រាជធានីភ្នំពេញ ៖ ក្រុមព្រះសុរិយាដែលត្រូវបានគេដឹងថា ជាក្រុមដែលស្រាវជ្រាវប្រវត្តិបទចម្រៀង និងភាពយន្តពីជំនាន់ដើមនោះ បានស្នើសុំឱ្យមានការកែប្រែចំណុចខុសឆ្គងខ្លះទៅលើបទ «ផ្គរលាន់ប៉ៃលិន» ដែលបានច្រៀងឡើងវិញ (cover) ដោយតារាចម្រៀងកញ្ញា…
រាជធានីភ្នំពេញ ៖ ក្រុមព្រះសុរិយាដែលត្រូវបានគេដឹងថា ជាក្រុមដែលស្រាវជ្រាវប្រវត្តិបទចម្រៀង និងភាពយន្តពីជំនាន់ដើមនោះ បានស្នើសុំឱ្យមានការកែប្រែចំណុចខុសឆ្គងខ្លះទៅលើបទ «ផ្គរលាន់ប៉ៃលិន» ដែលបានច្រៀងឡើងវិញ (cover) ដោយតារាចម្រៀងកញ្ញា បាន មុន្នីលក្ខណ៍ នឹងត្រូវបានបង្ហោះតាមរយៈយូធូប ។
ចំណុចដែលក្រុមព្រះសុរិយាទាមទារឱ្យមានការកែប្រែនោះ គឺលើចំណុចដែលបានដាក់ថា បទខាងលើនេះសំនៀងដើមដោយ បាន មុន្នីលក្ខណ៍ ហើយច្រៀងឡើងវិញ ដោយអ្នកស្រី រស់ សេរីសុទ្ធា ។ បើតាមក្រុម ព្រះសុរិយាចំណុចខាងលើនេះ ស្តាប់ទៅដូចជាការលេងសើច ប៉ុន្តែវាអាចបណ្តាលឱ្យមានរឿងធំ ។
បើយោងតាមអ្វីដែលក្រុមព្រះសុរិយាបានសសេរបង្ហោះតាមហ្វេសប៊ុករបស់ខ្លួននោះ បានបញ្ជាក់ថា ករណីនេះកើតយូរមកហើយ ហើយពេលនេះជាលើកទី២ហើយ បងប្អូនជួយគិតពិចារណាឱ្យមែនទែនមើលមួយភ្លែតជារឿងលេងសើច តែគិតឱ្យជ្រៅទៅនឹងដឹងថា ជាបញ្ហាធំហើយ ។
យូរៗទៅជា «បទផ្គរលាន់ប៉ៃលិន» នេះនាង មុនីលក្ខណ៍ ជាម្ចាស់ដើមទៅវិញ ហើយ cover by រស់ សេរីសុទ្ធា ហើយកម្មសិទ្ធិបញ្ញា white band ទៀត ម្ចាស់ថ្លៃហើយដល់ម្លឹង ។ កាលលើកមុនខ្ញុំបានផុសបទដើម«នារីមីនីសំពត់ខើច» របស់តារាចម្រៀង ប៉ែន រ៉ន ក៏ជាប់កម្មសិទ្ធិរបស់កញ្ញារូបនេះដែរ ឥឡូវមេត្តាខាងផលិតកម្មនេះពិនិតឡើងវិញផង ថ្ងៃក្រោយទៅ កូនខ្មែរនឹងលែងដឹងពីប្រភពដើមនៃម្ចាស់ស្មាដៃមិនខាន ៕ (សម្រួលដោយ៖ ស្រីណា)
ចែករំលែកព័តមាននេះ