​មួយនឹង​ជួ​យធានា និងការពារ​គេហដ្ឋាន​ក្នុងក្ដីស្រមៃ​ជូនក្រុម​គ្រួសារលោក​អ្នកជាមួយ​ការការពារ​កម្ចីទិញ​ផ្ទះពី​ធនាគារ។

ទន្ទឹមនឹងនេះដែរ ក្រុមហ៊ុន  Manulife ក៏នឹងរៀប​ចំកម្មវិធី​ដូចគ្នានេះ​ជាបន្តបន្ទាប់​នៅផ្សារ​រាត្រីជាលើក​ទីពីរនៅ​ថ្ងៃទី25 ខែឧសភា និង​នៅសួន​កម្សាន្ត​កោះពេជ្រ នៅថ្ងៃទី​23, 24 និង​30 ខែឧសភា។  ចំណែកនៅ TK Avenue នៅថ្ងៃទី​31 ខែ ឧសភា និងថ្ងៃទី 01 ខែ​មិថុនា។ ហើយជាថ្មីម្តង​ទៀត នៅសួនកម្សាន្ត​កោះពេជ្រ នៅថ្ងៃទី​06 ខែ មិថុនា។ ដូច្នេះ​ប្រសិន​បើលោក​អ្នកមាន​បំណង​ស្វែង​យល់ប​ន្ថែមទាក់​ទងនឹងការ​រៀបចំ​ផែនការ ហិរញ្ញវត្ថុ​សម្រាប់​អនាគតក្រុម​គ្រួសារ និងមានបំណង​ប្រឹក្សា​ជាមួយបុគ្គ​លិក​ធានា​រ៉ាប់រ​ង​របស់ក្រុម​ហ៊ុន​នោះ លោក លោកស្រី អាច​អញ្ជើញចូល​រួមតាម​កម្មវិធី​ដូចដែល​បានរៀប​រាប់ខាង​លើ​នេះ៕