ខេត្តឧត្តរមានជ័យ ៖ ក្មេងស្រីម្នាក់បានលុងទឹកស្រះស្លាប់បាត់បង់ជីវិតចោលឪពុកម្តាយបងប្អូនកាលពីវេលាម៉ោង២រសៀលថ្ងៃទី៨ សីហា ។ ហេតុការណ៍នេះកើតឡើងស្ថិតនៅខាងក្រោយផ្ទះជនរងគ្រោះដែលមានចម្ងាយ២៥ម៉ែត្រ ក្នុងភូមិពរពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ…
ខេត្តឧត្តរមានជ័យ ៖ ក្មេងស្រីម្នាក់បានលុងទឹកស្រះស្លាប់បាត់បង់ជីវិតចោលឪពុកម្តាយបងប្អូនកាលពីវេលាម៉ោង២រសៀលថ្ងៃទី៨ សីហា ។ ហេតុការណ៍នេះកើតឡើងស្ថិតនៅខាងក្រោយផ្ទះជនរងគ្រោះដែលមានចម្ងាយ២៥ម៉ែត្រ ក្នុងភូមិពរពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ។
ក្មេងស្រីរងគ្រោះឈ្មោះ ខាំ ភារម្យ អាយុ៨ឆ្នាំ ជាសិស្សសាលាបឋមសិក្សាឃុំផ្អាវ មានឪពុកឈ្មោះ ខៀវ ភារុណ អាយុ៣៤ឆ្នាំ ម្តាយឈ្មោះ មិត្ត សុជា អាយុ២៩ឆ្នាំ មានកូនស្រី២នាក់កូនដែលលុងទឹកស្រះជាកូនច្បង ។
លោកមេប៉ុស្តិ៍រដ្ឋបាលឃុំផ្អាវបានឱ្យដឹងថា ក្រុមគ្រួសារនេះរស់នៅក្នុងភូមិ-ឃុំកើតហេតុខាងលើ ហើយទាំង២នាក់ប្តីប្រពន្ធដែលជាឪពុកម្តាយក្មេងស្រីរងគ្រោះបានធ្វើចំណាកស្រុកទៅរកការងារធ្វើនៅឯខេត្តព្រះសីហៈនុដោយទុកកូនស្រី២នាក់ឱ្យជីដូនបង្កើតឈ្មោះ ស៊ុត សុខឿនអាយុ៥៨ឆ្នាំ ជាអ្នកមើលថែទាំ ។
ប៉ូលិសបានធ្វើការសាកសួរជីដូនក្មេងស្រីបានឱ្យដឹងថា នៅព្រឹកថ្ងៃទី៨ សីហា ចៅស្រីដែលរងគ្រោះបានសុំលុយទៅទិញនំហូបក្រោយពីបានឱ្យលុយចៅរួចរូបខ្លួនបានដេកលុងលក់បាត់ទៅ លុះនៅវេលាម៉ោង៣ទៅ៤រសៀលមិនឃើញចៅក៏ដើរសួរគេឯង អ្នកភូមិនណាៗក៏មិនបានឃើញដែរហើយក៏មានការសង្ស័យនឹងទឹកស្រះអ្នកភូមិបានចុះរាវរកទើបបានប្រទះឃើញតែវាហួសពេលទៅហើយព្រោះក្មេងស្រីបានស្លាប់បាត់បង់ជីវិតទៅហើយ ។
ប៉ូលិសដដែលបានបន្តថា បន្ទាប់ពីបានទទួលបានដំណឹងភ្លាមបានចុះទៅដល់កន្លែងកើតហេតុ ពិនិត្យនៅនឹងកន្លែងពុំមានស្នាកស្នាមគួរឱ្យចាប់អារម្មណ៍អំពីរឿងឃាតកម្មនោះទេ បើតាមការសនិ្នដ្ឋានរបស់សមត្ថកិច្ចគឺក្មេងស្រីរងគ្រោះបានដើរទៅក្បែមាត់ស្រះដោយមានស្នាកស្នាមឈរនៅនឹងឈើដែលដាក់គងនៅមាត់ស្រះនោះរអិលជើងធ្លាក់ចូលក្នុងទឹកស្រះតែម្តង ៕
កែសម្រួលដោយ ៖ សំណាង
ចែករំលែកព័តមាននេះ