ខេត្តកំពង់ស្ពឺ ៖ គម្រោងបុរី សៀង ហុង ដែលមានគម្រោងធំប្រចាំខេត្តកំពង់ស្ពឺ សាងសង់លើផ្ទៃដី១២ហិកតា បានប្រកាសសម្ពោធបើកលក់ជាផ្លូវការហើយ កាលពីព្រឹកថ្ងៃទី១២ ខែតុលា ឆ្នាំ២០១៩ ជាមួយនឹងការលក់បញ្ចុះតម្លៃរហូតដល់ ៥% ដោយគ្រាន់តែធ្វើការកក់ទុកមុនត្រឹមតែ ១០០០ ដុល្លារប៉ុណ្ណោះ ។
គម្រោងបុរី សៀង ហុង នេះ មានទីតាំងស្ថិតនៅជិតតំបន់សក្តានុពល ចំណាយពេលធ្វើដំណើរតែ ២នាទី ពីផ្សារថ្នល់ទទឹង និងមានចម្ងាយត្រឹមតែ ៦០០ម៉ែត្រ ពីផ្លូវជាតិលេខ៤ ។ លោកអ្នកអាចទិញសម្រាប់រស់នៅ និងទុកប្រកបអាជីវកម្មបានយ៉ាងល្អ ។
លោក ហៀង ជីសៀង អគ្គនាយកគម្រោងបុរី សៀង ហុង បានមានប្រសាសន៍ឱ្យដឹងថា ៖ គម្រោងបុរី សៀង ហុង មានទីតាំងនៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ជាទីតាំងល្អបំផុត និងកំពុងអភិវឌ្ឍន៍ខ្លាំង ដោយជុំវិញគម្រោងនៅជិតនឹងទីប្រជុំជន មានសាលារៀន មន្ទីរពេទ្យ ធនាគារ រោងចក្រ និងផ្លូវជាតិ ងាយស្រួលធ្វើដំណើរ ហើយក៏ជាកន្លែងសម្រាប់ប្រកបអាជីវកម្មបានផងដែរ ។
លោកអគ្គនាយកបន្តថា គម្រោងបុរី សៀង ហុង បានអភិវឌ្ឍន៍ឡើងលើផ្ទៃដីជាង ១២ហិកតា សាងសង់ឡើងតាមរចនាបទដ៏ប្រណីតទាន់សម័យ មានផ្ទះ Shop House ចំនួន២ ទំហំសម្រាប់ជ្រើសរើស គឺទំហំផ្ទះ ៤.២ ម x ១៦ ម សល់ដីមុខផ្ទះ ៤ ម៉ែត្រ ក្រោយផ្ទះ ១ ម៉ែត្រកន្លះ និងមានផ្ទះទំហំ ៤.២ ម x ១៥ ម សល់ដីមុខផ្ទះ ៤ ម៉ែត្រកន្លះ ក្រោយផ្ទះ ១ ម៉ែត្រកន្លះ ហើយទាំង២ ជម្រើសសុទ្ធសឹងមានបន្ទប់គេង ៣ បន្ទប់ទឹក ៤ (Eo+E1) ដូចគ្នា មានតម្លៃចាប់ពី ៥៨,៨០០ ដុល្លារឡើងទៅ ។
លោកបញ្ជាក់ថា «ដើម្បីអបអរសាទរដល់ការប្រកាសលក់នេះ បុរីមានធ្វើការបញ្ចុះតម្លៃរហូតដល់ ៥% ភ្លាមៗ ចំពោះអតិថិជនដែលមកកក់ចាប់ពីថ្ងៃនេះ រហូតដល់ឱកាសបុណ្យអុំទូក ព្រមជាមួយនឹងឱកាសឈ្នះរង្វាន់ iPhone 11 និងទូរទស្សន៍ ៤០ អ៊ីញដ៏ស្រស់ស្អាតជាច្រើនរង្វាន់ថែមទៀតផង» ។
អតិថិជនទាំងអស់អាចធ្វើការបង់លុយផ្តាច់ក៏បាន ឬធ្វើការបង់រំលស់ជាមួយបុរីបានរហូតដល់ ១៧ឆ្នាំ ជាមួយនឹងការប្រាក់ទាបបំផុត ។ ក្រៅពីផ្ទះទាំង២ជម្រើសខាងលើ គម្រោងក៏មានលក់ដីឡូតិ៍ ត្រូវខ្នាត ចំប្លង់ល្អ អាចទិញទុកសង់ផ្ទះ ឬលក់បន្តជាមួយឱកាសឆាប់ចំណេញខ្ពស់ ។
ចំពោះអតិថិជនដែលចង់ជ្រាបច្បាស់ពីគម្រោងបុរី សៀង ហុង សូមអញ្ជើញមកកាន់ការិយាល័យលក់ដែលមានទីតាំងអាសយដ្ឋាននៅផ្លូវជាតិលេខ ៥១ ចម្ងាយតែ ៧០០ ម៉ែត្រ ពីផ្លូវជាតិលេខ ៤ ឬទាក់ទងមកទូរស័ព្ទលេខ ៖ ០១៥/០៦១/០៩០ ៩១៦ ៣៣៣ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ