បេក្ខជន បូ រ៉ាម បានចាកចេញពីកម្មវិធីប្រឡងចម្រៀងលំដាប់ពិភពលោក X Factor Cambodia ដ៏គួរឲ្យសោកស្តាយដោយសារមិនអាចយកឈ្នះបេក្ខជនផ្សេងទៀត ។ ការបរាជ័យលើកនេះធ្វើឲ្យ…
បេក្ខជន បូ រ៉ាម បានចាកចេញពីកម្មវិធីប្រឡងចម្រៀងលំដាប់ពិភពលោក X Factor Cambodia ដ៏គួរឲ្យសោកស្តាយដោយសារមិនអាចយកឈ្នះបេក្ខជនផ្សេងទៀត ។ ការបរាជ័យលើកនេះធ្វើឲ្យ បូ រ៉ាម ខកចិត្តខ្លាំង ព្រោះបើជាប់លោកនឹងឆ្លងចូលទៅកាន់វគ្គ Live Show ដែលគ្រប់បេក្ខជនទាំងអស់ប្រាថ្នាចង់បាន ។
ដើម្បីលើកទឹកចិត្ត មានអ្នករៀបចំកម្មវិធីសិល្បៈមួយរូបសម្រេចត្រងយកបេក្ខជននេះចូលជាសមាជិកចម្រៀងប្រចាំក្រុម ។ លោក បូ រ៉ាម គឺបេក្ខជនមកពីខេត្តកំពង់ឆ្នាំងដោយដើរប្រឡងចម្រៀងគ្រប់រូបភាព ដើម្បីចង់ដឹងថាខ្លួនមានទេពកោសល្យបែបណាជាមួយបេក្ខជនដ៏ទៃទៀត ។
ម្យ៉ាងអ្នកសិល្បៈជើងថ្មីទាល់តែតស៊ូ និងឆ្លងកាត់ការលំបាកផ្សេងៗទើបមានការលូតលាស់ព្រោះរៀមច្បងល្បីៗមុនរីកសាយឈ្មោះក៏លំបាកមិនស្ទើរដែរ ។ ព្រោះតែមានទឹកដមសំឡេងល្អ បូ រ៉ាម ដែលជាប់បាន ៣ តង់ហើយមកធ្លាក់ ៦ នាក់ក្នុងក្រុម ឱក សុគន្ឋកញ្ញា គួរឲ្យតក់ស្លត់នោះលោក យ៉េប រ៉ូហ្វាត អ្នករៀបចំកម្មវិធីសិល្បៈដែលភាគច្រើននាំតារាសម្តែង និងច្រៀងអប់រំសុខភាពដល់កម្មកររោងចក្របានសម្រេចយកលោក បូ រ៉ាម ចូលជាក្រុមរបស់លោកឲ្យមានការងារធ្វើ ។
លោក រ៉ូហ្វាត ឱ្យដឹងថាលោកជួយដល់សិល្បករបានមួយចំនួនដែរឲ្យតែមានទេពកោសល្យស្នាដៃទឹកដមសំឡេង ។ យ៉ាងណាលោកមិនមានផលិតកម្មច្រៀងទេតែបើនិយាយពីអាហ្វែតាមតំបន់ផ្សេងៗគឺមានតាមរដូលកាលពិសេសការសម្តែងច្រៀងអប់រំសុខភាពដល់កម្មកររោងចក្រមានជាប្រចាំហើយស្គាល់ម្ចាស់ហាងផ្សេងៗជួយឲ្យតារាចូលច្រៀង ។
ដូចនេះ បូ រ៉ាម ជាមនុស្សតស៊ូហើយស្លូតបូតទើបលោកកំណត់ឲ្យក្លាយជាអ្នករួមក្រុមដើម្បីឲ្យមានទឹកចិត្តច្រៀងក្នុងសិល្បៈឲ្យគេស្គាល់ព្រោះមិនចង់ឃើញអ្នកតស៊ូអស់សង្ឃឹមឡើយ ។ សមាជិកចម្រៀងដែលច្រៀងអប់រំសុខភាពនៅតាមរោងចក្រដែលឧស្សាហ៍លេចមុខមានដូចជាលោក ប៉ែន សារ៉ាវ គូម៉ា ជួន អមរិទ្ធ សុខ មុនីរក្សា ជ័យ សុវ៉ាត ចែម ស្រីលក្ខ អ៊ុង សុវណ្ណរិទ្ធ ឃីង សាន់ និងតារាមួយចំនួនទៀត ៕ កែសម្រួលដោយ ៖ សុឃាក់
ចែករំលែកព័តមាននេះ