រាជធានីភ្នំពេញ ៖ មាឌមាំ សាច់ដុំ ធំៗ សក្តិសមជាបុរស ពិតៗ ប៉ុន្តែតារាសម្តែងលោកលឹម រដ្ឋា កាលពីពេល ថ្មីៗនេះ ស្រាប់តែប្តូរចរិតទៅជាមនុស្សខ្ទើ.យម្ញុិកម្ញ៉ក់ទៅវិញ ។ តើហេតុអ្វីបានជាលោកលឹម រដ្ឋា ប្រែប្រួលទៅជាបែបនេះ?
រាជធានីភ្នំពេញ ៖ មាឌមាំ សាច់ដុំ ធំៗ សក្តិសមជាបុរស ពិតៗ ប៉ុន្តែតារាសម្តែងលោកលឹម រដ្ឋា កាលពីពេល ថ្មីៗនេះ ស្រាប់តែប្តូរចរិតទៅជាមនុស្សខ្ទើយម្ញុិកម្ញ៉ក់ទៅវិញ ។ តើហេតុអ្វីបានជាលោកលឹម រដ្ឋា ប្រែប្រួលទៅជាបែបនេះ?
តារាសម្តែងលោកលឹម រដ្ឋា ដែលទើបតែទទួលបានពានរង្វាន់អប្សរាឆ្នាំ២០១៣ ផ្នែកតារាសម្តែងបែបមនោសសញ្ចេតនាបានល្អ ធ្វើឱ្យកេរ្តិ៍ឈ្មោះរបស់លោកកាន់តែផុសឡើងមួយកម្រិតទៀត ។ ថ្មីៗនេះ លោកលឹម រដ្ឋា ទើបតែទទួលថតភាពយន្តថ្មីមួយរឿង ដោយមិនសម្តែងជាលក្ខណៈបុរសសង្ហាតាមលែបខាយ ស្រីៗដូចរឿង មុនៗឡើយ គឺអ្នកដឹកនាំរឿងតម្រូវឱ្យលោកសម្តែងជាតួខ្ទើយ ។
កន្លងមកការសម្តែងរបស់លោកលឹម រដ្ឋា ជាតួកម្សត់ កាច និងវាយតប់ទទួលបានការកោតសរសើរមិនដាច់ពីមាត់ពីអ្នកដឹកនាំរឿងដោយសារតែតារាប្រុសមុខមាត់បែបខ្មែរអង្គរម្នាក់នេះ មានទេពកោសល្យសម្តែងល្អមិនឱ្យអ្នកដឹកនាំរឿងពិបាកឡើយ ។ ដោយឡែកចុងក្រោយនេះលោករដ្ឋា ប្តូរមកសម្តែងជាតួខ្ទើយវិញ ធ្វើឱ្យលោកបារម្ភខ្លាចសម្តែងមិនសម ។ លោកបារម្ភដោយសារការសម្តែងនោះធ្វើឫកម្ញុិកម្ញ៉ក់ខុសពីចរិតពិតរបស់ខ្លួនដែលជាបុរស ។
លោកលឹម រដ្ឋា និយាយថា «ខ្ញុំសម្តែងរឿងបានច្រើនមកហើយ មិនដែលប៉ះតំណែងតួអង្គណាដែលគេឱ្យសម្តែងបែបភេទទី៣ ឬហៅថាខ្ទើយបែបនេះឡើយ ។ រាងកាយរបស់ខ្ញុំមានសាច់ដុំ មានមាឌមាំ តែបែរជាមកបញ្ចេញកាយវិការទន់ភ្លន់គឺពិតជាប្លែក ។ ខ្ញុំធ្លាប់តែលេងសើចក្រៅឆាក ដល់ពេលមកសម្តែងមែនទែនហាក់ផ្អើលៗ» ។
តារាសម្តែងដែលមានឱកាសថតខ្សែរឿងភាពយន្តថ្វាយសម្តេចព្រះនរោត្តម សីហនុ រូបនេះអះអាងទៀតថា រឿងនោះលោកថតឱ្យគេបានប៉ុន្មានប្លង់រួចមកហើយ តែលោកសុំលាក់ចំណងជើងសិន ព្រោះអ្នកដឹកនាំរឿងហាមមិនឱ្យនិយាយ ចាំពេលដាក់បញ្ចាំងពិតជាដឹងទូទៅមិនខាន ។ លោកមានអារម្មណ៍ខ្មាសគេមិនតិចទេ ពិសេសពេលកំពុងថតនោះពិតជាប្លែក ហើយសប្បាយសើចលេង ព្រោះសម្តែងជាតួភេទទី៣ទាំងមានមុខមាត់ និងសាច់ដុំ ធំៗជាបុរស ពិតៗ ។ ទោះយា៉ងណាក្តី មកទល់ពេលនេះ លោករដ្ឋាបានដាក់ចិត្តមិនអៀនខ្មាសតទៅទៀតទេដោយសារតែនោះជាសិល្បៈ ។ ម្យា៉ងក្នុងនាមជាតួសម្តែង ហើយថែមទាំងបានពានរង្វាន់ទៀតនោះ លោកនឹងខំសម្តែងឱ្យបានច្រើនផ្នែកសម្រាប់ទុកជាបទពិសោធន៍ ។ បើនៅតែខ្មាសធ្វើអ្វីមិនកើតទេ ជាតារាម្នាក់ត្រូវតែសម្តែងឱ្យកើត ហើយធ្វើឱ្យដូចអ្វីជាការណ៍ពិតទើបមហាជនឱ្យតម្លៃ ។
លោក លឹម រដ្ឋា តាំងចិត្តខិតខំធ្វើយា៉ងណាសម្តែងឱ្យកាន់តែល្អក្នុងតួអង្គភេទទី៣នេះ ដោយរំពឹងថានៅពេលចាក់បញ្ចាំងពិតជាធ្វើឱ្យអ្នកទស្សនាបានរីករាយ ។ ទន្ទឹមនេះលោកក៏ចង់ដឹងថា ការសម្តែងរបស់ខ្លួនបានល្អកម្រិតណាតាមរយៈការវាយតម្លៃពីមហាជន ៕
ចែករំលែកព័តមាននេះ