កោះសន្តិភាពសូមសម្តែងនូវការសោកស្តាយ ជុំវិញការផ្សាយអត្ថបទព័ត៌មាន កាលពីថ្ងៃទី២៩ តុលា ដែលធ្វើឱ្យមានប្រតិកម្មឆ្លើយតបពីប៉ុស្តិ៍នគរបាលច្រកទ្វារព្រំដែនអន្តរជាតិដូង កាលពីថ្ងៃទី៣០ តុលា ហើយក៏មានការផ្សាយបន្តពីគេហទំព័រមួយចំនួនផងដែរ ។
ព័ត៌មានដែលបានផ្សាយនោះមិនមានចេតនា ផ្នែកនយោបាយណាមួយបម្រើឱ្យក្រុមឧទ្ទាមក្រៅច្បាប់ណាមួយឡើយ តែវាអាចជាការខ្វះចន្លោះក្នុងការប្រើប្រាស់រូបថត ដែលមិនឆ្លុះបញ្ចាំងពីបច្ចុប្បន្នភាពជាក់ស្តែង ។
កោះសន្តិភាពសូមអធ្យាស្រ័យជុំវិញប្រតិកម្មនានាដោយសន្យាថា មិនឱ្យមានកំហុសក្នុងការផ្សាយព័ត៌មានដែលមានចរិតដំណឹងនេះជាលើកទី២ឡើយ ព្រមទាំងសូមលោកមេប៉ុស្តិ៍ប្រចាំច្រកទ្វារ មានសេចក្តីក្លាហានសហការល្អជាមួយអ្នកសារព័ត៌មានផង ចៀសវាង«ជះទឹក» ដែលមិនមែនជាទឹកបរិសុទ្ធនៅថ្ងៃក្រោយទៀត ។
ទោះបីប៉ុស្តិ៍នគរបាលច្រកទ្វារព្រំដែនអន្តរជាតិដូង មិនបានទាមទារឱ្យមានការកែតម្រូវតាមរបបព័ត៌មានក្តី ក៏កោះសន្តិភាពរីករាយថតចម្លងចុះផ្សាយសេចក្តីបំភ្លឺរបស់ប៉ុស្តិ៍នគរបាលច្រកទ្វារព្រំដែនអន្តរជាតិដូង ដូចខាងក្រោមនេះ ដោយមិនធ្វើអត្ថាធិប្បាយបន្ថែមឡើយ ៖
ចែករំលែកព័តមាននេះ