រាជធានីភ្នំពេញ ៖ ផ្ទុះការរិះគន់រឿង «ពិសស្នេហ៍» របស់ទូរទស្សន៍ប៉ុសិ៍លេខ៥ ដែលយកលំនាំតាមរឿងថៃ បន្ទាប់ពីរឿងនេះចាក់បញ្ចាំងមិនទាន់បានប៉ុន្មានថ្ងៃផងនោះ ស្រាប់តែមានការរិះគន់យ៉ាងខ្លាំងពីទស្សនិកជនខ្មែរនៅពេលដែលរឿងនេះបានយកលំនាំស្ទើរទាំងស្រុងពីរឿងថៃ ។ អ្វីដែលបង្កឱ្យមានរលករិះគន់នេះបានកើតឡើង…
រាជធានីភ្នំពេញ ៖ ផ្ទុះការរិះគន់រឿង «ពិសស្នេហ៍» របស់ទូរទស្សន៍ប៉ុសិ៍លេខ៥ ដែលយកលំនាំតាមរឿងថៃ បន្ទាប់ពីរឿងនេះចាក់បញ្ចាំងមិនទាន់បានប៉ុន្មានថ្ងៃផងនោះ ស្រាប់តែមានការរិះគន់យ៉ាងខ្លាំងពីទស្សនិកជនខ្មែរនៅពេលដែលរឿងនេះបានយកលំនាំស្ទើរទាំងស្រុងពីរឿងថៃ ។
អ្វីដែលបង្កឱ្យមានរលករិះគន់នេះបានកើតឡើង បន្ទាប់ពីផេកហ្វេសប៊ុករបស់ថៃមួយ បានធ្វើការប្រៀបធៀបរឿង «ពិសស្នេហ៍» របស់ខ្មែរដូចគ្នាទៅនឹងរឿងថៃរបស់គេ ក្នុងន័យចំអក។ បញ្ហានេះបានធ្វើឱ្យទស្សនិកជនខ្មែរជាច្រើនបានចេញមកនាំគ្នារិះគន់ចំពោះផលិតកររបស់ទូរទស្សន៍ប៉ុស្តិ៍លេខ៥ ដែលបានធ្វើរឿងនាំឱ្យអាប់ឱនដល់មុខមាត់ប្រទេសកម្ពុជា ។
ផេកហ្វេសប៊ុកដែលមានឈ្មោះវប្បធម៌ខ្មែរដែលតែងតែផ្សព្វផ្សាយនូវវប្បធម៌នោះ បានសសេរបង្ហោះនៅលើគណនីយហ្វេសប៊ុករបស់ខ្លួនពាក់ព័ន្ធរឿងខាងលើនេះថា រឿងនេះ គឺខាងប៉ុស្តិ៍ទូរទស្សន៍ ខេមរៈភូមិន្ទប៉ុស្តិ៍លេខ៥ ដែលមានចាងហ្វាង ជាជនជាតិសៀម បានទិញឡាយសិនរឿងថៃ ពីស្ថានីយ៍ទូរទស្សន៍របស់ប្រទេសថៃ យ៉ាងស្របច្បាប់ ! ហើយបានដាក់ចំណងជើងថា «ពិសស្នេហ៍» ។ ខ្ញុំសួរថា តើប្រជាជនខ្មែរប៉ុន្មានភាគរយគាំទ្រខ្សែភាពយន្តយ៉ាងអសោចិ៍មួយនេះ? ។ ព្រោះវាជាចេតនាដើម្បីឲ្យប្រជាជនសៀមមើលងាយមកលើប្រជាជនខ្មែរ? ដែលទូរទស្សន៍មួយនេះ តែងតែចម្លងនិងចាក់ខ្សែភាពយន្តថៃយកមកថតជា version របស់ខ្មែរនិងចាក់ផ្សាយជារៀងរាល់ថ្ងៃ..!។ ខ្វះអ្នកនិពន្ធឬ? ហេតុអ្វីមិននិពន្ធរឿងសម្រាប់ខ្លួនឯង? ហេតុអីត្រូវទិញឡាយសិនពីគេមកសំដែង?។
ខ្សែភាពយន្តដែលលេងតាមបែបផែនរបស់គេ តួសម្ដែង ដាក់ប៊ីចេងជ្រុល រចនាបថក្នុងការស្លៀកពាក់ខុសទាំងកំរោលខុសទាំងប្រវត្តិសាស្ត្រ ធ្វើយ៉ាងបំពាន បច្ចេកទេសអន់ ។ គេមិនហ៊ាននិយាយថា ប្រជាជនខ្មែរ៩៨%មិនគាំទ្រខ្សែភាពយន្តរឿង «ពឹសស្នេហ៍» ដែលទិញឡាយសិនចេញពីប្រទេសថៃនេះនោះទេ។ ដូច្នេះហើយយើងខ្ញុំជំនួសមុខឲ្យប្រជាជនខ្មែរ ដែលត្រូវបានជនជាតិសៀមប្រមាថពេញ Newsfeed សូមឱ្យស្ថានីយទូរទស្សន៍ប៉ុស្តិ៍លេខ៥ TV5 ដែលទិញឡាយសិនពីប្រទេសសៀមធ្វើឱ្យគេមើលងាយមើលថោកមកលើប្រទេសកម្ពុជា ។
ខ្ញុំសូមឱ្យទូរទស្សន៍ខេមរភូមិន្ទប៉ុស្តិ៍លេខ៥ ចេញសេចក្តីបកស្រាយ និងសុំទោសជាសាធារណៈជាបន្ទាន់ ។ បើសិនជាស្ថានីយទូរទស្សន៍ជាតិខេមរភូមិនប៉ុស្តិ៍លេខ5 TV5 មិនចេញសេចក្តីថ្លែងការសុំទោសទេ បានន័យថាស្ថានីយទូរទស្សន៍មួយនេះ កំពុងតែជាន់ឈ្លីកិត្តិយសជាតិហើយ សារទាំងអស់នេះជូនជាពិសេសរដល់ TV5 cambodia និងប្រជាជនសៀម ។
ទោះបីជាបែបណា ការស្វែងរកការបំភ្លឺពីផលិតករដែលបានថតរឿងនេះមិនទាន់អាចទាក់ទងបានទេ ដើម្បីតបប្រតិកកម្ម ។ មានសំនួរសួរថាតើខ្វះណាស់ទៅឬទើបយកលំនាំរឿងគេមកថតបែបនេះ0x017d7 ពិតជាអៀនខ្មាស់ណាស់! ៕ (កែសម្រួលដោយ ៖ បុប្ផា)
ចែករំលែកព័តមាននេះ