រាជធានីភ្នំពេញ ៖ តារាសម្តែង និងចម្រៀងភេទ.ទី.បី លោកម៉ាដូណា បានទម្លាយពីកូនបំណុលដែលជំពាក់លុយលោកយ៉ាងសន្ធឹកសន្ធាប់ប្រមាណ២៣ម៉ឺនដុល្លារ ខណៈពេលបំណុលនេះមិនទាន់សងនៅឡើយ ។ យ៉ាងណា គេនៅមិនទាន់ដឹងទេថា…
រាជធានីភ្នំពេញ ៖ តារាសម្តែង និងចម្រៀងភេទ.ទី.បី លោកម៉ាដូណា បានទម្លាយពីកូនបំណុលដែលជំពាក់លុយលោកយ៉ាងសន្ធឹកសន្ធាប់ប្រមាណ២៣ម៉ឺនដុល្លារ ខណៈពេលបំណុលនេះមិនទាន់សងនៅឡើយ ។
យ៉ាងណា គេនៅមិនទាន់ដឹងទេថា កូនបំណុលដែលជំពាក់លុយលោកយ៉ាងច្រើននេះជានរណាឡើយ ប៉ុន្តែតារារូបនេះបានបង្ហើបថា កូនបំណុលនោះ ជាអតីតជាអ្នកលក់ពេជ្រដែលមានសាខារហូត៣កន្លែង ។
តាមរយៈសំណេរដែលបានសរសេរបង្ហោះលើបណ្តាញសង្គមលោក ម៉ាដូណា បានលើកឡើងថា៖ 23ម៉ឺនដុល្លារបស់ខ្ញុំ ដែលអ្នកទាំងអស់គ្នាជំពាក់ខ្ញុំ ខ្ញុំមិនដែលភ្លេចទេ គ្រាន់តែពេលនេះខ្ញុំរក្សាផ្លូវចិត្តអោយល្អសិន កុំគិតថា អ្នកបិទហាងលក់ពេជ្រទាំង៣កន្លែងហើយរត់គេច អ្នកអាចរស់ដោយជីវិតស្រល់ស្រាយ តែកុំភ្លេចបាបបុណ្យ ។
យ៉ាងណា តាមរយៈសំណេរខាងលើនេះ បានធ្វើអោយមហាជនមានការភ្ញាក់ផ្អើល ខណៈពេលកន្លងមក ម៉ាដូណា ក៏ធ្លាប់បញ្ចេញនូវអត្តសញ្ញាណអ្នកសិល្បៈមួយចំនួនដែលខ្ចីលុយលោកមិនទាន់សងដូចគ្នា ។
ជាការកត់សម្គាល់ ទន្ទឹមនឹងបង្ហាញពីកូនបំណុលដែលជំពាក់នោះ កន្លងមក តារាសម្តែងលោក ម៉ាដូណា ក៏ធ្លាប់ទម្លាយរឿងរ៉ាវដែលលោកក៏ជាប់បំណុលគេដូចគ្នាដែលបំណុលមានចំនួនរហូតដល់ខ្ទង់៦០ម៉ឺនដុល្លារ ។
ម៉ាដូណា បានលើកឡើងថា លោកបានដោះបំណុលខ្ទង់៦០ម៉ឺនដុល្លាររបស់ខ្លួនយ៉ាងលំបាក ទំរាំតែអាចឈរជើងរឹងមាំមកវិញដូចសព្វថ្ងៃនេះ ។
លោកបញ្ជាក់ថា បើទោះបីជាលោកនៅសល់បំណុលខ្លះៗទៀត មិនទាន់ដោះស្រាយចប់ តែពេលនេះលោកសប្បាយចិត្តច្រើន ពីព្រោះលោកអាចដោះបំណុលខ្ទង់៦០ម៉ឺនដុល្លាររួចរាល់ក្នុងរយៈពេលជិត២ឆ្នាំ។
បើតាមម៉ាដូណា ការដោះបំណុលរយៈពេលជិត២ឆ្នាំ លោកទទួលស្គាល់ថា លោកនៅមានបំណុលខ្លះៗទៀតដែលត្រូវដោះស្រាយ គ្រាន់តែអ្វីៗទុកតាមដំណើរសិន ដោយលោកត្រូវដោះស្រាយមួយជំហ៊ានម្តងៗដោយមិនមានការគិចវិះឡើយ ៕
ចែករំលែកព័តមាននេះ