កម្ពុជា, ខែកញ្ញា ឆ្នាំ ២០១៩៖ បុគ្គលិកលើសពី ៣០នាក់ មកពីក្រុមហ៊ុន អេសស៊ីជី ដែលជាក្រុមហ៊ុនឈានមុខគេនៅអាស៊ាន បានធ្វើដំណើរជុំវិញប្រទេសកម្ពុជា ដើម្បីជួបសួរសុខទុក្ខសិស្សលើសពី ៥០០នាក់ ដើម្បីចែករំលែកនូវឱកាសសិក្សាពីកម្មវិធី «អាហារូបករណ៍ចែករំលែកក្តីសុបិន» លើកទី៦ ។
លោក ម ផុរា ដែលជាបុគ្គលិកជាន់ខ្ពស់នៃក្រុមហ៊ុន អេសស៊ីជី បានមានប្រសាសន៍ថា «អេសស៊ីជី តែងតែជឿជាក់ថា ការអប់រំជាមូលដ្ឋានគ្រឹះនៃការអភិវឌ្ឍន៍ប្រទេសជាតិប្រកបដោយនិរន្តរភាព ។ មិនត្រឹមតែក្រុមហ៊ុនប៉ុណ្ណោះទេ ប៉ុន្តែបុគ្គលិកនៃក្រុមហ៊ុន អេសស៊ីជី ទាំងអស់សុទ្ធតែមានទស្សនវិស័យដូចគ្នា ។ វាបានជំរុញទឹកចិត្តឱ្យយើងទាំងអស់គ្នាស្ម័គ្រចិត្តធ្វើការជាក្រុម ដើម្បីចុះសួរសុខទុក្ខសិស្សដល់ផ្ទះជាង ៥០០នាក់ រៀងរាល់ឆ្នាំ» ។
លោក ម ផុរា បានបន្ថែមទៀតថា «យើងបានធ្វើដំណើរជុំវិញប្រទេសកម្ពុជា ដើម្បីស្វែងរកសិស្សដែលជួបទុក្ខលំបាក និងត្រូវការជំនួយអាហារូបករណ៍បំផុត ដើម្បីបន្តការសិក្សាឱ្យកាត់តែប្រសើរ ។ ការសិក្សាកាន់តែប្រសើរមានន័យថា មានឱកាសកាន់តែច្រើនសម្រាប់ពួកគាត់ ដើម្បីបម្រើដល់ប្រទេសជាតិ ។
កញ្ញា លក្ខិណា ជាបុគ្គលិកនៃក្រុមហ៊ុន អេសស៊ីជី ដែលបានចូលរួមនូវការងារស្ម័គ្រចិត្តនេះអស់រយៈពេលជាង ៥ ឆ្នាំមកហើយបានមានប្រសាសន៍ថា «នៅក្រុមហ៊ុន អេសស៊ីជី យើងមានវិធីសាស្ត្រផ្សេងគ្នាក្នុងការជ្រើសរើសសិស្សអាហារូបករណ៍ ។ យើងមិនផ្តោតតែទៅលើសិស្សដែលមានការសិក្សាល្អប៉ុណ្ណោះទេ ប៉ុន្តែត្រូវមានអត្តចរិត អាកប្បកិរិយាល្អ និងមានឆន្ទៈក្នុងការជួយដល់សង្គមផងដែរ» ។
កញ្ញាបានបន្ថែមទៀតថា «ការជួបសួរសុខទុក្ខដល់ផ្ទះ និងបានឃើញផ្ទាល់ពីស្ថានភាពរស់នៅរបស់ពួកគាត់ធ្វើឱ្យយើងយល់ច្បាស់ពីស្ថានភាពរស់នៅជាក់ស្តែងរបស់ពួកគាត់ ដែលគាត់ពិតជាត្រូវការជំនួយ ដើម្បីមានឱកាសក្នុងការសិក្សាឱ្យបានល្អប្រសើរពិតប្រាកដមែន» ។
អេសស៊ីជី បានបង្កើតកម្មវិធី អេសស៊ីជី ចែករំលែកក្តីសុបិននេះអស់រយៈពេល ៥ ឆ្នាំរួចមកហើយ ពោលគឺចាប់តាំងពីឆ្នាំ ២០១៤ មកម្ល៉េះ ។ អេសស៊ីជី មានគម្រោងនៅតែបន្តនូវកម្មវិធីអាហារូបករណ៍នេះនៅប្រទេសកម្ពុជាក្នុងរយៈពេលដ៏យូរអង្វែងតទៅមុខទៀត ដូច្នេះសិស្សានុសិស្សកម្ពុជា អាចសម្រេចនូវក្តីសុបិនសម្រាប់អនាគតដ៏ប្រសើររបស់ពួកគាត់» ។
នៅក្នុងឆ្នាំ ២០១៩ នេះជាឆ្នាំទី ៦ សម្រាប់កម្មវិធី អេសស៊ីជី ចែករំលែកក្តីសុបិន ហើយក្រុមហ៊ុន អេសស៊ីជី ដែលមានការសហការដោយក្រសួងអប់រំ យុវជន និងកីឡា នឹងបន្តផ្តល់នូវអាហារូបករណ៍ចំនួន ២៥០ នាក់ សម្រាប់សិស្សវិទ្យាល័យ និងអាហារូបករណ៍ថ្នាក់ឧត្តមសិក្សាចំនួន ២០ នាក់ សម្រាប់សិស្សអតីតអាហារូបករណ៍ អេសស៊ីជី ចែករំលែកក្តីសុបិន ដែលនីងបន្តការសិក្សានៅសាកលវិទ្យាល័យនានា ។
«Passion for Better» ជាមាគ៌ារបស់យើងដែលមិនមែនអនុវត្តតែក្នុងការងារប៉ុណ្ណោះទេ ប៉ុន្តែវាក៏ជាការប្តេជ្ញាចិត្តរបស់យើងសម្រាប់សង្គម និងសហគមន៍ដែលយើងដំណើរការផលិតកម្ម ។ យើងពិតជាមានកិត្តិយសណាស់ដែលបានឃើញសិស្សអាហារូបករណ៍ អេសស៊ីជី ទទួលបានជីវិតដ៏ល្អប្រសើរដោយគាត់ទទួលបាននូវឱក្នុងការសិក្សាដែលល្អប្រសើរ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ