រាជធានីភ្នំពេញ ៖ ព្រឹត្តិការណ៍ប្រកួតជ្រើសរើស«ជើងឯក» កំពូលអ្នកប្រយុទ្ធកំពូលថាមពលឆេមពានសម្រាប់ការប្រកួតរបស់កីឡាករវ័យក្មេង២រូប កាលពីថ្ងៃទី១៣ តុលា នៅលើសង្វៀនទូរទស្សន៍អាសុីអាគ្នេយ៍ ។ ទាំងបង្គោលខៀវ ពុទ្ធ…
រាជធានីភ្នំពេញ ៖ ព្រឹត្តិការណ៍ប្រកួតជ្រើសរើស«ជើងឯក» កំពូលអ្នកប្រយុទ្ធកំពូលថាមពលឆេមពានសម្រាប់ការប្រកួតរបស់កីឡាករវ័យក្មេង២រូប កាលពីថ្ងៃទី១៣ តុលា នៅលើសង្វៀនទូរទស្សន៍អាសុីអាគ្នេយ៍ ។ ទាំងបង្គោលខៀវ ពុទ្ធ ភារិន្ទ ដែលគេស្គាល់ភាគច្រើនថា ជាកីឡាករជើងថ្មី តែមានសមត្ថភាព កំពុងចាប់ផ្ដើមល្បីឈ្មោះនាពេលចុងក្រោយ ទាំងបង្គោលក្រហម ឡុង ខេត្ត សុទ្ធតែប្រឹងអស់រៀងខ្លួន ធ្វើអោយការប្រកួតល្អមើល។
ការប្រកួតមិត្តភាព ដែលមានអ្នកគាំទ្រយ៉ាងច្រើនកុះករនៅក្នុងស្ទីឌីយោរបស់ទូរទស្សន៍អាសុីអាគ្នេយ៍នេះ កីឡាករបង្គោលខៀវ ពុទ្ធ ភារិន្ទ ត្រូវប៉ះបង្គោលក្រហម ឡុង ខេត្ត ដែលសុទ្ធតែជាកីឡាករវ័យក្មេង និងមានថ្វីដៃមិនខុសគ្នា។ ការប្រកួតមួយគូនេះ ម្នាក់ៗមិនរំពឹងថា នឹងស្មើគ្នានោះទេ ដោយសារតែកីឡាករម្ខាងៗគឺជាជើងខ្លាំង ហើយត្រូវគេឃើញវាយទៅវាយមក ធ្វើឲ្យគេគិតថាពិតជាអាចតស៑ូជាមួយគ្នា រហូតដល់ចប់ទឹកទី៥ ព្រោះតែម្នាក់សុទ្ធតែមានបច្ចេកទេសល្អ។
ម្នាក់ៗយល់ថា កីឡាករទាំងពីរពិតជាពិបាកស្វែងរកចាញ់ឈ្នះ ក្នុងពេលដែលកីឡាករបង្គោលក្រហម និងបង្គលខៀវ សុទ្ធតែបញ្ចេញក្បាច់គុនបានល្អ ដើម្បីស្វែងរកឱកាសបំបាក់គ្នាទៅវិញទៅមក ដើម្បីឲ្យភាគីម្ខាងៗភ្លាត់ស្នៀតឲ្យខានតែបាននោះ ។
កីឡាករ ឡុង ខេត្ត និង ពុទ្ធ ភារិន្ទ ដ្បិតតែវ័យក្មេង និងមានបទពិសោធន៍មិនច្រើននៅលើសង្វៀន មិនធ្វើអោយអ្នកទស្សនាខកចិត្តនោះទេ ដោយសារម្នាក់ៗសម្រុកវាយគ្នាទៅវិញបានល្អ ហើយប្រឹងសម្រុកវ័ធកែងផង ម៉ាត់ផង ជង្គង់ផង ហើយបើទោះជាបង្គោលក្រហមវ័ធមួយកែងៗពិបាកទប់ ក៍កីឡាករម្ខាងទៀតសម្រុកចូល ធ្វើឲ្យការប្រកួតល្អមើល។
អ្នកទស្សនាមួយគូនេះ សុទ្ធតែសរសើរថា ទាក់ភ្នែក ដោយខាងគណកម្មការរៀបចំការប្រកួតនឹងគ្រោង ដាក់អោយប៉ះគ្នាជាថ្មី ក្រោយពីអ្នកទាំងពីរប៉ះគ្នា ហើយធ្វើអោយកក្រើកសង្វៀនឆេមពាននាពេលនោះ
ផង ។
ចែករំលែកព័តមាននេះ