រាជធានីភ្នំពេញ ៖ បន្ទាប់ពីការប្រកាសអំពីរង្វាន់មហាសេដ្ឋីស្រាបៀរភ្នំពេញ នៅក្នុងក្រវិលកំប៉ុងមួយរយៈកន្លងមក នៅថ្ងៃទី២០ ខែកុម្ភៈ ឆ្នាំ២០១៤ ក្រុមហ៊ុនស្រាបៀរភ្នំពេញ បានបង្ហាញមុខអ្នកឈ្នះ ព្រមទាំងបានប្រគល់រង្វាន់ម៉ូតូ៧គ្រឿងដល់អតិថិជនរបស់ខ្លួនក្នុងកម្មវិធីផ្សាយបន្តផ្តាល់ប្រដាល់ដណ្តើមខ្សែក្រវាត់ស្រាបៀរភ្នំពេញនៅលើសង្វៀនទូរទស្សន៍សីុធីអិន រៀងរាល់ថ្ងៃព្រហស្បត្តិ៍ចាប់ពីម៉ោង៤ដល់ម៉ោង៦ល្ងាច ។
រង្វាន់មហាសេដ្ឋីរបស់ក្រុមហ៊ុនស្រាបៀរភ្នំពេញ នៅលើក្រវិលកំប៉ុងនេះ នឹងផ្តល់ជូនអតិថិជនចាប់ពីពេលនេះតទៅដែលក្នុងនោះរួមមាន រង្វាន់ម៉ូតូយា៉មា៉ហា (YAMAHA) ចំនួន៥០០គ្រឿង ខ្សែកមាស២ជីចំនួន៥.០០០ខ្សែ និងរង្វាន់ប្រាក់សុទ្ធសរុបចំនួន៨.៨៨៨លានរៀល ដែលមានចាប់ពី១.០០០រៀល ដល់១០លានរៀលក្នុង១
ក្រវិល ។ នាយកគ្រប់គ្រងក្រុមហ៊ុនស្រាបៀរភ្នំពេញ លោក តែ សុខស្រេង បានឱ្យដឹងថា ការផ្តល់មហារង្វាន់នេះ គឺជាការលើកទឹកចិត្តដល់អតិថិជនទាំងឡាយដែលបានគាំទ្រពិសាស្រាបៀរភ្នំពេញរសជាតិថ្មី ដែលជាស្រាបៀរមានរសជាតិស្រាលស្រទន់ ក្លិនក្រអូបឈ្ងុយស្រូវសាលី ស្រួលលេប ផលិតឡើងតាមស្តង់ដា និងបច្ចេកទេសចុងក្រោយបង្អស់របស់ប្រទេសជប៉ុន ។
លោកមានប្រសាសន៍បញ្ជាក់ថា «អតិថិជន មិនត្រឹមតែបានរីករាយជាមួយការទទួលទានស្រាបៀរឈ្ងុយឆ្ងាញ់លំដាប់ថ្នាក់អន្តរជាតិប៉ុណ្ណោះទេ ពួកគេថែមទាំងមានសំណាងបានឈ្នះរង្វាន់ជាច្រើនសន្ធឹកសន្ធាប់ថែមទៀត» ។ អតិថិជនដែលឈ្នះរង្វាន់មហាសេដ្ឋីរបស់ស្រាបៀរភ្នំពេញ ក្នុងការប្រគល់លើកដំបូងនេះ មានដូចជា រង្វាន់ម៉ូតូយា៉មា៉ហាម្នាក់មួយគ្រឿង ចំនួន៧រង្វាន់ រួមមានទី១-ឈ្មោះ ហា៊ង ចិន្តា (086 758 243) និង អីុវ ជីន (088 61 42 436) នៅខេត្តព្រះសីហនុ ទី២-ឈ្មោះ សីុម សុន (097 48 05 010) នៅស្រុកសំរោងទង ខេត្តកំពង់ស្ពឺ ទី៣-ឈ្មោះ ចាន់ មា៉និត (097 62 34 535) នៅស្រុកកំពង់ត្រឡាច ខេត្តកំពង់ឆ្នាំង ទី៤-ឈ្មោះ ពូ សាវ៉ន (012 994 649) និង ម៉ុល ថុស (092 225 846) នៅស្រុកពញាឮ ខេត្តកណ្តាល ទី៥-ឈ្មោះ ឆាយ ប៊ុនថាន (077 438 886) នៅស្រុកស្អាង ខេត្តកណ្តាល ទី៦-ឈ្មោះ យ៉ន ឃិន (067 850 398) នៅស្រុកស្វាយជ្រំ ខេត្តស្វាយរៀង និងទី៧-ឈ្មោះ ណែម រា៉យា៉ (097 515 1318) នៅស្រុកអូររាំងឪ ខេត្តត្បូងឃ្មុំ ។
លោក តែ សុខស្រេង បានឱ្យដឹងទៀតថា ក្រុមហ៊ុនស្រាបៀរភ្នំពេញ ជាក្រុមហ៊ុនផលិតស្រាបៀរដ៏ធំមួយដែលមានរោងចក្រនៅខេត្តកំពង់ឆ្នាំង ព្រមទាំងបាននាំចេញផលិតផលរបស់ខ្លួនទៅលក់នៅទីផ្សារក្រៅប្រទេសជាប្រចាំផងដែរ ។
ក្រៅពីការផ្តល់រង្វាន់មហាសេដ្ឋី សម្រាប់ឆ្នាំ២០១៤នេះ ក្រុមហ៊ុនក៏បានបង្កើតកម្មវិធីប្រដាល់ជម្រុះដណ្តើមពានរង្វាន់ខ្សែក្រវាត់ស្រាបៀរភ្នំពេញ លើសង្វៀនសីុធីអិន ដែលមានផ្សាយផ្ទាល់រៀងរាល់ថ្ងៃព្រហស្បតិ៍ចាប់ពីម៉ោង៤ដល់ម៉ោង៦ល្ងាចផងដែរ ក្នុងនោះជ័យលាភីលេខ១ដែលជាម្ចាស់ខ្សែក្រវាត់នឹងទទួលបានម៉ូតូ១គ្រឿង ខ្សែកមាស១ខ្សែ ទឹកប្រាក់១.០០០ដុល្លារ រួមទាំងស្រាបៀរភ្នំពេញ និងភេសជ្ជៈកេនកូចំនួន៤០កេស, លេខ២ទទួលបានខ្សែកមាស១ខ្សែ ទូរទស្សន៍ស្តើង៣២អីុញ១គ្រឿង ទឹកប្រាក់៥០០ដុល្លារ រួមទាំងស្រាបៀរភ្នំពេញ និងភេសជ្ជៈកេនកូចំនួន២០កេស ដោយឡែកលេខ៣ និងលេខ៤ក៏ទទួលបានរង្វាន់ផងដែរ ៕
ចែករំលែកព័តមាននេះ